31-Oct-2021

ଲୋଇସିଂହା/ଆଗଲପୁର, (ବିନୋଦ କୁମାର ଦୀପ): ଆଗଲପୁର ବ୍ଲକର ସମସ୍ତ ସରକାରୀ ଡାକ୍ତରଖାନାର କଥା ନ କହିବା ଭଲ l କେଉଁଠି ଡାକ୍ତର ଅଭାବ ତ କେଉଁଠି ଔଷଧ ଅଭାବ l ବିନା ଡ଼ାକ୍ତରରେ ଚାଲିଛି ଡ଼ାକ୍ତରଖାନା l ଏହା ଦେଖିବାକୁ ମିଳିଛି ଆଗଲପୁର ବ୍ଲକର  ବେନ୍ଦ୍ରା ଡାକ୍ତରଖାନାରେ, ଠିକ୍ ସେହି ଅବସ୍ଥା ସାଲେଭଟା ଡାକ୍ତରଖାନାର l ଡାକ୍ତରଖାନାର ପରିବେଶ କଥା ନ କହିବା ଭଲ, ସତେ ଯେମିତି ଲାଗୁଛି ଏକ ଜଙ୍ଗଲ l ସରକାର ଲକ୍ଷ ଲକ୍ଷ ଟଙ୍କା ଖର୍ଚ୍ଚ କରୁଛନ୍ତି ‌ଷ୍ଟାଫ କ୍ୱାର୍ଟର ନାଁରେ ‌ହେଲେ ସେଇଠି ମଣିଷ ବଦଳରେ ରହୁଛନ୍ତି ଭୂତ l 

ଡାକ୍ତର ନିଯୁକ୍ତି ଦେଇ ପୁଣି ସେମାନଙ୍କୁ ପାଠ ପଢ଼ିବାକୁ ପଠେଇ ଦିଆଯାଇଛି l ଏ ବିଷୟରେ ଆମେ ଡାକ୍ତରଖାନା ଅଧିକାରୀକୁ ପଚାରିବାରୁ ସେ ଏ ସବୁ ବିଷୟରେ ସବୁ ସତ ବୋଲି ସ୍ବିକାର କରିଥିଲେ l ନାହିଁ ନାହିଁ ରେ ଚାଲିଛି  ଡ଼ାକ୍ତରଖାନା l ଏ ବିଷୟରେ ସରକାର ତୁରନ୍ତ ପଦକ୍ଷେପ ଗ୍ରହଣ କରନ୍ତୁ ନ ‌ହେଲେ ଜନସାଧାରଙ୍କୁ ବାରମ୍ବାର ଅସୁବିଧାର ସମୁଖୀନ ହେବାକୁ ପଡିବ ବୋଲି ଜନମତ ପ୍ରକାଶ ପାଇଛି l