30-Jul-2021

ଟିଟିଲାଗଡ଼(ପ୍ରେରଣା ଖବର) : ବାରମ୍ବାର ଘରୋଇ ବିଦ୍ୟାଳୟ ର ବ୍ୟବସାୟୀ ମନୋବୃତ୍ତି ତଥା ଟଙ୍କା ଆଦାୟ ସହ ସରକାରୀ ଆଇନ ଖିଲାପ କରିବା ଯୋଗୁଁ ଅଭିଭାବକ ସହ ଛାତ୍ରଛାତ୍ରୀଙ୍କୁ ଅନଲାଇନ ପାଠ ପଢାରୁ ବଞ୍ଚିତ କରିବା ବିବାଦ ଲାଗି ରହିଛି । ଏ ନେଇ ବାରମ୍ବାର ଅଭିଭାବକ  ମାନେ ଟିଟିଲାଗଡ଼ ବି. ଇ. ଓ, ଏବଂ ବଲାଙ୍ଗିର ଡି. ଇ. ଓ  ଙ୍କୁ ଆବେଦନ କରିଥିଲେ । କିନ୍ତୁ 

ଟିଟିଲାଗଡ଼ ବି ଇ ଓ ତଥା ବଲାଙ୍ଗୀର ଡି. ଇ. ଓ ଏ ନେଇ ଆବଶ୍ୟକ ପଦକ୍ଷେପ ନେବା ଆଳରେ ଭିତିରିଆ ସଲାସୁତୁରା ନୀତି  ପ୍ରୟୋଗ କରି ପ୍ରଥମେ ଟର୍ମ ଫିସ ଦାଖଲ ଓ ପରେ ଫେରସ୍ତ କହି ଟଙ୍କା ନେଇ ଯାଇ ଏବେ ଆସନ୍ତା ତା ୦୫-୦୮-୨୧ ରିଖ ଦିନ ମଧ୍ୟରେ ଟଙ୍କା ଜମା ନ କଲେ ନୂତନ ଆଡ଼ମିଶନ ହୋଇ ପରିବନି ବୋଲି ମୋବାଇଲ ମ୍ୟାସେଜ କରିଛନ୍ତି । ଏହା ନିଶ୍ଚିତ ଯେ, ଅଭିଭାବକ ବାଧ୍ୟ ହୋଇ ଭୟରେ ଟଙ୍କା ଜମା କରିଦେବେ । ଏକ ବର୍ଷ ର ଟଙ୍କା ପୂର୍ବରୁ ନେଇ ନିଜ ମନମୁତାବକ ଶୋଷଣ କରିବାରେ ସମର୍ଥ ହେବେ । ଗତ ଗୁରୁବାର ଦିନ ଏ ନେଇ ଟିଟିଲାଗଡ଼ ପ୍ରଭାବତୀ ପବ୍ଲିକ ସ୍କୁଲ ର ଅଭିଭାବକ ମାନେ ଉପଜିଲ୍ଲାପାଳଙ୍କୁ ସାକ୍ଷାତ କରି ତଥା ଅନ୍ୟ ଅଧିକାରୀଙ୍କୁ ଆବେଦନ କରି ତୁରନ୍ତ ସରକାରୀ ଆଇନ ଅନୁଯାୟୀ ଛାତ୍ରଛାତ୍ରୀଙ୍କ ଅନଲାଇନ ଆଇ ଡି ଖୋଲିବାକୁ ଜଣେଇଥିଲେ । ଉପଜିଲ୍ଲାପାଳ ଉପଯୁକ୍ତ ପଦକ୍ଷେପ ନେବା ପାଇଁ କହିଥିଲେ । ଉକ୍ତ ଆଇ. ଡି ଖୋଲିବା ନେଇ ବିଇଓ ତଥା ଡିଇଓ ଙ୍କ କ୍ଷମତା ଥାଇ ପଦକ୍ଷେପ ନେବା ବଦଳରେ ତୁରନ୍ତ ଅପରାହ୍ନ ସମୟରେ ସ୍କୁଲ ପ୍ରିନ୍ସପାଲ ମୋବାଇଲ କନ୍ଫରେନ୍ସ ଯୋଗେ ବାର୍ତ୍ତାଳାପ କରି ଜଣେ ଆଇନଜୀବୀଙ୍କ ସହ ମିଶି ଏଭଳି ସୂଚନା ଦେଇଛନ୍ତି । ଯାହା