23-Sep-2021

ବଲାଙ୍ଗିର (ପ୍ରେରଣା ଖବର)  : ସ୍ଵାମୀ ବିବେକାନନ୍ଦ ଲୋକ ସଂସଦ ବଲାଙ୍ଗୀର ଜିଲ୍ଲା ଶାଖା ତରଫରୁ ଗତକାଲି  ବିଚାରଧାରା ପ୍ରାୟୋଜିତ ଇ ପାଠଚକ୍ର ରେ
କାର୍ଯ୍ୟକ୍ରମ  ର ଶୀର୍ଷକ "ସ୍ବପ୍ନ,ସାଧନା,ଏବଂ ସମ୍ଭାବନା" ଅନୁଷ୍ଟିତ ହୋଇଯାଇଛି। ଉକ୍ତ ପାଠଚକ୍ର ରେ ଅନୁଷ୍ଠାନ ର ସଭାପତି
ଶ୍ରୀ ରାମ ଶରଣ ହୋତା ପୈାରହିତ୍ୟ କରିଥିବାବେଳେ ,ସ୍ବାମୀ

ବିବେକାନନ୍ଦ ଲୋକ ସଂସଦ ର ରାଜ୍ୟ ଉପାଧ୍ୟକ୍ଷ ଡ.ଛାୟାକାନ୍ତ ଷଡ଼ଙ୍ଗୀ"ବିବେକାନନ୍ଦ ଙ୍କ ଦୃଷ୍ଟିରେ ସନ୍ନ୍ୟାସ ଓ କର୍ମ ଯୋଗ" ଶୀର୍ଷକରେ କର୍ମ, ଚରିତ୍ର, ସଂସ୍କାର ସମ୍ବନ୍ଧୀୟ ଖୁବ ଚମତ୍କାର ତଥ୍ଯ ନିଜ ଅଭିଭାଷଣ ରେ ଉପସ୍ଥାପନା କରିଥିଲେ । 

ଶ୍ରୀଯୁକ୍ତ ଷଡ଼ଙ୍ଗୀ ମହୋଦୟ ଙ୍କ ଗୀତା,ଭାଗବତ,ବିବେକାନନ୍ଦଙ୍କ ବାଣୀ ଆଦି ଶ୍ରୋତାଙ୍କ ମନକୁ ବେଶ୍ ପ୍ରଲୁବ୍ଧ କରି ରଖିଥିଲା ।ଉକ୍ତ ପାଠାଚକ୍ର ରେ ସଂଯୋଜିକା ସବିତାମହରା ଙ୍କ ସଂଯୋଜନା ତଥା ବିବେକାନନ୍ଦଙ୍କ ସ୍ବଦେଶ ମନ୍ତ୍ର ରୁ କେଇପଦ ଶ୍ରୋତା ମାନଙ୍କ ମନକୁ ଛୁଇଁ ପାରିଥିଲା ।ଉକ୍ତ ପାଠଚକ୍ର ରେ ଡ଼ ଲକ୍ଷ୍ମଣ କୁମାର ମେହେର 
ମନ୍ତ୍ରପାଠ ଓ ବିବେକବାଣୀ ପଠନ କରିଥିଲେ ।ଆଲୋଚନା ର ପ୍ରଶ୍ନ ଉତ୍ତର କାର୍ଯକ୍ରମ ସରିବା ପାରେ , ଅଧ୍ୟାପକ କବିରାଜ ଭୋଇ ଧନ୍ୟବାଦ ଅର୍ପଣ କରିଥିଲେ ।ଉକ୍ତ ପାଠ ଚକ୍ରରେ ରାଜ୍ୟ ସମ୍ପାଦକ ଚିତ୍ତରଞ୍ଜନ ନାୟକ, ପଶ୍ଚିମାଞ୍ଚଳ ର ସଂଯୋଜକ ଶ୍ରୀମାନ ସୀମଞ୍ଚଳ ମିଶ୍ର ,ବିପିନ ବିହାରୀରାଉତ ତଥା ରାଜ୍ୟରୁ ଶତାଧିକ ଶ୍ରୋତା ଜଡ଼ିତ ଥିଲେ । ପରିଶେଷରେ ସଂଯୋଜିକା ସବିତା ଶାନ୍ତି ପାଠ କରିଥିଲେ।