31-Jul-2021

ସୋନପୁର (ମନୋରଞ୍ଜନ ତ୍ରିପାଠୀ) : ନାଇକେନପାଲି ଗୋଷ୍ଠୀ ସ୍ଵାସ୍ଥ୍ୟକେନ୍ଦ୍ର ଠାରେ ଗତ ୨୭ ଜୁଲାଇରୁ ୩୦ ଜୁଲାଇ ଯାଏଁ ଚାରୋଟି ପର୍ଯ୍ୟାୟରେ କୋଭିଡ ମହାମାରୀର ମୁକାବିଲା ସମୟରେ ଶିଶୁଙ୍କ ସ୍ଵାସ୍ଥ୍ୟର ଯତ୍ନ ପାଇଁ ପ୍ରଶିକ୍ଷଣ ଶିଵିର ଅନୁଷ୍ଠିତ ହୋଇଯାଇଛି। ଉକ୍ତ ପ୍ରଶିକ୍ଷଣ ଶିବିର ରେ ପ୍ରାୟ ୧୫ ଜଣ ମହିଳା ସ୍ଵାସ୍ଥ୍ୟକର୍ମୀ, ୩ ଜଣ ସ୍ଵାସ୍ଥ୍ୟ ପରିଦର୍ଶକ, ୭୭ ଜଣ ଆଶାକର୍ମୀ, ୮ ଜଣ କ୍ଷେତ୍ରୀୟ ପରିଦର୍ଶକ/ପରିଦର୍ଶିକା ପ୍ରଶିକ୍ଷଣ ନେଇଥିଲେ । କରୋନା ମହାମାରୀ ସମୟରେ କିପରି ଭାବେ ଶିଶୁଙ୍କ ସ୍ଵାସ୍ଥ୍ୟର ଯତ୍ନ ନିଆଯିବ ସେ ବିଷୟରେ ସବିଶେଷ ପ୍ରଶିକ୍ଷଣ ପ୍ରଦାନ କରାଯାଇଥିଲା । ଏହି ପ୍ରଶିକ୍ଷଣ

ଶିବିର ରେ ନାଇକେନପାଲି ଗୋଷ୍ଠୀ ସ୍ଵାସ୍ଥ୍ୟକେନ୍ଦ୍ର ର ଅଧୀକ୍ଷକ ଡାକ୍ତର ସଂଗୀତା ଚୌଧୁରୀଙ୍କ ସମେତ ଡାକ୍ତର ପୂଜାଶ୍ରୀ ମିଶ୍ର, ଡାକ୍ତର ସରୋଜ କୁମାର ମେହେର, ଡାକ୍ତର ସୌରଭ କୁମାର ସାହୁ ଏବଂ ଜନସ୍ଵାସ୍ଥ୍ୟ ସଂପ୍ରସାରଣ ଅଧିକାରୀ ପ୍ରଦ୍ୟୁମ୍ନ କୁମାର ସାହୁ ପ୍ରଶିକ୍ଷକର ଦାୟିତ୍ଵ ନିର୍ବାହ କରିଥିବା ବେଳେ ବିପିଏମ୍ ଅଶୋକ ମିଶ୍ରଙ୍କ ସଂଯୋଜନାରେ ଶିବିର ଅନୁଷ୍ଠିତ ହୋଇଥିଲା।