ବଲାଙ୍ଗୀର ଜିଲ୍ଲା ଡିଇଓ ଙ୍କ କାର୍ଯ୍ୟାଳୟ ର ଜଣେ କର୍ମଚାରୀ ନିଜ ନାମ ଗୋପନ ରଖିବା କୁ ଅନୁରୋଧ କରି ସୂଚନା ଦେଇଛନ୍ତି । ଦୀର୍ଘଦିନ ଧରି ଏହି ଅଧିକାରୀଙ୍କୁ ଆବେଦନ, ନିବେଦନ ସତ୍ୱେ ଅର୍ଥ ଶୋଷଣ ମନୋବୃତି ନେଇ ଶିକ୍ଷା ବିଭାଗ ଅଧିକାରୀ କାହିଁକି ପଦକ୍ଷେପ ନେଉ ନାହାନ୍ତି ଓ କିପରି ପ୍ରିୟପ୍ରୀତି  ତୋଷଣ ଚାଲିଛି ଏଥିରୁ ସ୍ପଷ୍ଟ ପ୍ରମାଣିତ ହେଉଛି । ସେହିପରି ଟିଟିଲାଗଡ଼ର ଓମଭ୍ୟାଲି ସ୍କୁଲ ଅଭିଭାବକ ଏକ ମାମଲା ମାନ୍ୟବର ଓଡ଼ିଶା ହାଇକୋର୍ଟ ରେ ଦାୟର କରିଥିବା ଓ ଅନଲାଇନ ପାଠପଢା ସହ ଫିସ ଦାବି ନେଇ ନିର୍ଦ୍ଦେଶ ସତ୍ୱେ ବିଭାଗୀୟ ଅଧିକାରୀଙ୍କ ଖାତିର ନାହିଁ । ଆଇନ ଅଦାଲତର ଅର୍ଥ ଖର୍ଚ୍ଚ କରି ଦ୍ୱାରସ୍ଥ ହେବାକୁ ବାଧ୍ୟ ହୋଇ ମାନସିକ ଚାପଗ୍ରସ୍ତ ହେଉଛନ୍ତି ବିଚରା ଅଭିଭାବକ ମାନେ l  ବଲାଙ୍ଗୀର ଶିକ୍ଷା ଅଧିକାରୀ ଓ ଟିଟିଲାଗଡ ଉପଖଣ୍ଡ ଶିକ୍ଷାଅଧିକାରୀଙ୍କ ନୀରବତା ନେଇ ମାସିକ କୋଟା କାରବାର ଥିବା ଗୋପନୀୟ ସୂଚନା ମିଳିଛି । ଏ ନେଇ ଅଭିଭାବକ ଓଡିଶା ହାଇକୋର୍ଟ ର ଦ୍ୱାରସ୍ଥ ହେଲେ ସ୍କୁଲ କର୍ତ୍ତୃପକ୍ଷ ଅଜସ୍ର ଟଙ୍କା ର ମାଲିକ ଥିବାରୁ ସୁପ୍ରିମକୋର୍ଟ ଯିବେ ଯାହା ଅଭିଭାବକ ଙ୍କ ପକ୍ଷରେ ଅସମ୍ଭବ ହୋଇଛି l ଏହି ସମୟ ବ୍ୟବଧାନରେ ପାଠପଢାରୁ ଛାତ୍ରଛାତ୍ରୀ ବଞ୍ଚିତ ହେଉଛନ୍ତି । ଏ ନେଇ ଉକ୍ତ ମୋବାଇଲ କଲ ଛୁଟି 

ଦର୍ଶାଇ ଲୁଚି ରହିଥିବା ପ୍ରଭାବତୀ ପବ୍ଲିକ ସ୍କୁଲ ପ୍ରିନ୍ସପାଲଙ୍କ ନମ୍ବର ସାଇବର ସେଲ ବଲାଙ୍ଗୀର ତରଫରୁ ତଦନ୍ତ କଲେ ସବୁ ରହସ୍ୟ ଉନ୍ମୋଚନ ହେବା ଦାବି ହେଉଛି । ଏହି ସମସ୍ୟା ନେଇ ତୁରନ୍ତ ମହିଳା ଓ ଶିଶୁ ବିକାଶ ମନ୍ତ୍ରୀ ତଥା ବିଭାଗୀୟ ମୁଖ୍ୟ ଶାସନ ସଚିବ ଦୃଷ୍ଟି ଦେବାକୁ ଦାବି ହେଉଛି ।