27-Jul-2021

କଣ୍ଟାବାଞ୍ଜି ( ଆନନ୍ଦ କୁମାର ମୋଟେ ) : ବଲାଙ୍ଗିର ଜିଲ୍ଲା ଖପ୍ରାଖୋଲ ବ୍ଲକ ଐତିହାସିକ ପର୍ଯ୍ୟଟନ ସ୍ଥଳ ହରିଶଂକର ଠାରେ କଂଟାବାଞ୍ଜି ପ୍ରେସ କ୍ଲବର ବନ୍ଧୁ ମିଲନ କାର୍ଯ୍ୟକ୍ରମ ଅନୁଷ୍ଠିତ ହୋଇଥିଲା । ପ୍ରେସ କ୍ଲବ ସଭାପତି ପ୍ରଭଜିତ ସିଂ ସାଲୁଜାଙ୍କ ଅଧ୍ୟକ୍ଷତାରେ ଏକ ବୈଠକ ଅନୁଷ୍ଠିତ ହୋଇଥିଲା । ପ୍ରେସ କ୍ଲବ ଗତ ୧ ବର୍ଷ ଭିତର ଯେଉଁ ସବୁ ଜନମଂଗଳ କାମ କରିଛି ସେ ଉପରେ ଆଲୋଚନା କରାଯାଇଥିଲା । ସଂଗଠନ ଆରମ୍ଭ ହେବା ଦିନ ଠାରୁ ଆଜିଯାଏ ଦୁଇ ଦୁଇ ଥର ରକ୍ତଦାନ ଶିବିର ଆୟୋଜନ କରି ପ୍ରାୟ ୨୫୦ ରୁ ଅଧିକ ୟୁନିଟ ରକ୍ତ ସଂଗ୍ରହ, ନିଶୁଲ୍କ ଚକ୍ଷୁ ଚିକିତ୍ସା ଶିବିର, ପ୍ରଶାସନର ସହଯୋଗରେ କୋଭିଡ ଟିକା କରଣ କାର୍ଯ୍ୟକ୍ରମ, ଅସହାୟ ମାନଙ୍କୁ କୋଭିଡ ସମୟରେ ମାକ୍ସ, ରନ୍ଧ୍ୟା ଖାଦ୍ୟ ବଂଟନ, କୋଭିଡ ରୋଗୀଙ୍କୁ ଅକ୍ସିଜେନ ସେବା, ପ୍ରଶାସନକୁ ନିଜ ତରଫରୁ ଅକ୍ସିଜେନ ପ୍ରଦାନ କରିବା ଭଲି ଅନେକ ସମାଜସେବା କାମ କରିଛନ୍ତି । କୋଭିଡର ଦ୍ୱିତିୟ ଲହରି ସମୟରେ  ବଲାଙ୍ଗିର ପ୍ରଶାସନକୁ ଅକ୍ସିଜେନ ସେବାରେ ସହଯୋଗ କରିଥିବାରୁ ଜିଲ୍ଲାପାଳ ଚଂଚଳ ରାଣା କଂଟାବାଞ୍ଜି ତହସିଲଦାର ଅଶୋକ କୁମାର ମାଝୀଙ୍କୁ ଜରିଆରେ କିଛି ଦିନ ତଲେ ପ୍ରଶଂସା ପତ୍ର ଦେଇ ପ୍ରେସ କ୍ଲବର ଏଭଲି କାମ ପାଇଁ ଧନ୍ୟବାଦ ଜଣାଇଥିଲେ । ତେବେ ବନ୍ଧୁ ମିଳନ ଅବସରରେ ହୋଇଥିବା ବୈଠକରେ ଆଗକୁ ମଧ୍ୟ ପ୍ରେସ କ୍ଲବ ଏଭଲି ଜନମଂଗଳ କାମ ଜାରି ରଖିବ ବୋଲି ସଦସ୍ୟ ମାନେ ଶପଥ ନେଇଥିଲେ । ଏହା ସହ ଖପ୍ରାଖୋଲ ରେଂଜର ଶ୍ରୀବତ୍ସ କୁମୁରାଙ୍କ ସହଯୋଗ ଏବଂ ଫରେଷ୍ଟର ପ୍ରିୟବ୍ରତ ମହାକୁଡଙ୍କ ଉପସ୍ଥିତିରେ ବୃକ୍ଷ ରୋପଣ କରାଯାଇଥିଲା । ଏହି କାର୍ଯ୍ୟକ୍ରମରେ ପ୍ରେସ କ୍ଲବ କାର୍ଯ୍ୟକାରି ସଭାପତି ସୁରଦାସ ବାଗ, ସଂପାଦକ ପୁଷ୍ପକେତୁ ବେହେରା, ଉପସଭାପତି ରଶ୍ମିରଂଜନ ପୁଟେଲ, ପରାମର୍ଶଦାତା ଆନନ୍ଦ ମୋଟେ, ଆଶିଷ ଖଇତାନ, ଦୁର୍ଗାପ୍ରସାଦ ଗୁପ୍ତା, କାର୍ଯ୍ୟକାରୀ ସଦସ୍ୟ ସୁବ୍ରତ ମହାକୁଡ଼, ରୋହନ ମହତ, ବିସିକେଶନ ମାଝୀ ସହ ଅନ୍ୟ ମାନେ ଉପସ୍ଥିତ ଥିଲେ ।