20-Aug-2021

ନୟାଗଡ଼,(ପ୍ରଦୀପ କୁମାର ପଣ୍ଡା) ଉତ୍କଳ ସାମ୍ବାଦିକ ସଂଘ ନୟାଗଡ଼ ଜିଲ୍ଲା ଶାଖା ପକ୍ଷରୁ ଆଜି ବାର୍ଷିକ ଉତ୍ସବ ପାଳିତ ହୋଇଯାଇଛି । ଏହି କାର୍ଯ୍ୟକ୍ରମ ରେ ମୁଖ୍ୟ ଅତିଥି ଭାବେ ଉତ୍କଳ ସାମ୍ବାଦିକ ସଂଘ ର ରାଜ୍ୟ ସଭାପତି ବିଭୂତି ଭୂଷଣ କର ଯୋଗ ଦେଇଥିବା ବେଳେ ସମ୍ମାନିତ ଅତିଥି ଭାବେ ରାଜ୍ୟ ସମ୍ପାଦକ ପୂର୍ଣ୍ଣଚନ୍ଦ୍ର ନାୟକ, କୋଷାଧ୍ୟକ୍ଷ ରାଜେନ ଚୈାଧୁରୀ, ଜିଲ୍ଲା ସଭାପତି ଶ୍ରୀକାନ୍ତ ଖଟେଇ, ଜିଲ୍ଲା ସମ୍ପାଦକ ଆଦର୍ଶ ପଟ୍ଟନାୟକ ପ୍ରମୂଖ ଯୋଗ ଦେଇଥିଲେ । ନୟାଗଡ଼ ସ୍ଥିତ ପୂର୍ତ୍ତ ବିଭାଗ ଡ଼ାକବଙ୍ଗଳା ଠାରୁ ଏକ ବିଶାଳ ଶୋଭାଯାତ୍ରା ରେ ସମସ୍ତ ଅତିଥି ମାନଙ୍କୁ ନୀଳମାଧଵ କଲ୍ୟାଣ ମଣ୍ଡପ ପର୍ଯ୍ୟନ୍ତ ପାଛୋଟି ଆଣିବା ପରେ ସେଠାରେ ଏକ ବୈଠକ ଅନୁଷ୍ଠିତ ହୋଇଥିଲା | ପ୍ରଥମେ ଜଗନ୍ନାଥ ଙ୍କ ପାଖରେ ପ୍ରଦୀପ ପ୍ରଜ୍ବଳନ କାର୍ଯ୍ୟ ରାଜ୍ୟ ସଭାପତି ଙ୍କ କରକମଳ ରେ ସମାପ୍ତ ହେବାପରେ ସମସ୍ତ ଅତିଥି ମଞ୍ଚାସିନ ହୋଇଥିଲେ | ସମସ୍ତ ଅତିଥି ମାନଂକୁ ପୁଷ୍ପ ଗୁଚ୍ଛ, ପୁଷ୍ପ ମାଲ୍ୟ ଏବଂ ଉତ୍ତରୀୟ ଦେଇ ସମ୍ବର୍ଦ୍ଧିତ କରାଯିବା ପରେ ସଭାକାର୍ଯ୍ୟ ଆରମ୍ଭ ହୋଇଥିଲା |  ଉକ୍ତ ବୈଠକରେ ରାଜ୍ୟ ସଭାପତି ଶ୍ରୀଯୁକ୍ତ କର ସାମ୍ବାଦିକ ସୁରକ୍ଷା ଆଇନ ଲାଗୁ କରିବା, ବୀମା ରାଶିକୁ ୫ ଲକ୍ଷ ଟଙ୍କାକୁ ବୃଦ୍ଧି କରିବା, ସାମ୍ବାଦିକଙ୍କ ବିରୁଦ୍ଧରେ କରାଯାଉଥିବା ମିଥ୍ୟା ମକୋଦ୍ଦମା ର ସଠିକ ତଦନ୍ତ  କରିବା ପାଇଁ ଦାବି ସରକାର ଙ୍କ ପାଖରେ ରଖାଯାଇଛି ବୋଲି ସୂଚନା ଦେଇଥିଲେ ଯୁଦ୍ଧ କାଳୀନ ଭିତ୍ତି ରେ ସରକାର ଉକ୍ତ ଦାବୀ ଗୁଡିକୁ ପୂରଣ ନକଲେ ଆଗାମୀ ଶୀତ କାଳୀନ ଅଧିବେଶନ ସମୟରେ ସାରା ରାଜ୍ୟ ର ଉତ୍କଳ ସାମ୍ବାଦିକ ର ସମସ୍ତ ସଦସ୍ୟ ବିଧାନସଭା ଆଗରେ ଶାନ୍ତି ପୂର୍ଣ୍ଣ ଧାରଣା ଦେବେ ବୋଲି କହିଥିଲେ । ଏଥିସହିତ ସାମ୍ବାଦିକ ସ୍ୱାସ୍ଥ୍ୟ ବୀମା ପ୍ରଣୟନ କ୍ଷେତ୍ରରେ ସ୍ଥାନୀୟ ବିଧାୟକ ତଥା ମନ୍ତ୍ରୀ ଡ. ଅରୁଣ କୁମାର ସାହୁଙ୍କ ଭୂମିକାକୁ ପ୍ରଶଂସା କରିଥିଲେ । ବରିଷ୍ଠ ସାମ୍ବାଦିକ ରାମକୃଷ୍ଣ ରଥ ଏବଂ ଚନ୍ଦ୍ର ବିଜୟୀ ମିଶ୍ର ମଞ୍ଚ ପରିଚାଳନା କରିଥିଲେ । କାର୍ଯ୍ୟକ୍ରମରେ ନୟାଗଡ଼  ଜିଲ୍ଲାର  ଦୁଇଶହ ରୁ ଉର୍ଦ୍ଧ  ସାମ୍ବାଦିକ ଯୋଗ ଦେଇଥିଲେ ତଥା କନ୍ଧମାଳ, ଫୁଲବାଣୀ, ବୌଦ୍ଧ, କଟକ, ଖୋର୍ଦ୍ଧା, ଗଞ୍ଜାମ ଭଳି ବିଭିନ୍ନ ଜିଲ୍ଲା ର ଉତ୍କଳ ସାମ୍ବାଦିକ ସଂଘ ର କର୍ମକର୍ତ୍ତା ମାନେ ଯୋଗ ଦେଇଥିଲେ | ଉତ୍କଳ ସାମ୍ବାଦିକ ସଂଘ ନୟାଗଡ଼ ଶାଖା ରେ  ଆଜି ଚାଳିଶ ଜଣ ନୂତନ ସଭ୍ୟ ଯୋଗହୋଇଛନ୍ତି |