16-Oct-2026

ଖପ୍ରାଖୋଲ(ପ୍ରେରଣା ଖବର)- କେନ୍ଦ୍ରୀୟ ସରକାରୀ କର୍ମଚାରୀ ଓ ଶ୍ରମିକ ମହାସଂଘର ଦେଶବ୍ୟାପୀ ଆହ୍ୱାନ କ୍ରମେ ଆଜି ଖପ୍ରାଖୋଲ ଉପ-ଡାକଘର କର୍ମଚାରୀମାନଙ୍କ ପକ୍ଷରୁ ଏକ ମଧ୍ୟାହ୍ନ ଭୋଜନ ସମୟରେ ବିକ୍ଷୋଭ ପ୍ରଦର୍ଶନ ଅନୁଷ୍ଠିତ ହୋଇଯାଇଛି।
ଆସନ୍ନ ଦୁର୍ଗାପୂଜା ପୂର୍ବରୁ ଆର୍ଥିକ ବର୍ଷ ୨୦୨୫-୨୬ ପାଇଁ ବୋନସ ( ପିଏଲବି) କେନ୍ଦ୍ରୀୟ ପ୍ରଦାନ ଏବଂ ୧ ଜୁଲାଇ ୨୦୨୬ ରୁ ବାକି ଥିବା ମହଙ୍ଗା ଭତ୍ତା (ଡିଏ/ ଡି ଆର) ) ତୁରନ୍ତ ଘୋଷଣା କରିବା ଦାବିରେ ଏହି ପ୍ରତିବାଦ କରାଯାଇଛି।
କର୍ମଚାରୀ ମାନଙ୍କ ନ୍ୟାୟିକ ହକ୍ ସରକାର ଜାଣିଶୁଣି ବିଳମ୍ବ କରିଚାଲିଥିଵାରୁ, ଏହି ପ୍ରତିବାଦ ଦେଶସାରା ନିଜ ନିଜ ଅଫିସ ସମ୍ମୁଖ ରେ ମଧ୍ୟାହ୍ନ ବିରତି ରେ ବିକ୍ଷୋଭ କରିଛନ୍ତି।
ଏହି ଆନ୍ଦୋଳନରେ ଖପ୍ରାଖୋଲ ଉପ-ଡାକପାଳ , ପୂର୍ବତନ ସଭାପତି, ସମ୍ବଲପୁର ଡାକ ମଣ୍ଡଲ ତଥା ଟ୍ରେଡ ୟୁନିଅନ ନେତା ତଥା ଏକ୍ଟିଭିଷ୍ଟ୍ ରମେଶ ଚନ୍ଦ୍ର ସାହୁ ନେତୃତ୍ୱ ନେଇଥିଲେ। ଏଥିସହ ଡାକ କର୍ମଚାରୀ। ଶ୍ରୀ ପ୍ରକାଶ ଚନ୍ଦ୍ର ଭୋଇ,ଶ୍ରୀ ସୁବ୍ରତ କୁମାର ପଟେଲ,  କର୍ଣ୍ଣ ଛତର, ବଳଦେବ ମାଝୀ, ସ୍ଥାନୀୟ ବ୍ଲକ ଗୌଡ଼ ସମାଜର ବରିଷ୍ଠ ଉପଦେଷ୍ଟା ତୀର୍ଥରାଜ ନିଆଲ୍ ଏବଂ ନେତୃବୃନ୍ଦ  ଓ ସାଧାରଣ ଜନସାଧାରଣ ଉପସ୍ଥିତ ରହି ଏହି ଦାବିକୁ ପୂର୍ଣ୍ଣ ସମର୍ଥନ ଜଣାଇଥିଲେ ।