27-Jul-2021

ଭୁବନେଶ୍ଵର (ପ୍ରେରଣା ଖବର) : ଭୁବନେଶ୍ୱରରେ ଦିନକରେ ଚିହ୍ନଟ ହେଲେ ୩୦  ଡେଙ୍ଗୁ ରୋଗୀ l ଭୁବନେଶ୍ୱରର ଡେଙ୍ଗୁ ରୋଗୀଙ୍କ ସଂଖ୍ୟା ବୃଦ୍ଧି ପାଇ ପହଞ୍ଚିଲା ୪୨୧ରେ । ଗତକାଲି ଏହି ସଂଖ୍ୟା ଥିଲା ୩୯୧ରେ ଜାନୁଆରୀରୁ ଚିହ୍ନଟ ଡେଙ୍ଗୁ ରୋଗୀଙ୍କ ସଂଖ୍ୟା ୪୨୧ ।ଶୈଳଶ୍ରୀ ବିହାର, ନିଳାଦ୍ରୀ ବିହାର, କଳ୍ପନା ଓ ବରଗଡ ବ୍ରିଟ କଲୋନୀରେ ବ୍ୟାପିଛି ଡେଙ୍ଗୁ ।ଗତକାଲି ଜଣେ ନାବାଳିକା ଡେଙ୍ଗୁରେ ମୃତ୍ୟୁବରଣ କରିଥିବା ଅଭିଯୋଗ ହୋଇଛି ।ମୃତ୍ୟୁର କାରଣ ଜାଣିବାକୁ ଚାଲିଛି ତଦନ୍ତ।ସ୍ୱତନ୍ତ୍ର ସ୍ୱାସ୍ଥ୍ୟ ଟିମ କରୁଛନ୍ତି ତଥ୍ୟ ସଂଗ୍ରହ ଓ ତଦନ୍ତ।କରୋନା ସମୟରେ ଚିନ୍ତା ବଢ଼ାଉଛି ଡେଙ୍ଗୁ । ବିଏମସିର ମୁଣ୍ଡବ୍ୟଥାର କାରଣ ବୃଦ୍ଧି ପାଉଥିବା କରୋନା ଓ ଡେଙ୍ଗୁ ରୋଗୀଙ୍କ ସଂଖ୍ୟା ।ଉଭୟ କ୍ଷେତ୍ରରେ ଲୋକଙ୍କ ମଧ୍ୟରେ ସଚେତନତା ଓ ସତର୍କତା ଜରୁରୀ ବୋଲି ପ୍ରସାଶନ ତରଫରୁ ସ୍ପଷ୍ଟ କରାଯାଇଛି ।