19-Sep-2021

ନୟାଗଡ (ପ୍ରଦୀପ କୁମାର ପଣ୍ଡା ): ନୟାଗଡ଼ ଜିଲ୍ଲା କଂଗ୍ରେସ ସଭାପତିଙ୍କ ନିର୍ଦେଶକ୍ରମେ ଗଣିଆ କଂଗ୍ରେସ କମିଟିର ସାଂଗଠନିକ ବୈଠକ ଆଜି ଅପରାର୍ହ୍ନରେ ବେଲପଡା ପଞ୍ଚାୟତ ଅନ୍ତର୍ଗତ ଦଶୀପୁରହାଟ ଠାରେ ଅନୁଷ୍ଠିତ ହୋଇଯାଇଛି । ଦଶପଲ୍ଲା ନିର୍ବାଚନ ମଣ୍ଡଳୀର ଯୁବ କଂଗ୍ରେସ ସଭାପତି ଚିତ୍ତରଞ୍ଜନ ମହାଳିକଙ୍କ ସଭାପତିତ୍ୱରେ ମୁଖ୍ୟ ଅତିଥି ଭାବେ ନୟାଗଡ଼ ଜିଲ୍ଲା କଂଗ୍ରେସର ସଭାପତି ରଣଜିତ ଦାଶ ଯୋଗ ଦେଇଥିବା ବେଳେ ସଂମାନିତ ଅତିଥି ଭାବେ ଓଡିଶା ପ୍ରଦେଶ କଂଗ୍ରେସ କମିଟିର ସାଧାରଣ ସମ୍ପାଦକ ହୁସେନ ଖାଁ ,ଦଶପଲ୍ଲା ନିର୍ବାଚନ ମଣ୍ଡଳୀର ପୂର୍ବତନ ବିଧାୟକ ସରୋଜ କୁମାର ପରିଡା ,ରାଜୀବ ଗାନ୍ଧୀ ପଞ୍ଚାୟତରାଜର ଜିଲ୍ଲା ସମ୍ପାଦକ ସୁକାନ୍ତ କୁମାର ଶତପଥୀ, ଗଣିଆ ବ୍ଲକ କଂଗ୍ରେସ ସଭାପତି କାଶୀନାଥ ନାୟକ , ଦଶପଲ୍ଲା ବ୍ଲକର କଂଗ୍ରେସ ସଭାପତି ବୁଲୁ ପରିଡା ,ନୂଆଗାଁ ବ୍ଲକ କଂଗ୍ରେସ ସଭାପତି ଅଶୋକ କୁମାର ନାୟକ ଯୋଗ ଦେଇ ଅନୁଷ୍ଠିତ ଏହି ବୈଠକରେ ଦଳର ସାଂଗଠନିକ ସ୍ଥିତିକୁ ସୁଦୃଢ କରିବା ଉପରେ ଗୁରୁତ୍ୱାରୋପ କରିଥିଲେ। ଜିଲ୍ଲା କଂଗ୍ରେସ ସଭାପତି ରଣଜିତ ଦାଶ ତାଙ୍କ ବକ୍ତବ୍ୟ ରେ କହିଥିଲେ ଯେ  ନୟାଗଡ଼ଜିଲ୍ଲାର ଦଶପଲ୍ଲା ନିର୍ବାଚନ ମଣ୍ଡଳୀରେ କଂଗ୍ରେସ ଦଳକୁ ଏକ ଶକ୍ତିଶାଳୀ ଦଳ ଭାବେ ଗଢି ତୋଳିବାକୁ ବ୍ଲକ ସ୍ତରୀୟ ନେତୃମଣ୍ଡଳୀଙ୍କ ଭୂମିକା ଗୁରୁତ୍ୱପୂର୍ଣ୍ଣ । ବୁଥ୍ ସ୍ତରର ନେତାଙ୍କ ସହିତ ନିର୍ବାଚନମଣ୍ଡଳୀ ନେତାମାନଙ୍କ ଯୋଗାଯୋଗ କରି ଉଭୟଙ୍କ ପରାମର୍ଶ କ୍ରମେ ଦଳକୁ ମଜବୁତ୍ କରିବା ପାଇଁ ଆବଶ୍ୟକ ପଦକ୍ଷେପ ନେବାକୁ ପରାମର୍ଶ ଦେଇଥିଲେ।
ଦଳ ଆଜି ଯେଉଁ ସ୍ଥିତି ମଧ୍ୟରେ ଗତି କରୁଛି ଏଥିରେ ଉନ୍ନତି ଆଣିବାକୁ ହେଲେ ଦଳର ପ୍ରତ୍ୟେକ କର୍ମୀଙ୍କୁ ସୈନିକ ସଦୃଶ ପରିଶ୍ରମ କରିବାକୁ ପଡ଼ିବ ବୋଲି ମତପୋଷଣ କରିଥିଲେ ।ନିର୍ବାଚନ ମଣ୍ଡଳୀରେ ସାଂଗଠନିକ ବୈଠକମାନ କରାଯାଇ ଏ ନେଇ ବିସ୍ତୃତ ଖସଡା ପ୍ରସ୍ତୁତ କରାଯାଉଛି ବୋଲି ଓଡିଶା ପ୍ରଦେଶ କଂଗ୍ରେସ କମିଟିର ସାଧାରଣ ସମ୍ପାଦକ ହୁସେନ ଖାଁ ମତ ପ୍ରକାଶ କରିଥିଲେ। ଏହି ବୈଠକରେ ଗଣିଆ ବ୍ଲକ କଂଗ୍ରେସର ଆଗଧାଡ଼ିର ବରିଷ୍ଠ କଂଗ୍ରେସ ନେତା ପ୍ରଦୀପ ମହାପାତ୍ର ,ହଲିମ ଖାଁ ତ୍ରିନାଥ ବେହେରା ,ସନ୍ତୋଷ ରାଉତ ,କୁତାର୍ଥ ବେହେରା ,ଟୁକୁନି ସାହୁଙ୍କ ସମେତ ଗଣିଆ ବ୍ଲକରୁ ବିଭିନ୍ନ ପଞ୍ଚାୟତର ୧୦୦ରୁ ଅଧିକ ଛାମୁଆ କଂଗ୍ରେସ ନେତା ଯୋଗ ଦେଇ ଆଲୋଚନାରେ ଭାଗ ନେଇଥଲେ |