22-Aug-2021

ବିନିକା(ହିମାଂଶୁ ଶେଖର ପୁଟେଲ) ସ୍ବାସ୍ଥ୍ୟସେବାର ଜାଗ୍ରତ ପ୍ରହରୀ ଭାବେ କାର୍ଯ୍ୟକରି ବିନିକା ଅଞ୍ଚଳବାସୀଙ୍କ ଅତି ପରିଚିତ ସ୍ବର୍ଗତ ଡାକ୍ତର କେଦାରନାଥ ସୁବୁଦ୍ଧିଙ୍କ ସୁପୁତ୍ର ଦେବାଶିଷ ସୁବୁଦ୍ଧି ଫଟୋଗ୍ରାଫିରେ ରାଜ୍ୟ ସ୍ତରରେ ସମ୍ମାନିତ ହୋଇଥିବାରୁ ଆଜି ରବିବାର ସ୍ଥାନୀୟ ବିନିକା ସ୍ପୋର୍ଟସ କ୍ଲବଠାରେ ଆୟୋଜିତ ସମ୍ବର୍ଦ୍ଧନା ସଭାରେ ବିନିକା ଫଟୋଗ୍ରାଫି କ୍ଲବ ତରଫରୁ ତାଙ୍କୁ ସମ୍ବର୍ଦ୍ଧିତ କରାଯାଇଛି l ସୂଚନା ଯୋଗ୍ୟଯେ ରାଜ୍ୟସ୍ତରୀୟ ଫଟୋଗ୍ରାଫି ଅନୁଷ୍ଠାନ ଉତ୍କଳ ଫାଉଣ୍ଡେସନ ତରଫରୁ ବିଶ୍ଵ ଫଟୋଗ୍ରାଫି ଦିବସ ଅବସରରେ ବର୍ଣାଲି ୨୦୨୧ ନାମରେ ଏକ ଅନଲାଇନ ପ୍ରଦର୍ଶନୀ ଅନୁଷ୍ଟିତ ହୋଇଥିଲା ଯାହାକି ଏଥିରେ ବିନିକାର ଯୁବ ଉଦୀୟମାନ ଫଟୋଗ୍ରାଫି ଦେବାଶିଷ ସୁବୁଦ୍ଧି ଭାଗନେଇ ତୃତୀୟ ସ୍ଥାନ ଅଧିକାର କରି ବ୍ରୋଞ୍ଜ ପଦକ ହାସଲ କରିଥିଲେ l ଫଳରେ ଏନେଇ ବିନିକା ଅଞ୍ଚଳରେ ଖୁସିର ଲହରୀ ଖେଳିଯାଇଛି l ଆଜି ଫଟୋଗ୍ରାଫି କ୍ଲବ ସଭାପତି ସୃଜନ କୁମାର ପଣ୍ଡାଙ୍କ ଅଧ୍ୟକ୍ଷତାରେ ଅନୁଷ୍ଠିତ ସମ୍ବର୍ଦ୍ଧନା ସଭାରେ କ୍ଳବ ସଭାପତି ସୃଜନ ପଣ୍ଡl ଓ କୋଷାଧ୍ୟକ୍ଷ ମୁକେଶ କୁମାର ସାମନ୍ତରା ଉପଢୌକନ ଓ ପୁଷ୍ପଗୁଚ୍ଛ ଦେଇ ସମ୍ବର୍ଦ୍ଧିତ କରିଥିଲେ l ଅନ୍ୟ ମାନଙ୍କ ମଧ୍ୟରେ କ୍ଳବର ନବଜୀବନ ପଣ୍ଡା,ସୁଧାଂଶୁ ପଣ୍ଡା,ଗୌତମ ସୁବୁଦ୍ଧି, ପ୍ରକାଶ ମହାଲିଙ୍ଗ, ବିକାଶ ମେହେର, ଜିତୁ ରଥ, ଭାନୁ ଦାସ ପ୍ରମୁଖଙ୍କ ସମେତ କ୍ଳବର ସମସ୍ତ ସଦସ୍ୟ ଉପସ୍ଥିତ ଥିଲେ l