24-Oct-2021

ବଲାଙ୍ଗିର,(ପ୍ରେରଣା ଖବର) : ଅଖିଳ ଭାରତୀୟ ଗ୍ରାହକ ପଞ୍ଚାୟତର ଏକ ମହିଳା ସଚେତନତା ବୈଠକ ଜିଲ୍ଲା ଲୋକ ସମ୍ପର୍କ ବିଭାଗ ଅଧୀନରେ ଥିବା ଗାନ୍ଧୀ ଭବନ ଠାରେ ଆଜି ଅପରାହ୍ନ ଚାରିଟା ବେଳେ ପଞ୍ଚାୟତର ଜିଲ୍ଲା ସଭାପତି ଗୋପବନ୍ଧୁ ଶତପଥୀଙ୍କ ଅଧ୍ୟକ୍ଷତାରେ ଅନୁଷ୍ଠିତ ହୋଇଥିଲା ।
ସଂଗଠନର ପୂର୍ବ କ୍ଷେତ୍ର ସଂଗଠନ ମନ୍ତ୍ରୀ ରାମଚନ୍ଦ୍ର ସ୍ଵାଇଁ ଯୋଗଦେଇ ବକ୍ତବ୍ୟରେ ଖାଉଟୀ ସୁରକ୍ଷା ଆଇନ-୨୦୧୯ ରେ 

 ଗ୍ରହଣ ହୋଇଥିଲେ ମଧ୍ୟ କରୋନା ବେଳେ ସମସ୍ତ କ୍ଷେତ୍ରରେ ଅସ୍ଥିରତା ଥିଲେ ସୁଦ୍ଧା ଅଖିଳ ଭାରତୀୟ ଗ୍ରାହକ ପଞ୍ଚାୟତ ତାର କାର୍ଯ୍ୟ ବନ୍ଦ କରିନଥିଲା । ଅନଲାଇନ ମାଧ୍ୟମରେ କାର୍ଯ୍ୟକ୍ରମ ଚାଲିଥିଲା । ଜିଲ୍ଲା ସ୍ତରୀୟ ଚିଠି ପତ୍ର ଆଦାନ ପ୍ରଦାନ କାମ ମଧ୍ୟ ଚାଲିଥିଲା । ଫଳରେ ୨୦୨୦ ଜୁଲାଇରେ କେନ୍ଦ୍ର ସରକାର ଏହା କାର୍ଯ୍ୟକାରୀ କରିଥିଲେ । ଏହି ପରିବର୍ତିତ ଖାଉଟି ଆଇନ ଯୋଗୁଁ ଅନେକ ସୁବିଧାସୁଯୋଗ ଖାଉଟି ମାନେ ପାଇଁ ପାରୁଛନ୍ତି । ସେ ଖାଉଟି ମାନଙ୍କ ବିଭିନ୍ନ ଦିଗ ଆଲୋଚନା କରି ମହିଳା ମାନଙ୍କୁ ସଚେତନ କରିବା ସହିତ ସଂଗଠିତ ଉଦ୍ୟମ ଦ୍ଵାରା ଅନେକ କାର୍ଯ୍ୟ ସଫଳତାର ସହ ହୋଇପାରୁଥିବା ଦର୍ଶାଇ ଥିଲେ । ସେ ସଚେତନତା ଦିଗରେ ପ୍ରଶ୍ନ ଗୁଡିକର ଉତ୍ତର ରଖି ଥିଲେ ।

ଓଡିଶା ପଶ୍ଚିମ ପ୍ରଚାର ପ୍ରସାର ପ୍ରମୁଖ ଇଞ୍ଜିନିୟର କିଶୋର ମୋହନ ମିଶ୍ର ତାଙ୍କ ବକ୍ତବ୍ୟରେ ପଞ୍ଚାୟତର ସଭ୍ୟ ସଂଗ୍ରହ କରିବା ପାଇଁ ଉଦ୍ୟମ ନଭେମ୍ବର ପର୍ଯ୍ୟନ୍ତ ଚାଲିଛି ଆମେ ଲକ୍ଷ୍ୟ ନେଇ ବଢି ଚାଲିଥିବା ସୂଚନା ଦେଇଥିଲେ ।
ସଭାକୁ ସଭ୍ୟା ରଞ୍ଜିତା ମିଶ୍ର ପରିଚାଳନା କରିଥିଲେ । ପୂର୍ବରୁ ଦୀପ ପ୍ରଜ୍ବଳନ ପରେ ସହ ସମ୍ପାଦିକା ମାଳତୀ ଉଦ୍ଗାତା ସଂଗଠନ ମନ୍ତ୍ର ପାଠ କରିଥିବା ବେଳେ ଶେଷରେ କୁସୁମ ଶତପଥୀ ଶାନ୍ତି ପାଠ କରିଥିଲେ । ସବିତା ଅଞ୍ଜଲି ଉଦଗାତl ଧନ୍ୟବାଦ ଅର୍ପଣ କରିଥିଲେ । ଏହି  ବୈଠକ  ସଫଳତାରେ ଅନ୍ୟମାନଙ୍କ  ମଧ୍ୟରେ ପଞ୍ଚାୟତର  କାର୍ଯ୍ୟକର୍ତ୍ତା ସକ୍ରିୟ ସହଯୋଗ କରିଥିଲେ.