03-Nov-2021

ଭୁବନେଶ୍ୱର(ଅମୃତ ନନ୍ଦ) ବବି ମିଶ୍ର ଫିଲ୍ମସ୍ ବ୍ୟାନରରେ ନିର୍ମାଣାଧୀନ ଓଡ଼ିଆ ରୋମାଣ୍ଟିକ କମେଡି ମୁଭି ‘ଫେରିଲେ ମୁଁ ତୁମର’ ର ଆଜି ଶୁଭ ମୁହୁରତ୍ ଅନୁଷ୍ଠିତ ହୋଇଯାଇଛି । ଏହି ଚଳଚ୍ଚିତ୍ରରେ କାହାଣୀ ଓ ପ୍ରଯୋଜନା ଅଭିନେତା ବବି ମିଶ୍ର ରହିଥିବା ବେଳେ ଓଲିଉଡ଼ ର ଜଣାଶୁଣା ନିର୍ଦ୍ଦେଶକ ସୁଧାକର ବସନ୍ତ ଏହି

ଚଳଚ୍ଚିତ୍ରରେ ନିର୍ଦ୍ଦେଶନା ଦାୟିତ୍ୱରେ ରହିଛନ୍ତି । ଟୁନା ଦ୍ୱିବେଦୀ ଏଥିରେ  କାର୍ଯ୍ୟନିର୍ବାହୀ ପ୍ରଯୋଜକ ଭାବରେ କାମ କରିଛନ୍ତି । ଚଳଚ୍ଚିତ୍ରରେ ଡ. ରଜନୀ ରଂଜନଙ୍କ ଦମଦାର ଡାଏଲଗ୍ ଦର୍ଶକଙ୍କ ମନ ଛୁଇଁ ପାରିବ ବୋଲି ଆଶା କରାଯାଉଛି । ଡାଏଲଗ ଅଭିନେତା ବବି ମିଶ୍ର ପ୍ରଥମ ଥର ପାଇଁ ପ୍ରଯୋଜନା କ୍ଷେତ୍ରକୁ ଆସୁଥିବା

ବେଳେ ଖୁବ ଶୀଘ୍ର ଏହା ବଡ ପରଦାରେ ରିଲିଜ ହେବ ବୋଲି ପ୍ରଯୋଜକ ସଂସ୍ଥା ତରଫରୁ ପ୍ରକାଶ । ଏହି ଫିଲ୍ମରେ ମୁଖ୍ୟ ଭୂମିକାରେ ସମ୍ବିତ(ନାୟକ), ତୃପ୍ତି(ନାୟିକା), ବବି ମିଶ୍ର, ପପି ସାନ୍ତୁକା, ହରି ମହାପାତ୍ର, ପିଣ୍ଟୁ ନନ୍ଦ, ପ୍ରତିଭା ପଣ୍ଡା, ମଧୁସୂଦନ ରାଓ, ବାପି, ଶୁଭମ ଓ ଅମର ଆଦି କଳାକାର ଅଭିନୟ କରୁଛନ୍ତି ।