18-Jun-2026

ବଲାଙ୍ଗୀର ଜିଲ୍ଲା ଓକିଲ ସଂଘ ଆୟୋଜନରେ ତଥା ଛତିଶଗଡ଼ ସ୍ଥିତ ରାୟପୁରର କଳିଙ୍ଗ ୟୁନିଭରସିଟି ସହଯୋଗରେ ଆସନ୍ତା ଜୁନ ୨୧ତାରିଖ ରବିବାର ସକାଳ ୯ଟା ସମୟରେ ସ୍ଥାନୀୟ ସିଭିଲ୍ କୋର୍ଟ ବାର୍ ହଲ୍ ଠାରେ ଆଇନ ବିଷୟ ଆଧାରିତ ଏକ ଆଲୋଚନାଚକ୍ର ଅନୁଷ୍ଠିତ ହେବ। 'Cyber Law and Digital Governance'  ଶୀର୍ଷକ ବିଷୟବସ୍ତୁ ଉପରେ ଅନୁଷ୍ଠିତ ଆଲୋଚନାଚକ୍ରରେ ମୁଖ୍ୟ ଅତିଥି ଭାବରେ ବଲାଙ୍ଗୀର ଜିଲ୍ଲା ଦୌରା ଜଜ୍ ହୀରଣ୍ମୟ ବିଶୋଇ ମୁଖ୍ୟ ଅତିଥି ଭାବରେ ଯୋଗ ଦେଇ ଏହି ଶୀର୍ଷକ ବିଷୟବସ୍ତୁ ଉପରେ ଆଲୋଚନା କରିବେ। ଅତିଥି ଵକ୍ତା ଭାବରେ କଳିଙ୍ଗ ୟୁନିଭରସିଟି ର ଆସିଷ୍ଟାଣ୍ଟ ପ୍ରୋଫେସର୍ ମିସ୍ ପାୟଲ ବୋହିରା ଯୋଗ ଦେଇ ଏହି ପ୍ରସଙ୍ଗ ଉପରେ ରହିଥିବା ବିଭିନ୍ନ ଆଇନ ଗତ ଦିଗ ଉପରେ ତର୍ଜମା କରିବେ। ରାୟପୁରର କଳିଙ୍ଗ ୟୁନିଭରସିଟି ର ଡେପୁଟି ମେନେଜର୍ ମିସ୍ ଭଞ୍ଜ ଦଳେଇ ଆଲୋଚନାଚକ୍ରକୁ ସଂଯୋଜନା କରିବେ।

ଏହି ଆଲୋଚନାଚକ୍ରରେ ବଲାଙ୍ଗୀର ଜିଲ୍ଲା ଓକିଲ ସଂଘର ସମସ୍ତ ସଭ୍ୟ, ବୁଦ୍ଧିଜୀବୀ ଓ ଜନସଧାରଣ ଯୋଗ ଦେବାକୁ ବଲାଙ୍ଗୀର ଜିଲ୍ଲା ଓକିଲ ସଂଘର ସଭାପତି ବାସୁଦେବ ରଥ ନିବେଦନ କରିଛନ୍ତି।