01-Nov-2021

ପାଟଣାଗଡ (ପ୍ରେରଣା ଖବର) ପାଟଣଗଡ କୋର୍ଟର ସରକାରୀ ଓକିଲ ରାଧାକାନ୍ତ ଭୋଇଙ୍କ ଦେହାନ୍ତ ହୋଇଯାଇଛି।ଦମକିପାଲି ନିବାସୀ ଶ୍ରୀ ଭୋଇ ପିତା ବିରାଟଚନ୍ଦ୍ର ଭୋଇ ଓ ଯାଜ୍ଞସେନୀ ଭୋଇଙ୍କ ଔରସରୁ ଜନ୍ମ ଗ୍ରହଣ କରିଥିଲେ।୨୩ତାରିଖରେ ଏକ ଅଜଣା ବାଇକ ଆରୋହୀ ଶ୍ରୀ ଭୋଇଙ୍କ ଗାଡିକୁ ଧକ୍କା ଦେବା ଫଳରେ ଦୁର୍ଘଟଣା ଯୋଗୁଁ ଗୁରୁତର ଅବସ୍ଥାରେ ବଲାଙ୍ଗୀର ଡାକ୍ତରଖାନାକୁ ଚିକିତ୍ସା ପାଇଁ ଯାଇଥିଲେ।ସେଠୁ ପୁଣି ଡାକ୍ତରଙ୍କ ପରାମର୍ଶରେ ବୁର୍ଲାକୁ ସ୍ଥାନାନ୍ତରିତ କରାଯାଇଥିଲା।ସେଠାରେ ଡାକ୍ତର ଔଷଧ ଦ୍ଵାରା ଭଲ ହୋଇଯିବେ ବୋଲି କହି ଚିକିତ୍ସା କରିଥିଲେ। ଚିକିତ୍ସାର ପାଞ୍ଚ ଦିନ ପରେ ହଠାତ ଦେହ ଅସୁସ୍ଥ

ହେବାପରେ ତାଙ୍କର ମୃତ୍ୟୁ ଘଟିଥିଲା।ଶ୍ରୀ ଭୋଇ ୧୯୯୧ ମସିହାରେ ରାଜେନ୍ଦ୍ର ମହାବିଦ୍ୟାଳୟରେ ଆଥେଲେଟିକ ସେକ୍ରେଟାରୀ,ଓବିସି ମଞ୍ଚ ପାଟଣଗଡର ସଭାପତି,କୁଲତା ସମାଜର ଉପଦେଷ୍ଟା,୧୯୯୭ରୁ ୨୦୦୨ ପର୍ଯ୍ୟନ୍ତ ଡାଙ୍ଗବାହାଲ ଗ୍ରାମ ପଞ୍ଚାୟତର ସରପଞ୍ଚ,ଶ୍ରୀ ଶ୍ରୀ ଜଗନ୍ନାଥ କ୍ଳବ ଓ ଈଶ୍ୱର ଚନ୍ଦ୍ର ଉଚ୍ଚ ବିଦ୍ୟାଳୟ ଦମକିପାଲିର ଉପଦେଷ୍ଟା ରହିବା ସହିତ ଜଣେ ସମାଜସେବୀ ଭାବେ ବେଶ ଜଣାଶୁଣା ଥିଲେ।ତାଙ୍କ ବିୟୋଗରେ ସାରା ଅଞ୍ଚଳରେ ଶୋକର ଛାୟା ଖେଳିଯାଇଛି।