01-Nov-2021

ବୀରମହାରାଜପୁର, ( ବିନୋଦ ପାଣ୍ଡେ   ) : ସୁବର୍ଣ୍ଣପୁର ଜିଲ୍ଲା ବୀରମହାରାଜପୁର ଉପଖଣ୍ଡ ବାଗବର ହାଇସ୍କୁଲ ଖେଳପଡିଆରେ ହେଉଥିବା ଏକ ଦିବସୀୟ ଦ୍ବିତୀୟ ମା' ମାହେଶ୍ଵରୀ ଭେଟେରାନ୍ ଫୁଟବଲ ଟୁର୍ଣ୍ଣାମେଣ୍ଟ ର ଫାଇନାଲେ ସମ୍ବଲପୁରକୁ ହରେଇ ସିଙ୍ଗପାଲି ଚାମ୍ପିୟନ ହୋଇଛି । ଉଦଘାଟନୀ ଉତ୍ସବରେ ବୀରମହାରାଜପୁର ବିଧାୟକ ତଥା ବାଣିଜ୍ଯ ଓ ପରିବହନ ତଥା ଯୋଜନା ଓ ସଂଯୋଜନା ମନ୍ତ୍ରୀ ପଦ୍ମନାଭ ବେହେରା ମୁଖ୍ୟ ଅତିଥି ଭାବେ ଯୋଗଦେଇ ଫୁଟବଲ ପ୍ରତିଯୋଗିତାକୁ ଉଦଘାଟନ କରିଥିଲେ ।

