18-Sep-2021

ବଲାଙ୍ଗିର(ପ୍ରେରଣା ଖବର)- ଗତକାଲି ସନ୍ଧ୍ୟାରେ ସ୍ଥାନୀୟ ପେଲେସ ଲାଇନ୍ ଠାରେ ସାହିତ୍ୟ, ସାମାଜିକ ଓ ସାଂସ୍କୃତିକ ଅନୁଷ୍ଠାନ ‘ତାରୁଣ୍ୟ’ ପକ୍ଷରୁ ଏକ ନୂଆଁଖାଇ ଭେଟଘାଟ୍ ଓ କବିତା ଆସର ଅନୁଷ୍ଠିତ ହୋଇଥିଲା । ଏଥିରେ ମୁଖ୍ୟ ଅତିଥି ଭାବରେ ସାପ୍ତାହିକ ଆଞ୍ଚଳିକ ସମ୍ବାଦର ସଂପାଦକ ତଥା କବି ସନ୍ଦୀପ କୁମାର କୁଅଁର ମୁଖ୍ୟ ଅତିଥି ଭାବରେ ଯୋଗ ଦେଇ ଆଜିର ସମୟରେ  ପଶ୍ଚିମ ଓଡ଼ିଶାର ଗଣପର୍ବ ନୂଆଁଖାଇ ଓ ନୂଆଁଖାଇ ଭେଟ୍‌ଘାଟ୍‌ର ତାପ୍ତର୍ଯ୍ୟ     ଓ ପ୍ରାସଙ୍ଗିକତା ସଂପର୍କରେ ବକ୍ତବ୍ୟ ରଖିଥିଲେ । ତାରୁଣ୍ୟର ସଭାପତି କବି  ଶୁଭ୍ରାଂଶୁ ଶେଖର ପଣ୍ଡାଙ୍କ ସଂଯୋଜନାରେ ଅନୁଷ୍ଠିତ ଏହି ସଭାରେ ଅନ୍ୟତମ ଅତିଥି ଭାବରେ କବି ନବକିଶୋର ବେହେରା, ସାପ୍ତାହିକ ପ୍ରେରଣାର ସଂପାଦକ ରଘୁ ନନ୍ଦନ ସିଂହ, କୋଶଳ ପ୍ରବାହର ସଂପାଦକ ଆନନ୍ଦ ଚନ୍ଦ୍ର ସାହୁ ଯୋଗ ଦେଇ 

 ସ୍ୱରଚିତ କବିତା ପାଠ କରିବା ସହ ନିଜର ବକ୍ତବ୍ୟ ପ୍ରଦାନ କରିଥିଲେ । ଏହି ଅବସରରେ ଯୁବ କବି ମୃଗେଷ ବୈଷ୍ଣବ ପାଣିଗ୍ରାହୀ  ଓ ବଳିଷ୍ଠ ପ୍ରଧାନ କବିତା ପାଠ କରିଥିଲେ । ଶେଷରେ କବି ନବକିଶୋର ବେହେରା ଧନ୍ୟବାଦ ଅର୍ପଣ କରିଥିଲେ ।