23-Jun-2026

*ଆସନ୍ତା ଜୁଲାଇ ୧୨ ରେ ସୁବର୍ଣ୍ଣପୁର ଠାରେ ଅନୁଷ୍ଠିତ ହେବ ଓଜେୟୁ ରାଜ୍ୟ କାର୍ଯ୍ୟକାରିଣୀ ବୈଠକ*- 
ସୁବର୍ଣ୍ଣପୁର ୨୨.୦୬  ଓଡ଼ିଶା ସାମ୍ବାଦିକ ସଂଘ ର ରାଜ୍ୟ କାର୍ଯ୍ୟକାରିଣୀ ବୈଠକ ତଥା ଜିଲ୍ଲା ର ବାର୍ଷିକ ଉତ୍ସବ ଆସନ୍ତା ଜୁଲାଇ ୧୨ତାରିଖରେ ସୁବର୍ଣ୍ଣପୁର ଠାରେ ଅନୁଷ୍ଠିତ ହେବ। ଏଥିପାଇଁ ସମସ୍ତ ଆନୁସଙ୍ଗିକ ପ୍ରସ୍ତୁତି ଆରମ୍ଭ ହୋଇଯାଇଛି। ରାଜ୍ୟର ୩୦ଟି ସାଙ୍ଗଠନିକ ଜିଲ୍ଲା ରୁ ଶତାଧିକ ସଂଘ କର୍ମକର୍ତ୍ତା ଏହି ବୈଠକରେ ଯୋଗ ଦେବାକୁ ଥିବାରୁ ବର୍ତ୍ତମାନ ଠାରୁ ଆୟୋଜକ ଜିଲ୍ଲା ଓଜେୟୁ କର୍ମକର୍ତ୍ତା ତଥା ଜିଲ୍ଲାର ସାମ୍ବାଦିକ ମହଲରେ ଉତ୍ସାହ ଦେଖିବାକୁ ମିଳିଛି।  ରାଜ୍ୟ କାର୍ଯ୍ୟକାରିଣୀ ବୈଠକ ଓ ପର ଆଲୋଚନା ଚକ୍ର ରେ ଅନେକ ରାଜନେତା, ବରିଷ୍ଠ ପ୍ରଶାସନିକ ଅଧିକାରୀ ଅତିଥି ଭାବରେ ଥିବାବେଳେ ଏ ଉପଲକ୍ଷେ ସୁବର୍ଣ୍ଣପୁର ଜିଲ୍ଲା ର ବିଭବ ତଥା କଳା ସଂସ୍କୃତି ଓ ପର୍ଯ୍ୟଟନ ସଂବନ୍ଧିତ ଏକ ସ୍ମରଣିକା ମଧ୍ୟ ପ୍ରକାଶ ପାଇବ। ଏଣୁ ରାଜ୍ୟ ର ସମସ୍ତ ଲବ୍ଧ ପ୍ରତିଷ୍ଠିତ ସାହିତ୍ୟିକ, ଗବେଷକ ମାନଙ୍କୁ ଚଳିତ  ଜୁନ୨୮ତାରିଖ ମଧ୍ୟରେ  ସମସ୍ତ ଲେଖା ନିମ୍ନ ଲିଖିତ ଇ ମେଲ୍ ojusubarnapur @gmail.com ରେ ପଠାଇବାକୁ ଅନୁରୋଧ କରାଯାଇଛି।