22-Sep-2021

ବଲାଙ୍ଗୀର (ପ୍ରେରଣା ଖବର ): ମାଲକାନଗିରି ଓ ସମ୍ବଲପୁର ପରେ ଆଜି ମୁଖ୍ୟମନ୍ତ୍ରୀ ସ୍ୱାସ୍ଥ୍ୟ କାର୍ଡ ର ଶୁଭାରମ୍ଭ କରିଛନ୍ତି l
ବିଜୁ ସ୍ୱାସ୍ଥ୍ୟ କଲ୍ୟାଣ ଯୋଜନା ଅଧୀନରେ ଏହି ସ୍ମାର୍ଟ କାର୍ଡ ବଣ୍ଟନ କରାଯାଇଥିଲା   

ଏହି ଅବସରରେ ବିଭିନ୍ନ ପ୍ରକଳ୍ପର ଶୁଭାରମ୍ଭ କରିଥିଲେ ମୁଖ୍ୟମନ୍ତ୍ରୀ  l ବାଲାଙ୍ଗୀରର ବହୁ ପ୍ରତିକ୍ଷୀତ ବସ ଟର୍ମୀନାଲା ର ଶୁଭାରମ୍ଭ କରିଥିଲେ ମୁଖ୍ୟମନ୍ତ୍ରୀ lସ୍ମାର୍ଟ କାର୍ଡ ର ଉପକାର ବଲାଙ୍ଗୀର ଜିଲ୍ଲାର

ସାଢେ ଚାରି ଲକ୍ଷ ପରିବାର ଉପକୃତ ହେବେ ବୋଲି ମୁଖ୍ୟମନ୍ତ୍ରୀ କହିଛନ୍ତି lମୁଖ୍ୟମନ୍ତ୍ରୀଙ୍କ ଦିନିକିଆ ବଲାଙ୍ଗୀର ଗସ୍ତ କ୍ରମରେ ପ୍ରଥମେ କଡା ସୁଇକ୍ଷା ମଧ୍ୟରେ ତୁଷୁରା ଏୟାର ଷ୍ଟ୍ରିପ ରେ ପହଂଚି ସେଠାରୁ ଏକ ସ୍ୱତନ୍ତ୍ର ହେଲିକେପଟର ଯୋଗେ ଟିଟିଲାଗଡ଼ କୁ ଯାଇ ସେଠାରେ ବିଭିନ୍ନ ସାରକାରୀ ଯୋଜନାର ଶୁଭାରମ୍ଭ କରିଥିଲେ l

ଟିଟିଲାଗଡ଼ ପରେ ପାଟଣାଗଡ଼ରେ ଓ ଶେଷରେ ବଲାଙ୍ଗୀରରେ ଦଳୀୟ ସମାବେଶରେ ଯୋଗ ଦେଇ ୩ ସହ କୋଟି ଟଙ୍କାର ବିଭିନ୍ନ ପ୍ରକଳ୍ପର ଶୁଭାରମ୍ଭ କରିଥିଲେ ମୁଖ୍ୟମନ୍ତ୍ରୀ lସ୍ଥାନୀୟ ଗାନ୍ଧୀ ଷ୍ଟେଡିୟମ ଠାରେ ଅନୁଷ୍ଠିତ ଏହି ସମାରୋହରେ ଲୋଇସିଂହା ବିଧାୟକ ମୁକେଶ ମହାଳିଙ୍ଗ, ଶ୍ରମ ମନ୍ତ୍ରୀ ସୁଶାନ୍ତ ସିଂହ, କଂଟାବାଞ୍ଜି ବିଧାୟକ ସନ୍ତୋଷ ସିଂହ ସାଲୁଜା ଯୋଗ ଦେଇ ସ୍ୱାସ୍ଥ୍ୟ ର ଉନ୍ନତି କ୍ଷେତ୍ରରେ ସ୍ମାର୍ଟ କାର୍ଡ ଏକ ଐତିହାସିକ ଯୋଜନା ବୋଲି କହିଥିଲେ l ରାଣୀପୁର ଝରିଏଲ ର ଉନ୍ନତି ପଶ୍ଚିମ ଓଡିଶା ବିକାଶ ପରିଷଦ ର ମୁଖ୍ୟ କାର୍ଯ୍ୟାଳୟ ବଲାଙ୍ଗୀରରେ ସ୍ଥାପନ ହେଉ ବୋଲି ସେ ସରକାରଙ୍କ ନିକଟରେ ଦାବି କରିଛନ୍ତି  l ବାଲାଙ୍ଗୀର ବିଧାୟକ ନରସିଂହ ମିଶ୍ର ଯୋଗ ଦେଇ ବଲାଙ୍ଗୀରରେ ରାଜ୍ୟର ଦ୍ଵିତୀୟ କୃଷି ବିଶ୍ୱବିଦ୍ୟାଳୟ ସ୍ଥାପନ, ରାଜେନ୍ଦ୍ର ବିଶ୍ୱବିଦ୍ୟାଳୟ କୁ ଏକ ସ୍ୱୟଂସମ୍ପୂର୍ଣ ବିଶ୍ୱବିଦ୍ୟାଳୟରେ ପରିଣତ କରାଯାଉ ବୋଲି ଶ୍ରୀ ମିଶ୍ର ନବୀନଙ୍କ ଆଗରେ ନିଜର ଦାବି ଉପସ୍ଥାପନ କରିଥିଲେ l   ଯଶୋବନ୍ତ କମିଶନ ରିପୋର୍ଟ ଅନୁଯାୟୀ ବଲାଙ୍ଗୀରରେ ହାଇକୋର୍ଟ ର ସ୍ଥାୟୀବେଞ୍ଚ ସ୍ଥାପନ ହେଉ ବୋଲି ଶ୍ରୀ ମିଶ୍ର ନିଜର ଦାବି ଦୋହରାଇ ଥିଲେ l ସାଂସଦୀୟ ବ୍ୟାପାର ମନ୍ତ୍ରୀ ବିକ୍ରମ କେଶରୀ ଆରୁଖ ମଂଚାସୀନ ରହି ବିଜୁ ସ୍ମାର୍ଟ କାର୍ଡ ସାଧାରଣ ଲୋକ ମାନଙ୍କ ପାଇଁ କେତେ ଫଳପ୍ରଦ ହୋଇଛି ତା ଉପରେ ଲୋକଙ୍କୁ ବୁଝାଇ ଥିଲେ lଆବକାରୀ ମନ୍ତ୍ରୀ ତଥା ସୋନପୁର ବିଧାୟକ ନିରଞ୍ଜନ ପୂଜାରୀ ଯୋଗ ଦେଇ ଜନସାଧାରଣଙ୍କୁ ଉଦବୋଧନ ଦେଇଥିଲେ ଶେଷରେ ପରିବହନ ମନ୍ତ୍ରୀ ପଦ୍ମନାଭ ବେହେରା ସମସ୍ତଙ୍କୁ ଧନ୍ୟବାଦ ଜ୍ଞାପନ କରିଥିଲେ l