ଉଦଘାଟନୀ ମ୍ୟାଚରେ ବାଗବର ଓ ବୌଦ୍ଧ ଦଲ ମଧ୍ୟରେ ମୁକାବିଲା ହୋଇଥିଲା । ଏଥିରେ ବାଗବର ୩-୧ ଗୋଲରେ ବିଜୟୀ ହୋଇଥିଲା । କେଉଟିପାଲି ଓ ବଲାଙ୍ଗୀର ମଧ୍ଯରେ ହୋଇଥିବା ଦ୍ଵିତୀୟ ମ୍ୟାଚ ଗୋଲ ଶୂନ୍ଯ ହେବାରୁ ଟ୍ରାଇବ୍ରେକର ଜରିଆରେ ୫-୪ ଗୋଲରେ କେଉଟିପାଲି ବିଜୟୀ ହୋଇଥିଲା । ତୃତୀୟ ମ୍ୟାଚ ସିଂଙ୍ଗପାଲି ଦଳ ଧମାକୁ ୧-୦ ଗୋଲରେ ପରାସ୍ତା କରିଥିଲା ।ଚତୁର୍ଥ ମ୍ୟାଚରେ ସମ୍ବଲପୁର ଦଳ ବୁର୍ଲାକୁ ୧-୦ ଗୋଲରେ ପରାସ୍ତା କରି ସେମିଫାଇନାଲରେ ପ୍ରବେଶ କରିଥିଲା । ପ୍ରଥମେ ସେମିଫାଇନାଲ ବାଗବର ଓ ସିଂଙ୍ଗପାଲି ମଧ୍ୟରେ ହୋଇଥିବା ବେଳେ ସିଙ୍ଗପାଲି ୧-୦ ଗୋଲରେ ବିଜୟୀ ହୋଇଥିଲା ।ଦ୍ଵିତୀୟ ସେମିଫାଇନାଲେ ସମ୍ବଲପୁର ଟ୍ରାଇବ୍ରେକରେ ୫-୩ ଗୋଲରେ କେଉଟିପାଲି କୁ ହରାଇ ଫାଇନାଲରେ ପ୍ରବେଶ କରିଥିଲା । ଫାଇନାଲ ମ୍ଯାଚ ସମ୍ବଲପୁର ଓ ସିଂଙ୍ଗପାଲି ମଧ୍ୟରେ ହୋଇଥିବା ବେଳେ ନିର୍ଦ୍ଧାରିତ ସମୟରେ ଉଭୟ ପକ୍ଷରୁ କୌଣସି ଗୋଲ ଦେଇ ପାରିନଥିଲେ । ଫଳରେ ଟ୍ରାଇବ୍ରେକରେ ୫-୪ ଗୋଲରେ ସିଂଙ୍ଗପାଲି ବିଜୟୀ ହୋଇ ଉକ୍ତ ଟୁଣ୍ଣାମେଣ୍ଟ କୁ ଲଗାତାର ଦ୍ବିତୀୟ ବର୍ଷ ପାଇଁ ଚାମ୍ପିୟନ ହୋଇଥିଲା । ଆୟୋଜକ କ୍ଲବ ର ସଭାପତି ଆଲୋକ ଦେହୁରୀଙ୍କ ଅଧ୍ୟକ୍ଷତାରେ ଅନୁଷ୍ଠିତ ପୁରସ୍କାର ବିତରଣୀ ଉତ୍ସବରେ ବୀରମହାରାଜପୁର ଅତିରିକ୍ତ ତହସିଲଦାର ସ୍ଵାଗତ ପଣ୍ଡା ମୁଖ୍ଯ ଅତିଥି ଏବଂ ପୂର୍ବତନ ବ୍ଲକ ଅଧ୍ୟକ୍ଷ ତଥା ସୁବଳୟା ସମିତି ସଭ୍ଯ ରଞ୍ଜିତ ରଥ, ଜାଲୋଏ ପଞ୍ଚାୟତ ନିର୍ବାହୀ ଅଧିକାରୀ ଧିରେନ୍ଦ୍ର ବାଘ,  ରବିନ୍ଦ୍ର ହୋତା, ରଞ୍ଜନ କୁମାର ତାଣ୍ଡିଆ, ଶୈଳେନ୍ଦ୍ର ବାଦୀ ଓ କ୍ଲବ ସମ୍ପାଦକ ଭଗବାନ କର୍ଣ୍ଣ ସମ୍ମାନିତ ଅତିଥି ଭାବେ ଯୋଗଦେଇଥିଲେ । ସମ୍ବଲପୁର ଦିଲ୍ଲୀପ ଦଣ୍ଡସେନା ଶ୍ରେଷ୍ଠ  ଗୋଲ୍ କିପର,  ପ୍ରଫୁଲ୍ଲ ଭୋଇ ଶ୍ରେଷ୍ଠ ପ୍ରତିରକ୍ଷ ଏବଂ ସିଙ୍ଗପାଲି ଯୋଗେଶ୍ବର ଭୋଇଙ୍କୁ ଶ୍ରେଷ୍ଠ ସ୍କୋରର, ଅର୍ଜୁନ ଭୋଇଙ୍କୁ ମ୍ୟାନ ଅଫ ଦି ସିରିଜ୍ ଓ ଜୟରାମ ବାଘଙ୍କୁ ମ୍ୟାନ ଅଫ ଦି ମ୍ୟାଚ୍ ଭାବେ ପୁରସ୍କୃତ କରାଯାଇଥିଲା । ଏଥି ସହିତ ଚମ୍ପିଆନ୍ ସିଙ୍ଗପାଲି ଦଳକୁ ନଗଦ ୬ ହଜାର ୬୬୬ ଟଙ୍କା ସହିତ ଟ୍ରଫି ଓ ସମ୍ବଲପୁର ଦଳକୁ ନଗଦ ୪ ହଜାର ୪୪୪ ଟଙ୍କା ସହିତ ଟ୍ରଫି ପ୍ରଦାନ କରାଯାଇଥିଲା ।ସୁଦାମ ଜଗଦଲା, ପ୍ରଶାନ୍ତ ଷାଣ୍ଢ , ନରେଶ କାଣ୍ଡ ଓ ପ୍ରଶାନ୍ତ

ସେଠୀ ପ୍ରାଣବନ୍ଧୁ ଦେହୁରୀ  ଖେଳ ପରିଚାଳନାରେ କରିଥିଲେ । ସନାତନ ନାଗ, ପ୍ରଦିପ ପଧାନ, ଓଜସ୍ଵୀ ପଣ୍ଡା,  ଗିରିଧାରୀ ହୋତା, ଧାରା ବିବରଣୀ ପ୍ରଧାନ କରିଥିଲେ । ଚନ୍ଦ୍ରମଣି ବଗର୍ତ୍ତୀ, ଅରବିନ୍ଦ ଦେହୁରୀ, ଚିତ୍ତରଞ୍ଜନ ଦାସ, କୁନୁ ପଧାନ, ସୁଜିତ ରଥ, ବାବୁଲା ରଥ, ଜିତେନ୍ଦ୍ର ଦାସ, ତପନ ପୁଝାରୀ , ଆୟୁଷ ଅଗ୍ରୱାଲ ଓଜନ ମାଁ ମହେଶ୍ବର ଭେଟେରାନ୍ ଫୁଟବଲ ଟୁର୍ଣ୍ଣାମେଣ୍ଟ କମିଟିର ସମସ୍ତ ସଦସ୍ଯ ଉପସ୍ଥିତ ରହି ସହଯୋଗ କରିଥିଲେ ।