28-Oct-2021

ବ୍ରହ୍ମପୁର (ଉମା ମହାରଣା) ବିଶ୍ବ ହାତଧୂଆ ଦିବସ ଅବସରରେ ରୋଟାରୀ କ୍ଳବ ଅଫ୍ ବ୍ରହ୍ମପୁର ଇଷ୍ଟ ତରଫରୁ ବ୍ରହ୍ମପୁର ସହର ଉପକଣ୍ଠ ଭାବିନୀ ପୁର ସରକାରୀ ଉଚ୍ଚ ପ୍ରାଥମିକ ବିଦ୍ୟାଳୟରେ ଛାତ୍ର ଛାତ୍ରୀ ମାନଙ୍କୁ ଖାଦ୍ୟ ଗ୍ରହଣ ପୂର୍ବରୁ , ଖାଦ୍ୟ ଗ୍ରହଣ ପରେ ଏବଂ ଅନ୍ୟାନ୍ୟ କାର୍ଯ୍ୟକ୍ରମ ପାଇଁ  କିଭଳି ହାତଧୁଆ ହେବ ସେ ସଂପର୍କରେ ତାଲିମ ପ୍ରଦାନ କରାଯାଇଥିଲା ।ବିଦ୍ୟାଳୟର ପ୍ରଧାନ ଶିକ୍ଷକ ପୁଷ୍ପତା

ପାଣିଗ୍ରାହୀଙ୍କ ଅଧ୍ୟକ୍ଷତାରେ ଏବଂ କ୍ଳବ ସଭାପତି କାମରାଜୁ ମହାରଣାଙ୍କ ସଂଯୋଜନାରେ ଆୟୋଜିତ ଏହି କାର୍ଯ୍ୟକ୍ରମରେ କ୍ଳବର ପୂର୍ବତନ ସଭାପତି  ବୃନ୍ଦ ଅଜିତ କୁମାର ପୃଷ୍ଟି, ଅସିତ୍ କୁମାର  ଦତ୍ତ, ପ୍ରଦୀପ 

କୁମାର ପଣ୍ଡା ଓ ଅରୁଣଚାନ୍ଦ୍ ଦାଶ ପ୍ରମୁଖ ହାତଧୁଆର ମହତ୍ତ୍ଵ ଓ ବିଶେଷତ୍ବ ଉପରେ ଛାତ୍ର ଛାତ୍ରୀ ମାନଙ୍କୁ ସଚେତନ କରାଇ ବକ୍ତବ୍ଯ ରଖିଥିଲେ ।ବିଦ୍ୟାଳୟର ସମସ୍ତ ଶିକ୍ଷକ ଓ ଶିକ୍ଷୟିତ୍ରୀ ଏଇ କାର୍ଯ୍ୟକ୍ରମରେ  ସହଯୋଗ କରିଥିଲେ ଏବଂ ରୋଟାରୀ କ୍ଳବର ଏଇ ତାଲିମ କାର୍ଯ୍ୟକ୍ରମକୁ ପ୍ରଶଂସା କରିଥିଲେ ।