27-Jul-2021

ନୟାଗଡ(ପ୍ରେରଣା ଖବର ବ୍ୟୁରୋ): ରାଷ୍ଟ୍ରୀୟ ପଛୁଆ ବର୍ଗ ମୋର୍ଚ୍ଚା କଳାହାଣ୍ଡି ଶାଖା ତରଫରୁ କେନ୍ଦ୍ର ସରକାର ନିଟରେ ଓବିସି ଛାତ୍ରଛାତ୍ରୀଙ୍କ ପାଇଁ ସଂରକ୍ଷଣ ନ ଦେବାରୁ ରାଷ୍ଟ୍ରୀୟ ଅଧ୍ୟକ୍ଷ ,ପଛୁଆ ବର୍ଗ ମୋର୍ଚ୍ଚା ନୂଆଦିଲ୍ଲୀ ଶ୍ରୀଯୁକ୍ତ ଚୌଧୁରୀ ବିକାଶ ପଟେଲ ଙ୍କ ତତ୍ବାବଧାନରେ ରାଷ୍ଟ୍ରୀୟ ପଛୁଆ ବର୍ଗ ମୋର୍ଚ୍ଚା ଓଡିଶା ରାଜ୍ୟ ସଭାପତି ଶ୍ରୀଯୁକ୍ତ ଜଗଦୀଶ ଯାଦବ, ଉପସଭାପତି ବ୍ୟୋମକେଶ ପରିଡା ଙ୍କ ନେତୃତ୍ୱରେ ରାଷ୍ଟ୍ରପତିଙ୍କ ଉଦ୍ଦେଶ୍ୟରେ କଳାହାଣ୍ଡି ଜିଲ୍ଲାପାଳଙ୍କୁ ରାଷ୍ଟ୍ରୀୟ ପଛୁଆବର୍ଗ ମୋର୍ଚ୍ଚା କଳାହାଣ୍ଡି ଶାଖା ତରଫରୁ ଏକ ସ୍ମାରକ ପତ୍ର ପ୍ରଦାନ କରାଯାଇଛି । ଭାରତରେ ୨୬୭ ସରକାରୀ ମେଡ଼ିକାଲ କଲେଜ ଅଛି । ରାଜ୍ୟ ମେଡ଼ିକାଲ କଲେଜରୁ କେନ୍ଦ୍ରର ୧୫% ୟୁଜି ଓ ପିଜିରେ ୫୦% ସଂରକ୍ଷଣ ଥିଲା କିନ୍ତୁ ବର୍ତ୍ତମାନ କେନ୍ଦ୍ର ସରକାର ଓବିସି ଛାତ୍ରଛାତ୍ରୀଙ୍କୁ ପ୍ରଦାନ କରୁ ନାହାନ୍ତି  ।ଯାହା ଫଳରେ ଓବିସି ମହଲରେ ଉଦବେଗ ପ୍ରକାଶ ପାଇଛି ଓବିସିଙ୍କ ସ୍ୱାର୍ଥ ଦୃଷ୍ଟିରୁ ଏହି କାର୍ଯ୍ୟକ୍ରମରେ ଜିଲ୍ଲା ସାଧାରଣ ସଂପାଦକ ଆଦିତ୍ୟ ହଂସ ଯାଦବ, ପୂର୍ଣଚନ୍ଦ୍ର ବାଗ,ଧର୍ମେନ୍ଦ୍ର ନାଗ, ପିତ ଗୌଡ଼, ଦାମ ସିଂହ,କଳ୍ପେଶ୍ୱର ନାଏକ ,ଯୁବରାଜ ଛାତ୍ରୀଆ, କୁନୁ ଦୁର୍ଗା, ସୁରେଶ ଚନ୍ଦନ,ମନୋହର ନାଏକ, ରାଷ୍ଟ୍ରୀୟ ମୁସଲିମ ମୋର୍ଚ୍ଚା ରାଜ୍ୟ ସଭାପତି ମେହେବୁବ ରାଜା ପ୍ରମୁଖ ଉପସ୍ଥିତ ଥିଲେ । ଏହି ରାଷ୍ଟ୍ର ବ୍ୟାପି ଚରଣ ବଦ୍ଧ ଆନ୍ଦୋଳନରେ ଦ୍ୱତୀୟ ଚରଣ ୨୬ ଜୁଲାଇରେ ରାଷ୍ଟ୍ରୀୟ ସ୍ତରରେ ସମସ୍ତ ଜିଲ୍ଲା ମୁଖ୍ୟାଳୟ ସମ୍ମୁଖରେ ଧାରଣା ପ୍ରଦର୍ଶନ ଓ ତୃତୀୟ ଚରଣ ଆସନ୍ତା ୩ ଅଗଷ୍ଟରେ ଜନପଦ ମୁଖ୍ୟାଲୟରେ ରାଲି ପ୍ରଦର୍ଶନ କରାଯିବ ବୋଲି ରାଷ୍ଟ୍ରୀୟ ପଛୁଆବର୍ଗ ମୋର୍ଚ୍ଚା ଓଡିଶା ରାଜ୍ୟ ସଭାପତି ଶ୍ରୀଯୁକ୍ତ ଜଗଦୀଶ ଯାଦବ ପ୍ରକାଶ କରିଥିଲେ ।