20-Oct-2021

 ବିନିକା(ହିମାଂଶୁ ଶେଖର ପୁଟେଲ) ଦୁନିଆକୁ ଆହାର ଯୋଗାଉଥିବା ଚାଷୀର ହିତ ପାଇଁ ସରକାର ପ୍ରତିବର୍ଷ ଧାନକିଣା ରେ ନୂତନ ପର୍ଧତି ଅବଲମ୍ବନ କରୁଛନ୍ତି | ହେଳେ କେତେକ ଅସାଧୁ ସରକାରୀ କର୍ମଚାରୀ ଓ ଧାନବ୍ୟବସାୟୀ ଙ୍କ ମଧ୍ୟରେ ଭିତିରିଆ ସଲାସୁତୁରା ରହୁଥିବା ଯୋଗୁଁ ବେଆଇନ କାରବାର ବୃଦ୍ଧି ପାଉଛି | ଏମିତି ଏକ ଜ୍ୱଳନ୍ତ ଉଦାହରଣ ଦେଖିବାକୁ ମିଳିଛି ସୁବର୍ଣ୍ଣପୁର ଜିଲ୍ଲା ବିନିକା ବ୍ଲକ ବାଉଶୁଣୀ ପ୍ରାଥମିକ ସେବା ସମବାୟ ସମିତି ରେ | ଏଠାରେ ଗତ ରବିଋତୁ ରେ ପଡିଆ ଜମିକୁ ବେଆଇନ ଭାବେ ଚଞ୍ଚକତା କରି ଧାନଚାଷ ହୋଇଥିବା ଦର୍ଶାଇ ବାଉଶୁଣୀ ପେକ୍ସ ରେ ପଞ୍ଜିକରଣ କରାଯାଇ ଶତାଧିକ କ୍ଵିଣ୍ଟାଲ ଧାନ ବିକ୍ରୀ କରି ଆତ୍ମସାତ ହୋଇଛି | ଯାହା ଫଳରେ ଏହି ଶୀର୍ଷକାତର ଘଟଣାରେ ସମ୍ପୃକ୍ତ ଦୁଇ ଚାଷୀ ମାର୍କଣ୍ଡ ମଲ୍ଲିକ ଓ ପଞ୍ଚାନନ ହୋତା ଙ୍କ ନାମରେ ବିନିକା ଥାନାରେ ମାମଲା ରୁଜୁ ହୋଇଥିବା ବେଳେ ପେକ୍ସ ର ସମ୍ପାଦକ ଜିତେନ୍ଦ୍ରିୟ ହୋତା ଙ୍କୁ କାର୍ଯ୍ୟରୁ ନିଲମ୍ବନ କରାଯାଇଥିବା ବେଳେ ଚରଦା ପେକ୍ସ ସମ୍ପାଦକ ରବିନାରାୟଣ ଥନାପତି ଙ୍କୁ ଅତିରିକ୍ତ ଦାୟିତ୍ୱ ଦିଆଯାଇଥିବା ଜଣାପଡିଛି | ସେହିପରି ଉକ୍ତ ପେକ୍ସର ଡିଇଓ ରମେଶ ଚନ୍ଦ୍ର ପୁରୋହିତ ଙ୍କୁ ମଧ୍ୟ କାର୍ଯ୍ୟରୁ ବାହାର କରାଯାଇଥିବା ପେକ୍ସ ପ୍ରଶାସକ ଅକ୍ଷୟ କୁମାର ମେହେର ସୂଚନା ଦେଇଛନ୍ତି |ସୂଚନାଯୋଗ୍ୟଯେ ଅଙ୍ଗନଦୀ କୂଳରେ ଥିବା ମାର୍କଣ୍ଡ ମଲ୍ଲିକ ଙ୍କ ନାମରେ ଥିବା ୭ ଏକର ପଡିଆ ଜମିକୁ ସେ ବାଉଶୁଣୀ ଶ୍ରୀ ଜଗନ୍ନାଥ ଜୁନିୟର କଲେଜ କୁ ଦାନ କରିଥିଲେ | କିନ୍ତୁ ସେହି ଗ୍ରାମର ପଞ୍ଚାନନ ହୋତା ଭାଗଚାଷ କରିଥିବା ଉକ୍ତ ପଡିଆ ଜମି କୁ ଦର୍ଶାଇ ଧାନବିକ୍ରି ପାଇଁ ପେକ୍ସ ରେ ପଞ୍ଜିକରଣ କରି ସକ୍ଷମ ହୋଇଥିଲେ | ଓ ସେ ଧାନବିକ୍ରୀ କରି ସରକାର ଙ୍କ ଠାରୁ ଲକ୍ଷ ଲକ୍ଷ ଟଙ୍କା ହାସଲ କରିଥିଲେ |ଏହି ଘଟଣା ଜଣା ପଡିବା ପରେ ଗ୍ରାମବାସୀ ଙ୍କ ତରଫରୁ ସୁବର୍ଣ୍ଣପୁର ଜିଲ୍ଲପାଳ ଙ୍କ ଠାରେ ଅଭିଯୋଗ ହୋଇଥିଲା | ପରେ ଜିଲ୍ଲାପାଳ ଙ୍କ ନିର୍ଦ୍ଧେଶ କ୍ରମେ ଏହାର ତଦନ୍ତ ଆରମ୍ଭ ହୋଇଥିଲା | କୌଡିଆମୁଣ୍ଡା ଆରଆଇ ପ୍ରଦୀପ ମେହେର, ଗ୍ରାମ୍ୟ କୃଷି ଅଧିକାରୀ ରାଜେଶ ମିଶ୍ର ଉକ୍ତ ଜମିକୁ ତଦନ୍ତ କରି ପଡିଆ ଜମି ଚାଷ ହୋଇନଥିବା  ଉପରିସ୍ଥ ଅଧିକାରୀ ଙ୍କୁ ରିପୋର୍ଟ ଦେଇଥିଲେ | ଧାନବିକ୍ରୀ ରେ ଚଞ୍ଚକତା ହୋଇଥିବା ଜଣାପଡିବା ପରେ ସୁବର୍ଣ୍ଣପୁର ଏଆରସିଏସ ପାଣୁ ଚରଣ ସାହୁ ଙ୍କ ନିର୍ଦ୍ଧେଶ କ୍ରମେ ପେକ୍ସ ପ୍ରଶାସକ ଅକ୍ଷୟ କୁମାର ମେହେର ତ୍ୱରିତ କାର୍ଯ୍ୟାନୁଷ୍ଠାନ ଗ୍ରହଣ କରି ଚାଷୀ ମାର୍କଣ୍ଡ ମଲ୍ଲିକ ଓ ପଞ୍ଚାନନ ହୋତା ଙ୍କ ନାମରେ ବିନିକା ଥାନାରେ ଏତଲା ଦେଇଛନ୍ତି | ଅନ୍ୟ ପକ୍ଷରେ ମାର୍କଣ୍ଡ ମଲ୍ଲିକ ଉକ୍ତ ପଡିଆ ଜମିର ଧାନ ବିକ୍ରୀ ରେ ମୋର କିଛି ସମ୍ପୃକ୍ତି ନାହିଁ ତାହା ମୁଁ କଲେଜ କୁ ଦାନ ଦେଇଦେଇଛି | ପେକ୍ସ ସମ୍ପାଦକ ଶ୍ରୀ ହୋତା, ପେକ୍ସ ସଭାପତି ଅରକ୍ଷିତ ହୋତା, ଓ ସମ୍ପାଦକ ଙ୍କ କାକା ପଞ୍ଚାନନ ହୋତା ଙ୍କ ମଧ୍ୟରେ ଭିତିରିଆ ସଲାସୁତୁରା ହୋଇ କରାଯାଇଛି ବୋଲି ସେ ବିନିକା ଥାନାରେ ଲିଖିତ ଅଭିଯୋଗ କରିଛନ୍ତି |ଉକ୍ତ ଘଟଣା ଉପରେ ପୁଲିସ ଦୁଇଟି ପୃଥକ ପୃଥକ ମାମଲା ରୁଜୁକରି ଘଟଣାର ତଦନ୍ତ ଜାରିରଖିଛି | ଏହି ଘଟଣାକୁ ନେଇ ସୋନପୁର ଏସଡିପିଓ ପୁଷ୍ପାଞ୍ଜଳି ନିଗ୍ନୀ ଆଜି ବିନିକା ଥାନାକୁ ଆସି ଘଟଣାର ଟିକିନିକି ତଦନ୍ତ କରିଛନ୍ତି | ତେବେ ପ୍ରକୃତ ଚାଷୀ ଧାନବିକ୍ରୀ ରୁ ବଞ୍ଚିତ ହେଉଥିବା ବେଳେ କେତେକ ଦୁର୍ନୀତି ଗ୍ରସ୍ତ ସରକାରୀ କର୍ମଚାରୀ ଙ୍କ ଯୋଗୁଁ ମୁନାଫାଖୋର ଧାନ ବ୍ୟବସାୟୀ ମାନେ ଅଧିକ ଟଙ୍କାଲାଭ ଆଶାରେ ସେହି କର୍ମଚାରୀଙ୍କୁ କିଛି ହାତଗୁଞ୍ଚା ଦେଇ ଲାଭବାନ ହେଉଥିବାରୁ ଚାଷୀମାନେ ଧାନବିକ୍ରୀ ରେ ତଳିତଳାନ୍ତ ହେଉଛନ୍ତି |ଧାନବିକ୍ରୀ ପଞ୍ଜିକରଣ ଏବଂ ଧାନଚାଷ ହୋଇଛି କି ନାହିଁ ସେନେଇ ତଦନ୍ତ କରି ରିପୋର୍ଟ ଦେଉଥିବା ଅଧିକାରୀ ମାନଙ୍କ କାର୍ଯ୍ୟକଳାପ ଉପରେ ରାଜ୍ୟ ସରକାର ପ୍ରକୃତ ତଦନ୍ତ କଲେ ଚାଷୀ ଉପକୃତ ହୋଇପାରନ୍ତେ ଏବଂ ଦୁର୍ନୀତି ରେ ଲିପ୍ତ କର୍ମଚାରୀ ଙ୍କ ଅସଲ ମୁଖା ଆରମ୍ଭ ରୁ ଖୋଲିଯାଆନ୍ତା ବୋଲି ବିଭିନ୍ନ ମହଳ ରେ ମତ ପ୍ରକାଶ ପାଉଛି |