01-Nov-2021

ବଲାଙ୍ଗୀର/ଲୋଇସିଂହା, (ବିନୋଦ କୁମାର ଦୀପ): ବଲାଙ୍ଗୀର ଜିଲ୍ଲା ଲୋଇସିଂହା ବ୍ଲକ କରଳିପାଟ ଠାରେ ଏକ ଗଞ୍ଜେଇ ମେକ୍ସ ପିକଅପ ଗାଡି ନମ୍ବର (OD05-BA-4211)ଧରିବାକୁ ବଲାଙ୍ଗୀର ଫରେଷ୍ଟ ଡିପାର୍ଟମେଣ୍ଟ ସଫଳ ହୋଇଛି l ବୋଲୋରୋ ପିକଅପ ରୁ ଦୁଇ କୁଣ୍ଟାଲ ଗଞ୍ଜେଇ ସହିତ ଜଣକୁ ଗିରଫ କରାଯାଇଛି l ଗିରଫ ଅଭିଯୁକ୍ତ ହେଲେ ସୁରେଶ ପାତ୍ର ଓ ସେ ସୋନପୁର  ଜିଲ୍ଲା ମାଟୁପାଲି ଗ୍ରାମର ବୋଲି ଜଣାପଡିଛି l ବଲାଙ୍ଗୀର ଅର୍ଜୁନପୁର-ଆଟଗାଁ ପଟରୁ ଏକ ବୋଲୋରୋ ପିକଅପ ଗାଡି ଆସୁଥିବା ଜାଣି ପିଛା କରିଥିଲେ ବଲାଙ୍ଗୀର ଫରେଷ୍ଟ ଡିପାର୍ଟମେଣ୍ଟର ବ୍ୟାସଦେବ ସାହୁ, ଜେନା ରାଉତ, ବିପ୍ଳବ ପଟ୍ଟନାୟକ, ମନୋଜ ପଧାନ ପ୍ରମୁଖ ଗଂଜେଇ ବୋଝେଇ ପିକଅପକୁ ଲୋଇସିଂହାର ଜାଡାମୁଣ୍ଡା ରେ ଧରିଲେ l ଗାଡ଼ିରୁ  ଦୁଇ କୁଇଣ୍ଟାଲ ଗଂଜେଇ ଜବତ କରାଗଲା ତାହାର ହାରାହାରି ମୂଲ୍ୟ 5 ଲକ୍ଷ ହେବ l