29-Sep-2020

ନୂଆଦିଲ୍ଲୀ ୨୯/୦୯: ଭାରତ ଓ ଚୀନ ମଧ୍ୟରେ ଉତ୍ତେଜନା ଜାରି ରହିଛି । ଏହାରି ଭିତରେ ପାକିସ୍ତାନ ପକ୍ଷରୁ ମଧ୍ୟ କ୍ରମାଗତ ଅନୁପ୍ରବେଶ ପ୍ରୟାସ ଲାଗି ରହିଛି।  ଭାରତୀୟ ବାୟୁସେନା (ଆଇଏଏଫ) ମୁଖ୍ୟ ଆର କେ ଏସ ଭଦୋରିଆ କହିଛନ୍ତି ଉତ୍ତର ସୀମାରେ ସ୍ଥିତି ଚାଲେଞ୍ଜିଂପୂଣ୍ର୍ଣ ରହିଛି। ଅର୍ଥାତ୍ ସ୍ଥିତି ଭଲ ନାହିଁ। ତାଙ୍କ ଇସାରା ଥିଲା ଚୀନକୁ ଲାଗିକି ଥିବା ସୀମା ଉପରେ।*

*ଭଦୋରିଆ ଭିଡିଓ କନଫରେନ୍ସିଂ ଜରିଆରେ ଏ କଥା କହିଛନ୍ତି। ଉତ୍ତର ସୀମାରେ ସୁରକ୍ଷା ପରିସ୍ଥିତି ବର୍ତମାନ ଖୁବ ଅସହଜ ରହିଛି। ଯୁଦ୍ଧ କି ଶାନ୍ତିର ପରିସ୍ଥିତି ଏ ସମୟରେ ସେଠାରେ କିଛି ହେଲେ ନାହିଁ। ତେବେ ରାଫେଲ ଜେଟ୍ ସାମିଲ ହେବାରୁ ବାୟୁସେନା କ୍ଷମତା ବୃଦ୍ଧି ପାଇଛି ବୋଲି ଭଦୋରିଆ କହିଛନ୍ତି।
*ଉଲ୍ଲେଖୀନୟ ଯେ ପାଞ୍ଚ ମାସ ହେବ ପୂର୍ବ ଲଦାଖରେ ବାସ୍ତବିକ ନିୟନ୍ତ୍ରଣ ରେଖା (ଏଲଓସି)ରେ ଦୁଇ ଦେଶର ସେନା ଆମ୍ନାସାମ୍ନି ଅଛନ୍ତି। ପିପୁଲ୍ସ ଲିବରେସନ ପାର୍ଟି ଓ ଭାରତୀୟ ମିଲିଟ୍ରି ଟ୍ୟାଙ୍କ, ମିଶାଇଲ ସମେତ ପ୍ରତିଟି ଜରୁରୀ ଅସ୍ତ୍ରଶସ୍ତ୍ର ସହ ଏଲଓସିରେ ମୁତୟନ ଅଛନ୍ତି। ଭାରତୀୟ ବାୟୁସେନାର ଫାଇଟର ଜେଟ ମଧ୍ୟ କ୍ରମାଗତ ସେଠାରେ ବୁଲୁଛି । ଆଇଏଏଫ ମଧ୍ୟ ସ୍ପଷ୍ଟ କରିଥିଲା ଯେ ମାର୍ଚରୁ ସେ ସ୍ଥିତି ସମ୍ଭାଳିବାକୁ ସକ୍ଷମ।