03-Sep-2021

ବଲାଙ୍ଗୀର/କଣ୍ଟାବାଞ୍ଜି,(ପ୍ରେରଣା ଖବର) ::ବଲାଙ୍ଗୀର  ଜିଲ୍ଲା ର ତୁରେକେଲା ବ୍ଲକ ଅନ୍ତର୍ଗତ କାଦୋବେଡା ଗ୍ରାମର ଜଣେ ଚାଷୀ   ବିଷପାନ କରି ଆତ୍ମହତ୍ୟା କରିଦେଇଥିବା ପରିବାର ଲୋକେ ଅଭିଯୋଗ କରିଛନ୍ତି । ମ୍ରୁତ ଚାଷୀ  ରିଚେକ ବନଛୋର (ବ-୪୭) । ସେ ତାଙ୍କ ଚାଷଜମି ରେ ଜଳ ଅଭାବ ଯୋଗୁଁ  ଫସଲ ନଷ୍ଟ ହୋଇଯାଇଥିଲା ।   ସେ ଏହି ଫସଲ ନଷ୍ଟ ଯୋଗୁଁ ପ୍ରାୟ ୧୫ ଦିନ ଧରି ଚିନ୍ତିତ ଅବସ୍ଥାରେ ଥିବା ପରିବାର ଲୋକେ ପ୍ରକାଶ କରିଛନ୍ତି । ସେ ଗତ ଗୁରୁବାର ଦିନ ଚାଷ ଜମିରେ ଦିଆଯାଉଥିବା ବିଷ ପିଇ  ଗୁରୁତର ହୋଇଯାଇ ଥିଲେ । ତୁରନ୍ତ ରିଚେକ ଙ୍କୁ  ସେ କଣ୍ଟାବାଞ୍ଜି ସରକାରୀ ଡାକ୍ତରଖାନାରେ ଭର୍ତ୍ତି କରାଯାଇଥିଲା । ପରେ ଡାକ୍ତର ଅବସ୍ଥା ସଙ୍କଟାପନ୍ନ ଥିବାରୁ ବଲାଙ୍ଗୀର ଜିଲ୍ଲା ମୂଖ୍ୟ ଡାକ୍ତରଖାନା  ତଥା ମ୍ୟାଡିକଲ କଲେଜ ଡାକ୍ତରଖାନାକୁ ସ୍ଥାନାନ୍ତରୀତ କରିଥିଲେ ।  ଆଜି ବଲାଙ୍ଗୀର ମ୍ୟାଡିକାଲ ରେ  ରିଚେକ ଙ୍କୁ ଡାକ୍ତର ମ୍ରୁତ ଘୋଷଣା କରିଛନ୍ତି । ଏ ନେଇ ଡାକ୍ତର ପୋଲିସ କୁ ସୂଚନା ଦେଇଛନ୍ତି ।