18-Sep-2021

ଦୁବାଇ,   ସୁଦୂର ୟୂ ଏ ଇ ମଧ୍ୟରେ ଚଳିତ ବର୍ଷ ପଶ୍ଚିମ ଓଡିଶା ର ଗଣ ପର୍ବ ନୂଆଖାଇ ୨0୨୧ କୋଭିଡ-19 ନିୟମାନୁସାରେ ଏକ ଭିନ୍ନ ସ୍ୱତନ୍ତ୍ରତା ମଧ୍ୟରେ କୋଇଲା ଲଞ୍ଜେଷ ଠାରେ ଆୟୋଜନ କରାଯାଇଥିଲା ଯେଉଁଠି ପ୍ରାୟତଃ ଏକସହ ରୁ ଉର୍ଦ୍ଧ୍ୱ ପଶ୍ଚିମ ଓଡିଶା ର ପରିବାର ସମୂହ ଯେଉଁମାନେ ଦୁବାଇ ରେ ରହି ବିଭିନ୍ନ ବ୍ୟବସାୟ ଓ କମ୍ପେନୀ ମାନଙ୍କରେ କର୍ତବ୍ୟରତ ଅଛନ୍ତି ସେମାନେ ନିଜର ସଦିଚ୍ଛା ମୁତାବକ ଏହି ବିଶିଷ୍ଟ ନୂଆଖାଇ ଭେଟଘାଟ କୁ ମା ସମଲେଶ୍ୱରୀ ଙ୍କ ସମ୍ମୁଖରେ ଆଳତୀ ର ଆୟୋଜନ କରାଇ ଇଷ୍ଟ ଦେବୀ ଙ୍କୁ ନୁଆଁ ଲଗେଇଥିଲେ l

ଉପରୋକ୍ତ ଉତ୍ସବରେ ପଶ୍ଚିମ ଓଡିଶା ର ପାରମ୍ପରିକ ବସ୍ତ୍ର ପରିଧାନ କରିବା ବିଶେଷତ୍ୱ କ୍ରମେ ମହିଳା ମାନଙ୍କର ସମ୍ବଲପୁରୀ ଶାଢ଼ୀ,ପାଟ ଓ ପୁରୁଷ ଏବଂ ଶିଶୁ ମାନଙ୍କ ପୋଷାକ ବେଶ ଆକର୍ଷଣ ଥିଲା l ଏହାଛଡା ପଶ୍ଚିମ ଓଡିଶା ର ଲୋକ ନୃତ୍ୟ, ସଂଗୀତ ଓ କବିତା ପାଠୋତ୍ସବ ପରିବେଷଣ ଏହି ମାହୋଲ କୁ ଆହୁରି ରଙ୍ଗାଇତ କରାଇଥିଲା l
ଏହି ବିଶେଷ ପର୍ବ ସମାରୋହରେ ଦୁବାଇ ନୂଆଖାଇ ପରିବାର ତରଫରୁ ବ୍ରାଜ଼ୀଲ ଦେଶ ରୁ ସ୍ୱତନ୍ତ୍ର ଅତିଥି ଶ୍ରୀମାନ ଗ୍ରାବିଓ ଙ୍କୁ ନିମନ୍ତ୍ରଣ କରା ଯାଇଥିବାବେଳେ ପଶ୍ଚିମ ଓଡିଶା ର ବିଶିଷ୍ଟ ଅତିଥି ମାନଙ୍କର ଶୁଭେଚ୍ଛା ଓ ମତାମତ କୁ "ଭିଡିଓ ଡିଜିଟାଲ ସୋ "ମାଧ୍ୟମରେ ପରିବେଷଣ କରାଯାଇଥିଲା ଓ କିଛି ପ୍ରତିଯୋଗିତା ମାନଙ୍କ ଓ ଅତିଥି 

ମାନଂକୁ  ନୂଆଖାଇ ମଞ୍ଚ ରେ ସମ୍ମାନିତ କରାଯାଇଥିଲା l
ଉପରୋକ୍ତ ନୂଆଖାଇ ସମାରୋହ କୋଭିଡ ମହାମାରୀ ପାଇଁ ଦୁଇ ବର୍ଷ ଅନ୍ତରରେ ପାଳନ କରାଯିବା ଦୁବାଇ ନୂଆଖାଇ ପରିବାର ପାଇଁ ଏକ ସ୍ୱତନ୍ତ୍ର ଚ୍ୟାଲେଞ୍ଜ ଥିଲା ବୋଲି ଆୟୋଜକ ଶ୍ରୀମତୀ ଚିନ୍ମୟୀ ବେହେରା ଜଣାଇଛନ୍ତି ଓ ଏହା ଆସନ୍ତା ଦିନ ରେ ଆହୁରି ଧୂମଧାମ ସହିତ ପାଳନ କରାଯିବ ବୋଲି ସଭ୍ୟ ସମୂହ ଜଣାଇଛନ୍ତି ll