21-Oct-2021

ଆଜି ସୁବର୍ଣ୍ଣପୁର ଜିଲ୍ଲାର ରିଜର୍ଭ ପୋଲିସ ପଡିଆ ଠାରେ ସୁବର୍ଣ୍ଣପୁର ଜିଲ୍ଲା ପୋଲିସ ତରଫରୁ 62 ତମ ସହିଦ ଦିବସ ପାଳିତ ହୋଇଯାଇଛି ।ଦେଶର ପୋଲିସ ବିଭାଗ ସବୁବେଳେ ଦେଶର ଆଇନ ଶୃଙ୍ଖଳା କୁ  ରକ୍ଷା ସହିତ ଦେଶର ଶତ୍ରୁ ଙ୍କୁ ନିପାତ କରିବାରେ ପ୍ରମୁଖ ଭୂମିକା ଗ୍ରହଣ କରିଛି ଓ  କର୍ତ୍ତବ୍ୟ ତୁଲାଇ ସହିଦ ହୋଇଥିବା କର୍ମଚାରୀ ଙ୍କୁ ସମ୍ମାନ ସୂଚକ ଏ ଦିବସକୁ ପ୍ରତିବର୍ଷ ସହିଦ ଦିବସ ଭାବରେ ପୋଲିସ ପକ୍ଷରୁ ପାଳନ କରାଯାଏ ।  ଏହି କାର୍ଯ୍ୟକ୍ରମ ରେ ସାରା ଦେଶର ଅର୍ଦ୍ଧ ସାମରିକ ବଳ ତଥା ପୋଲିସ ମାନଙ୍କର ଉଦ୍ଦେଶ୍ୟରେ ଅମର ବଳିଦାନ କୁ ମନେ ପକେଇ ସୃତିଚାରଣ ସହିତ ଓଡ଼ିଆ ପୋଲିସର covid ସହିଦ୍ ଯୋଦ୍ଧା  ଙ୍କୁ ସହିଦ୍ ସ୍ତମ୍ଭ ଠାରେ ସମ୍ମାନ ସୂଚକ ପୁଷ୍ପଗୁଚ୍ଛ ପ୍ରଦାନ କରାଯାଇଛି । ଏହି କାର୍ଯକ୍ରମ ରେ ସୁବର୍ଣ୍ଣପୁର ଜିଲ୍ଲାର ଜିଲ୍ଲାପାଳ ଅବୋଳି ସୁନିଲ ନରବନେ , ଆରକ୍ଷୀ ଅଧିକ୍ଷକ ସୀତାରାମ ଶତପଥୀ ତଥା  ଜିଲ୍ଲାର ଅନ୍ୟାନ୍ୟ ପୋଲିସ କର୍ମଚାରୀ , ସହିଦ୍ ଙ୍କ ପରିବାର ଓ ଜିଲ୍ଲା ପୋଲିସ ର ଅନ୍ୟାନ୍ୟ ଅତିଥି ବୃନ୍ଦ  ଉପସ୍ଥିତ ଥିଲେ । ଆରକ୍ଷୀ ନିରୀକ୍ଷକ ଅମରେନ୍ଦ୍ର ପାଣିଗ୍ରାହୀ ମିଳିତପ୍ୟାରେଡ୍ ର ନେତୃତ୍ୱ ନେଇଥିଲେ।