23-Aug-2021

ଗଞ୍ଜାମ (ଉମା ମହାରଣା) : ସ୍ୱାସ୍ଥ୍ୟ ଗତ ସମସ୍ୟାରୁ ମୃତ୍ୟବରଣ କରିଥିବା ସି ଆଇ ଏସ୍ ଏଫ୍ ଯବାନଙ୍କ ନିଜ ଗ୍ରାମରେ ପହଁଚିଲା ମର ଶରୀର l ବିହାର ରାଜ୍ୟର ପାଟଣା ସ୍ଥିତ ସି ଆଇ ଏସ୍ ଏଫ୍ ରେ କାର୍ଯ୍ୟରତ ଗଞ୍ଜାମ ଜିଲ୍ଲା ଆସିକା ବ୍ଲକ ଦେବଭୂମି ପଞ୍ଚାୟତ ର କେ. ନୂଆପଲ୍ଲୀ ଗ୍ରାମର ଯବାନ ଶିବାନନ୍ଦ ପାତ୍ର ଗତ ୧୧  ତାରିଖ ଦିନ ହଠାତ୍ ଅସୁସ୍ଥ ହୋଇପଡ଼ିଥିଲେ l ତାଙ୍କୁ ଚିକିତ୍ସାନିମନ୍ତେ ପାଟଣା ସ୍ଥିତ ପାରସ ସୁପର ହସ୍ପିଟାଲ ରେ ଭର୍ତି କରାଯାଇଥିଲା l ସେଠାରେ ଗତକାଲି ଦିନ ୧ ଘଣ୍ଟା ୩୦ ମିନଟ୍ ରେ ସେ ପ୍ରାଣ ତ୍ୟାଗ କରିଥିଲେ । ଆଜି ତାଙ୍କ ମର ଶରୀର ଏକ ସ୍ୱତନ୍ତ୍ର ଆମ୍ବୁଲାନ୍ସ ଯୋଗେ ରାଉଲକେଲା ଓ  ଭୁବନେଶ୍ୱର ଦେଇ ଆସିକା କେ.ନୁଆଁପଲ୍ଲୀ ଠାରେ ପହଞ୍ଚି ଥିଲା । ପହଞ୍ଚିବା ବାଟରେ ଆସିକା ବିଧାୟିକା ମଞ୍ଜୁଳା ସ୍ୱାଇଁ ପଥରା ଠାରେ ମର ଶରୀରକୁ ପୁଷ୍ପମାଲ୍ୟ ଅର୍ପଣ କରି   ଏକ ବିଶାଳ ବାଇକ ରାଲି ରେ ଯବାନ ଙ୍କ ଗ୍ରାମରେ ପହଞ୍ଚିବା ପରେ ଅଞ୍ଚଳବାସୀ ପକ୍ଷରୁ ଅଶ୍ରୁଳ ଶ୍ରଦ୍ଧାଞ୍ଜଳି ଜ୍ଞାପନ କରାଯାଇ ଶେଷକୃତ ସମ୍ପର୍ଣ୍ଣ କରାଯାଇଥିଲା l