24-Aug-2021

ବାଲାଙ୍ଗିର (ପ୍ରେରଣା ଖବର) :ବରିଷ୍ଠ ସାମ୍ୱାଦିକ , ଓଟିଭି ପଶ୍ଚିମ ଓଡିଶା ବ୍ୟୁରୋହେଡ ମନରଂଜନ ଯୋଷୀଙ୍କ ମାଁ ସରଜୂ ଯୋଷୀଙ୍କ ୭୩ ବର୍ଷ ବୟସରେ ପରଲୋକ ହୋଇଛି । ଆଜି ତାଙ୍କ ଛାତିରେ ଯନ୍ତ୍ରଣା ହେବାରୁ ତାଙ୍କୁ ବଲାଙ୍ଗିର ଭୀମଭୋଇ ମେଡିକାଲ କଲେଜ ହସପିଟାଲରେ ଭର୍ତ୍ତି କରାଯାଇଥିଲା । ଅଧିକ ଚିକିତ୍ସା ପାଇଁ ତାଙ୍କୁ ଭୂବନେଶ୍ୱରକୁ ନେଉଥିବା ସମୟରେ, ଚାରିଛକ ନିକଟରେ ତାଙ୍କର ଜୀବନଦୀପ ଲିଭି ଯାଇଥିଲା । ସ୍ୱର୍ଗତା ସରଜୂ ଜଣେ  ଶାନ୍ତଶିଷ୍ଟ, ପରୋପକାରୀ, ଧର୍ମପରାୟଣା ମହିଳା ଭାବରେ ବେଶ ପରିଚିତ ଥିଲେ । ସ୍ୱର୍ଗତା ସରଜୂ ବିଶିଷ୍ଟ ବସ ମାଳିକ ଆର୍ତ୍ତତ୍ରାଣ ଯୋଷୀ,ବିଶିଷ୍ଟ ଔଷଧ ବ୍ୟବସାୟୀ ମାନଭଂଜନ ଯୋଷୀ, ବରିଷ୍ଠ ସାମ୍ୱାଦିକ ମନରଂଜନ ଯୋଷୀ, ଅଷ୍ଟ୍ରେଲିଆରେ ଥିବା ବିଶିଷ୍ଟ ଡାକ୍ତର ଚିତ୍ତରଂଜନ ଯୋଷୀଙ୍କ ମାଁ । ଛୋଟ ସମୟରୁ ନିଜ ପୁଅ ମାନଙ୍କୁ ପ୍ରତିଷ୍ଠିତ କରିବା ପାଇଁ କଠୋର ପରିଶ୍ରମ କରିଥିଲେ ସ୍ୱର୍ଗତା ସରଜୂ । ତାଙ୍କ ବିୟୋଗରେ ସାରା ବଲାଙ୍ଗିର ସହରରେ ଶୋକର ଛାୟା ଖେଲିଯାଇଛି । ତାଙ୍କ ବିୟୋଗରେ ବହୁ ବିଶିଷ୍ଟ ବ୍ୟକ୍ତି ଶୋକପ୍ରକାଶ କରିଛନ୍ତି ।