20-Sep-2021

ଗଞ୍ଜାମ (ଉମା ମହାରଣା ): ଘରୋଇ ଅର୍ଥଲଗାଣକାରୀ ସଂସ୍ଥା ସାହାରା ଇଣ୍ଡିଆରେ ଟଙ୍କା ଜମାକରିଥିବା ଜମାକାରୀ ମାନେ ଜମା ଅବଧି ସରିଥିଲେ ମଧ୍ୟ ସେମାନଙ୍କ ଟଙ୍କା ଫେରସ୍ତ ପାଇପାରୁନାହାନ୍ତି । 

ଏହାର ପ୍ରଭାବ ଜମାଟଙ୍କା ସଂଗ୍ରହ କରୁଥିବା ଏଜେଣ୍ଟ ମାନଙ୍କ ଉପରେ ମଧ୍ୟ ବିଶେଷ ଭାବେ ପଡିଥିବା ଲକ୍ଷ କରାଯାଇଛି । ସୋମବାର ଦିନ କୋଦଳା ନିକଟସ୍ଥ ଦଣ୍ଡେଶ୍ୱର ମନ୍ଦିର ପ୍ରାଙ୍ଗଣରେ

ଜମାକାରୀ ଓ ଏଜେଣ୍ଟ ସଂଘର ଏକ ବୈଠକ ଅନୁଷ୍ଠିତ ହୋଇଥିଲା, ବୈଠକରେ ଜମା ଟଙ୍କା କିପରି ଫେରସ୍ତ ପାଇବା ଆଲୋଚନା କରାଯାଇଛି । ଉଭୟ କେନ୍ଦ୍ର ଓ ରାଜ୍ୟ ସରକାର ଶୀଘ୍ର ଏଥିରେ  ହସ୍ତକ୍ଷେପ କରି ଦୃଢ ପଦକ୍ଷପ ନନେଲେ ଆଗାମୀ ଦିନରେ ଜମାକାରୀ ଓ ଏଜେଣ୍ଟଙ୍କ ପକ୍ଷରୁ ପ୍ରଶାସନିକ କାର୍ଯ୍ୟାଳୟ ସମୁଖ ରେ ଆନ୍ଦୋଳନ କରାଜୀବବୋଲି ଚେତାବନୀ ଦିଆଯାଇଅଛି । ଆଜିର ବୈଠକରେ ମୁଖ୍ୟ ଦାବିଗୁଡିକ ହେଲା   ୧. ଜମାକାରୀଙ୍କ ଜମାଟଙ୍କା ସୁଧ ସହ ତୁରନ୍ତ ଫେରସ୍ତ ।
୨. ନୁଆଁ ଜମା ସଂଗ୍ରହ ଉପରେ ରୋକ୍ ଲଗାଯାଉ ।
୩. ସଂସ୍ଥାର ଠକାମି କାର୍ଯ୍ୟକଳାପ ଉପରେ ପୁଙ୍ଖାନୁପୁଙ୍ଖ ଭାବେ ତଦନ୍ତ କରି ଦୃଢ କାର୍ଯ୍ୟାନୁଷ୍ଠାନ ଗ୍ରହଣ କରାଯାଉ । 
୪.ଭଞ୍ଜନଗର ରେ ଥିବା ସାହାରା ଆଞ୍ଚଳିକ କାର୍ଯ୍ୟାଳୟକୁ ,ବ୍ରହ୍ମପୁର ସହରକୁ ଶୀଘ୍ର ଅଣାଯାଉ,କାରଣ ବ୍ରହ୍ମପୁର ସହର ହେଉଛି ଗଂଜାମ ଓ ଗଜପତି ଜିଲ୍ଲାର ବ୍ୟବସାୟିକ ପେଣ୍ଠସ୍ଥଳ ଏବଂ ଗମନାଗମାନର କେନ୍ଦ୍ରସ୍ଥଳ ଅଟେ। M ଶ୍ୟାମଘନ ପାତ୍ରଙ୍କ ତତ୍ୱାବଧାନରେ ସଭା ଅନୁଷ୍ଠିତ ହୋଇଥିଲା, ମୂଖ୍ୟ ଅତିଥି
ସାହାରା ଜମାକାରୀ ମଞ୍ଚ(ଓଡିଶା)ର ସଭାପତି ବିଜୟ କୁମାର ପାଢୀ ଓ ସମ୍ପାଦକ ସଂଜୀବ କୁମାର ପଣ୍ଡା ଓ ସଭ୍ୟ ସୂର୍ଯ୍ୟ ନାରାୟଣ ପାଣିଗ୍ରାହୀ ଉପସ୍ଥିତ ଥିଲେ, କୋଦଳା ଓ ପୁରୁଷୋତ୍ତମପୁର ର 

ଜମାକାରୀ ସଂଘର ସଭାପତି M ଶ୍ୟାମଘନ ପାତ୍ର, ସମ୍ପାଦକ ଗିରିଧାରୀ କର, ଏବଂ ଅନ୍ୟ ସଦସ୍ୟ ପ୍ରଳୟ କୁମାର ସାହୁ, ପଞ୍ଚାନନ ଷଡଙ୍ଗୀ, ଗଙ୍ଗାଧର ସ୍ୱାଇଁ, ରମାକାନ୍ତ ଆଚାର୍ଯ୍ୟ, ଜୁମର ଜେନା, ସୁଦାମ ଚରଣ ପ୍ରଧାନ ଜଗନ୍ନାଥ ଦାଶ, ପବନା ମୁନି, B ସୀମାଞ୍ଚଳ ପାତ୍ର, ରବୀନ୍ଦ୍ର ପରିଡା ସମେତ ୫୦ରୁ   ଅଧିକ ଜମାକାରୀ ଓ ଏଜେଣ୍ଟ ଏହି ବୈଠକରେ ସମିଲି ଥିଲେ ।