31-Oct-2021

ସୁବର୍ଣ୍ଣପୁର(ମନୋରଞ୍ଜନ ତ୍ରିପାଠୀ): ଆଜି ସୁବର୍ଣ୍ଣପୁର ଜ଼ିଲ୍ଲା ପ୍ରଶାସନ ପକ୍ଷରୁ ବରିଷ୍ଠ ନାଗରିକ ମାନଙ୍କ ପାଇଁ ବିଭିନ୍ନ କାର୍ଯ୍ୟକ୍ରମ ଆୟୋଜନ କରାଯାଇ ସମ୍ବର୍ଦ୍ଧିତ କରାଯାଇଥିଲା l ସୁବର୍ଣ୍ଣପୁର ଜ଼ିଲ୍ଲା ସଂସ୍କୃତି ବିଭାଗ ପକ୍ଷରୁ ଆୟୋଜିତ ବିଭିନ୍ନ କାର୍ଯ୍ୟକ୍ରମ ରେ ପ୍ରଥମେ ସ୍ଥାନୀୟ ଫୋରେଷ୍ଟ ପାର୍କ ଠାରେ ବରିଷ୍ଠ ନାଗରିକ ଙ୍କୁ ଯୋଗ  କ୍ରିୟା ଓ ପ୍ରାଣାୟାମ ଉପରେ  ଯୋଗ ଗୁରୁ  ଗୋରେଖ ନାଥ ସାହୁ ଅତି ସୁନ୍ଦର ଭାବେ ବୁଝାଇ  ଯୋଗାଭ୍ୟାସ  କରାଇ ଥିଲେ  l ଏହି କାର୍ଯ୍ୟକ୍ରମ ରେ ମୁଖ୍ୟ ଅତିଥି ଭାବେ ସୁବର୍ଣ୍ଣପୁର ଜ଼ିଲ୍ଲାପାଳ ଅବୋଲି ସୁନୀଲ ନରୱଣେ  ଯୋଗ ଦେଇ ବରିଷ୍ଠ ନାଗରିକ ମାନଙ୍କୁ ସ୍ୱାଗତ କରିବା  ସହିତ ସମ୍ମାନ ଜଣାଇଥିଲେ ଓ ନିୟମିତ ଯୋଗ ଓ ପ୍ରାଣାୟାମ କଲେ  କେବେ ବି ଆପଣ ମାନଙ୍କୁ କୋଭିଡ  ବା କୌଣସି ରୋଗ ଛୁଇଁ ପାରିବନି ବୋଲି କହିଥିଲେ ଏବଂ ସମସ୍ତଙ୍କ ଉପସ୍ଥିତି  ପାଇଁ କୃତଜ୍ଞତା ଦେଇଥିଲେ l ଏହି ଯୋଗଭ୍ୟାସ ଓ ପ୍ରାଣାୟାମ କାର୍ଯ୍ୟକ୍ରମ ଅବସରରେ, ପି ଡ଼ି ଡ଼ି ଆର ଡ଼ି ଏ ଶ୍ରୀ ଡୋଳାମଣି ପଟେଲ, ଡେପୁଟି କଲେକ୍ଟର ଅଭିଳାଷ ପୁରୋହିତ , ପ୍ରମୁଖ ଯୋଗଦାନ କରିଥିଲେ l   ପରେ ପରେ ଜିଲ୍ଳା ସଂସୃତି ଭବନ ଠାରେ ଆଲୋଚକ ଯୋଗେନ୍ଦ୍ର ପ୍ରସାଦ ପଣ୍ଡା ଜୀବନ ର ମୂଲ୍ୟ, ମଣିଷ ପଣିଆ ଉପରେ ଓ  ସକାରାତ୍ମକ ଭାବନା ନେଇ  କାର୍ଯ୍ୟ କରିବାକୁ  ପରାମର୍ଶ କରି ଆଧ୍ୟାତ୍ମିକତା  ଉପରେ ଅନେକ ପରାମର୍ଶ ଦେଇଥିଲେ l ତୃତୀୟ ସେସନ ରେ ଡାକ୍ତର ପ୍ରଦୀପ ଗୁରୁ ସୁଷମ ଓ ସାତ୍ଵିକ ଖାଦ୍ୟ ଓ ଉତ୍ତମ ସ୍ୱାସ୍ଥ୍ୟ ଉପରେ ପୁଙ୍ଖାନୁପୁଙ୍ଖ ଭାବେ ବୁଝାଇ ସ୍ୱାସ୍ଥ୍ୟ ହିଁ ସମ୍ପଦ ବୋଲି କହିବା ସହ ନିୟମିତ  ସୁଷମ ଖାଦ୍ୟ  ଓ ବ୍ୟାୟାମ  ମାଧ୍ୟମରେ ସ୍ୱାସ୍ଥ୍ୟ ର ଉପଯୁକ୍ତ ଯତ୍ନ ନେବାକୁ ପରାମର୍ଶ କରି  ସବୁବେଳେ ଚାପ ମୁକ୍ତ  ଓ ଖୁସିରେ ରହିବାକୁ କହିଥିଲେ l  ଆଜିର ସମସ୍ତ କାର୍ଯ୍ୟକ୍ରମ କୁ ଜ଼ିଲ୍ଲା ସଂସ୍କୃତି  ଅଧିକାରୀ ଈପସିତା ପ୍ରିୟଦର୍ଶନୀ ମିଶ୍ର ସୁନ୍ଦର ଭାବେ ସଂଯୋଜନା  ଓ ପରିଚାଳନା କରିଥିବା ବେଳେ ସଂସ୍କୃତି ବିଭାଗ ର ଦୁଃଖିଶ୍ୟାମ ସେଠି, ସଞ୍ଜୟ ବାରିକ,  ଲୋକ ସମ୍ପର୍କ ବିଭାଗ ଅଧିକାରୀ ଅଶ୍ୱିନୀ କୁମାର ଭୋଇ, ଓ ସମସ୍ତ କର୍ମଚାରୀ, ଜ଼ିଲ୍ଲା ସାମାଜିକ ସୁରକ୍ଷା ବିଭାଗ ଅଧିକାରୀ, କର୍ମଚାରୀ ସହଯୋଗ କରି ବରିଷ୍ଟ ନାଗରିକ ଙ୍କୁ ଉତ୍ସାହିତ କରିଥିଲେ l  ଏ କାର୍ଯ୍ୟକ୍ରମ ରେ ବରିଷ୍ଠ ନାଗରିକ ଶ୍ରୀବତ୍ସ ମଲ୍କିକ,  ସ୍ୱଚ୍ଛ ଭାରତ  ସଭାପତି ଲଷ୍ମୀ ନାରାୟଣ ମେହେର ,

ଅଳିମୁଲ ଇସଲାମ, ପଦ୍ମା ବତୀ ମେହେର, ବିନୋଦ ମେହେର, ଶାନ୍ତି ମେହେର, ବୃନ୍ଦାବନ ରଥ, ଜୟନ୍ତୀ ରଥ, ଓ ଅନ୍ୟ କର୍ମକର୍ତ୍ତା, ଵୃଦ୍ଧା ଶ୍ରମ ର ଅନେକ ଅନ୍ତେବାସୀ, ଜ୍ୟୋତି ରଞ୍ଜନ ପଟ୍ଟନାୟକ,ପ୍ରଫେସର  ନୀଳାମ୍ବର ରାଏ ଗୁରୁ, ଜୟଦେବ ଦଣ୍ଡସେନା, ପ୍ରମୁଖ  ଯୋଗ ଦେଇଥିଲେ l ଶେଷରେ ସଂସ୍କୃତି ଅଧିକାରୀ ଶ୍ରୀମତୀ  ମିଶ୍ର ବରିଷ୍ଠ ନାଗରିକ ଙ୍କ ପାଇଁ ପ୍ରଯୁଜ୍ୟ ସାମାଜିକ ସୁରକ୍ଷା ଆଇନ ଉପରେ ବହୁମୂଲ୍ୟ ବକ୍ତବ୍ୟ ରଖିଥିଲେ, ଦିବସ ପରିପ୍ରେକ୍ଷୀରେ ବରିଷ୍ଠ ନାଗରିକଙ୍କୁ  ଲାଇବ୍ରେରୀ  ପାଇଁ ମାଗଣା କାର୍ଡ ଓ ମାନପତ୍ର ଦେଇ ସମ୍ବର୍ଦ୍ଧିତ କରିଥିଲେ l