01-Nov-2021

କଣ୍ଟାବାଞ୍ଜି,(ଆନନ୍ଦ ମୋଟେ)  ଅହେତୁକ ଦରଦାମ ବୃଦ୍ଧି ପ୍ରତିବାଦରେ କେନ୍ଦ୍ର ସରକାର ବିରୁର୍ଦ୍ଧରେ ଋଣ ହୁଙ୍କାର ଦେଇଛି ବିଜେଡି । ବିଜୁ ମହିଳା ଦଳ ପକ୍ଷରୁ ସ୍ଥାନିୟ ଇନ୍ଦିରା ଛକ ଠାରେ ମହିଳା କର୍ମୀ ମାନେ ବିକ୍ଷୋଭ ପ୍ରଦର୍ଶନ କରିଥିଲେ । ଦିନକୁ ଦିନ ପେଟ୍ରୋଲ, ଡିଜେଲ, ଖାଇବା ତେଳ ରୁ ଆରମ୍ଭ କରି ଇନ୍ଧନ ଗ୍ୟାସ ଦର ବଢି ବଢି ଚାଲିଛି । କେନ୍ଦ୍ର ସରକାର ଶାସନକୁ ଆସିବା ପୁର୍ବରୁ ପ୍ରଧାନମନ୍ତ୍ରୀ ନିର୍ବାଚନ ସମୟରେ “ଅଚ୍ଛେ ଦିନ ଆଏଙ୍ଗେ, ଦେଶ ବଦ୍‌ଲେଗା” କହି ଲୋକଙ୍କ ଭୋଟ ପାଇଥିଲେ । କେନ୍ଦ୍ରରେ ବିଜେପି ଶାସନ କରିବା ଦିନଠୁ ସବୁ ସାମଗ୍ରୀର ଦରଦାମ ବୃଦ୍ଧି ପାଉଛିଁ । ବିଶେଷ କରି ପେଟ୍ରୋଲ, ଡିଜେଲ ବୃଦ୍ଧି ପାଉଥିବା ଯୋଗୁ ଟ୍ରାନ୍ସପୋଟିଙ୍ଗ ଖର୍ଚ୍ଚ ମଧ୍ୟ ବଢୁଛି । ଯାହା ଫଳରେ ଖାଇବା ଠୁ ଆରମ୍ଭ କରି ନିତି ଦିନନିଆ ବ୍ୟବହାର ସାମଗ୍ରୀର ଦର ବଢି ବଢି ଚାଲିଛି । କେନ୍ଦ୍ର ସରକାର ଦରଦାମ ବୃଦ୍ଧି ନିୟନ୍ତ୍ରଣ କରୁପାରୁନାହିଁ କହି ମୋଦି ସରକାର ବିରୁର୍ଦ୍ଧରେ ନାରାବାଜି କରିବା ସହ ବିକ୍ଷୋଭ ପ୍ରଦର୍ଶନ କରିଥିଲେ ବିଜୁ ମହିଲା ଦଳର କର୍ମୀ । ଏହି ବିକ୍ଷୋଭ ପ୍ରଦର୍ଶନ ସମୟରେ ବିଜୁ ମହିଲା ଦଳ ରାଜ୍ୟ ଉପସଭାନେତ୍ରି ଗୋପା ମହାନନ୍ଦ, ଜିଲ୍ଲା ସାଧାରଣ ସଂପାଦିକା ପିଙ୍କି ଖର୍ସେଲ, ଜିଲ୍ଲା ସଂପାଦିକା ତପସ୍ୱନି ରଣା, ଚିତ୍ରଲେଖା ତାଣ୍ଡି,  ସୁଶିଲା ରଣା, ନଗର ସଭାନେତ୍ରି ଶାଲିନି ଜୈନ, କାର୍ଯ୍ୟକାରି ସଭାନେତ୍ରି ସସ୍ମିତା ଦଣ୍ଡସେନା, ତୁରେକେଲା ବ୍ଲକ ସଭାନେତ୍ରି ସରସ୍ୱତି ମେହେର, ବଙ୍ଗୋମୁଣ୍ଡା ବ୍ଲକ ସଭାନେତ୍ରି ଅନିତା ଦଣ୍ଡସେନା, ମୁରିବାହାଲ ବ୍ଲକ ସଭାନେତ୍ରୀ ରଜନି ବାଗ, ନିଶା ମହାନନ୍ଦ , ଛାତ୍ର ନେତ୍ରି ସିମରନ କୌର ସହ ଅନ୍ୟ ବିଜୁ ମହିଲା ଦଳ ସଦସ୍ୟା ଉପସ୍ଥିତ ଥିବା ବେଳେ ବିଜୁ ଜନତା ଦଳ ଜିଲ୍ଲା ସାଧାରଣ ସଂପାଦକ ଫିରୋଜ ଖାଁ, ରାଜେନ୍ଦ୍ର ବେହେରା, ଜିଲ୍ଲା କୃଷକ ମୋର୍ଚ୍ଚା ସଭାପତି ଅଜୟ ଦାସ, ଜିଲ୍ଲା ଉପସଭାପତି ଉମା ସାହୁ, ଜିଲ୍ଲା ଯୁବ ସଂପାଦକ ଶାନ୍ତନୁ ବିଭାର, ତୁରେକେଲା ବ୍ଲକ ସଭାପତି ଆଶାଦୁଲ୍ଲା ଖାଁ, ବରିଷ୍ଠ ବିଜେଡିି ନେତା ଉର୍ଦ୍ଧବ ବେହେରା, ଦେବାର ବାରିକ ପ୍ରମୁଖ ଉପସ୍ଥିତ ଥିଲେ ।