22-Jun-2026

ଆଗଲପୁର, (ବିନୋଦ ଦୀପ) ଓଡିଶା ସରକାର ଙ୍କ ଦୁଇବର୍ଷ ପୂର୍ତ୍ତି ଉପଲକ୍ଷେ ବିକାଶ ଧାରା ଓଡିଶା ସାରା କାର୍ଯ୍ୟକ୍ରମ ଅବସରରେ ଆଜି ଆଗଲପୁର ବ୍ଲକ ବେନ୍ଦ୍ରା ପଂଚାୟତ ପରିସରରେ ମିଶନ ଶକ୍ତି ସୁଭଦ୍ରା ମେଳା ତଥା ସୁଭଦ୍ରା ଶକ୍ତି ସମାବେଶ କାର୍ଯ୍ୟକ୍ରମ ଅନୁଷ୍ଠିତ ହୋଇଥିଲା l ପିଇଓ ଅଲି ବାରିକ ଙ୍କ ଅଧ୍ୟକ୍ଷତାରେ ଅନୁଷ୍ଠିତ କାର୍ଯ୍ୟକ୍ରମ ରେ ସରପଞ୍ଚ ରବୀନ୍ଦ୍ର ସାହୁ, ସମିତି ସଭ୍ୟା ସତ୍ୟବତୀ କୁଅଁର, ଏଡିଈଓ ମନୋଜ କୁମାର ଦାଶ, ନୋଡାଲ ଅଫିସର ସର୍ବେଶ୍ୱର ପୁଟେଲ, ଯୋଗାଣ ସହାୟକ ସୁଦାମ ସାହୁ ପ୍ରମୁଖ ଉପସ୍ଥିତ ଥିଲେ l

ଆଜିର କାର୍ଯ୍ୟକ୍ରମ ରେ 25 ଜଣ ଙ୍କୁ ସୁଭଦ୍ରା ଯୋଜନା ରେ ଅନ୍ତର୍ଭୁକ୍ତ କରାଗଲା l 30 ଟି ଅଭିଯୋଗ ପଞ୍ଜିକୃତ ହେବାସହ ବିଭିନ୍ନ ସରକାରୀ ଯୋଜନା ବାବଦ ରେ ସଚେତନ କରଗଲା l ଆଜି କାର୍ଯ୍ୟକ୍ରମ ରେ ସୁଭଦ୍ରା ମଁl, ଲକ୍ଷପତି ଦିଦି ଓ ମମତା ମା ମାନଙ୍କ ସଫଳତା ଉପରେ ଆଲୋଚନା ହେବାସହ ସ୍ୱଚ୍ଛତା କାର୍ଯ୍ୟକ୍ରମ ହୋଇଥିଲା l ଅନ୍ୟ ମାନଙ୍କ ମଧ୍ୟରେ ଇ. ସି ସଭାପତି ଦେବକୀ ମହାନନ୍ଦ, ଯାଜ୍ଞସେନୀ ବାଗ, ନିବେଦିତା ସାହୁ, ଅଶ୍ୱିନୀ ଭୋଇ, ସଂଯୁକ୍ତା ବିଶ୍ୱାଳ, ପଵିତ୍ର ପାଣିଗ୍ରାହୀ, ନମିତା କୁଅଁର ଉପସ୍ଥିତ ଥିବାବେଳେ ଆଶା, ଅଙ୍ଗନବାଡି, ଏମ ବିକେ ଙ୍କ ସମେତ ବେନ୍ଦ୍ରା ପଂଚାୟତ ର ମା ଭଉଣୀ ଓ ଜନସାଧାରଣ ଯୋଗଦେଇ ଉକ୍ତ କାର୍ଯ୍ୟକ୍ରମ କୁ ସାଫଲ୍ୟ କରିଥିଲେ l