28-Aug-2021

ଉଲୁଣ୍ଡା (ଗୌରଚନ୍ଦ୍ର ପରିଛା) ଭୂବନେଶ୍ୱର ବାଣୀବିହାର ଛକ ଠାରେ ଗତକାଲି  ସଡକ ଦୁର୍ଘଟଣାରେ ପ୍ରାଣ ହରାଇଥିବା  ସୁବର୍ଣ୍ଣପୁର ଜିଲ୍ଲା ଉଲୁଣ୍ଡା ଥାନାରେ କାର୍ଯ୍ୟରତ କନଷ୍ଟେବଲ  ସ୍ୱର୍ଗତ ଅସିତ ମିଶ୍ରଙ୍କ  ମରଶରୀରକୁ ନିଜ ଗ୍ରାମ କଇଁପୁର ଠାରେ ଆଜି ସଂସ୍କାର କରାଯାଇଛି । ପ୍ରକାଶ ଯେ ଉଲୁଣ୍ଡା ଥାନାରୁ ଅସିତ ମିଶ୍ର ଅଫିସ କାମରେ ଏକ ବାଇକ ଯୋଗେ ଭୂବନେଶ୍ୱରକୁ ଯାଇଥିଲେ । ଗତକାଲି  ମଧ୍ୟାହ୍ନ ସମୟରେ ବାଣିବିହାର ଠାରେ  ଏକ ବୋଲେରୋ ସହିତ ମୁହାଁମୁହିଁ ଧକ୍କା ହୋଇଥିଲା । ଫଳରେ ସେ ଛିଟିକି ପଡିଥିଲେ । ଘଟଣା ସ୍ଥଲରୁ ଗୁରୁତର ଅବସ୍ଥାରେ ଏମ୍ବୁଲାନ୍ସ ଯୋଗେ ନିକଟ ଡାକ୍ତରଖାନା ନେଇଥିଲେ । ମାତ୍ର ସେଠାରେ ଡ଼ାକ୍ତର ତାଙ୍କୁ ମୃତ ଘୋଷଣା କରିଥିଲେ । ତେବେ ଆଜି ତାଙ୍କ ମର ଶରୀର

ସକାଲ ପ୍ରାୟ ୭ଟା ବେଳେ ଉଲୁଣ୍ଡା ଥାନାରେ ପହଂଚିଥିଲା । ଥାନାର ସମସ୍ତ କର୍ମଚାରୀ ଶେଷଦର୍ଶନ କରିବା ସହ ଶ୍ରଦ୍ଧାଂଜଲି ଅର୍ପଣ କରିଥିଲେ । ପରେ ସେଠାରୁ ନିଜ ଗ୍ରାମ ଧମା ଥାନା ଅନ୍ତର୍ଗତ କଇଁପୁର ଗାଁକୁ ନିଆଯାଇଥିଲା । ସେଠାରେ ଗ୍ରାମବାସୀଙ୍କ ସମେତ ଆଖ ପାଖ ଅଂଚଲର ବହୁ ମାନ୍ୟ ଗନ୍ୟ ବ୍ୟକ୍ତି ଶେଷ ଦର୍ଶନ କରିଥିବା ବେଳେ ଶୋକାକୁଲ ପରିବେଶ ସ୍ରୁଷ୍ଟି ହୋଇଥିଲା । ଗାଁ ଶ୍ମସାନରେ ଶେଷ କୃତ୍ୟ ସମ୍ପନ୍ନ ହୋଇଥିଲା ।  ଶବ ସଂସ୍କାର ବେଳେ ଉଲୁଣ୍ଡା ଥାନାର କର୍ମଚାରୀଙ୍କ ସମେତ ପରିବାର ବର୍ଗ ଉପସ୍ଥିତ ରହିଥିଲେ ।