12-Jul-2021

ଉଲୁଣ୍ଡା, (ଗୌରଚନ୍ଦ୍ର ପରିଛା) ସୁବର୍ଣ୍ଣପୁର ଜିଲ୍ଲା  ଉଲୁଣ୍ଡା ବ୍ଲକ କୋଟସମଲାଇ ସ୍ଥିତ ପାତାଳି ଶ୍ରୀକ୍ଷେତ୍ରରେ ସୋମବାର  ନୀତିକାନ୍ତିରେ ପାଲିତ ହେଲା ରଥଯାତ୍ରା । କରୋନା କଟକଣା ଯୋଗୁଁ ରଥଟଣା ହୋଇନପାରି ବିନା ଭକ୍ତରେ ନିତିକାନ୍ତି ଅନୁସାରେ ସମ୍ପନ୍ନ ହୋଇଛି ଘୋଷଯାତ୍ରା । ଆଜି ସକାଲୁ ସୁର୍ଯ୍ୟପୂଜା, ଦ୍ୱାରପାଲ ପୂଜା, ଦ୍ୱାର‘ିଟା, ମଙ୍ଗଲ ଆଳତୀ ଓ ଖେଚୁଡି ଭୋଗ ଲାଗିପରେ ଶ୍ରୀଜିଉଙ୍କୁ ବେଶ କରାଯାଇଥିଲା । ପରେ ଶ୍ରୀଜିଉଙ୍କୁ ଛତି, ଛତ୍ର, ଆଲଟ, ଚାମର, ଘଂଟ, ଘଂଟା, ଶଙ୍ଖର ତାଲେ ତାଲେ  ଧାଡି ପହଣ୍ଡିରେ ଅଣାଯାଇ ସପ୍ତମ ପାହାଚରେ ଟାହିୟାଲାଗି କରାଯାଇଥିଲା । ସେଠାରୁ ଶ୍ରୀଜିଉଙ୍କୁ ପହଣ୍ଡିକରି ବାଇସି ପାହାଚ ଅବତରଣ କରି ଅରୁଣ ସ୍ତମ୍ବ ପଛପଟୁ ଅସ୍ଥାୟୀ ଆଡପ ମଣ୍ଡକୁ ବିଜେ କରାଯାଇଥିଲା । ଗାଁ ଗୌନ୍ତିଆ ଚମରା ଅମାତ ରଥ ଛେରାପହରା କରିଥଲେ ।  କ୍ଷେମାଲୋଏ  ଗୌନ୍ତିଆ 

ମିତ୍ରଭାନୁ ମହାକୁଡ଼ ଓ ରେଡମ ଗୌନ୍ତିଆ ନରସିଂହ ପଧାନ ପହଣ୍ଡି ଛେରାପହରା କରିଥିବା ବେଳେ  ସୁଧାକର ପୁରୋହିତ ଓ ସୁଧିର ପୁରୋହିତ ପହଣ୍ଡି ଗୀତ ଗାନ କରିଥିଲେ । ବିଶେଶ୍ୱର ପାଢି ହୋମ ଯଜ୍ଞ କରିଥିବା ବେଳେ ଦେବାର୍ଚନ ଦାସ ଓ ଗୁଣାକର ପଣ୍ଡା ପୁଜାକାର୍ଯ୍ୟ ସଂପାଦନ କରିଥିଲେ । ଆଜି ଅତିଥି ଭାବରେ ସୋନପୁର ଡିଏ‘ଓ ସୁଶାନ୍ତ ସାମନ୍ତରାଏ, ଏଏସ୍‌ପି ଉତ୍କଲ କେଶରୀ ଦାସ, ଉଲୁଣ୍ଡା ରେଂଜର ଶିବ ପ୍ରଶାଦ ନାଏକ ଯୋଗଦେଇଥିଲେ । ପୁର୍ଣ୍ଣଚନ୍ଦ୍ର ପାଢୀଙ୍କ ସଂଯୋଜନାରେ ହୋଇଥିବା ଏହି ଘୋଷ ଯାତ୍ରାରେ ଟ୍ରଷ୍ଟି ସଦସ୍ୟ ଉତର କୁମାର ପାତ୍ର, ମହାଦେବ ସାହୁ, ଜାନକୀରାମ ଦେହେରୀ,  ଜଗଦୀସ କର୍ଣ୍ଣ, ଦୀଲ୍ଲିପ ପାତ୍ରଙ୍କ ସମେତ ପାତାଲି ସେନାର ସଦସ୍ୟ ମାନେ ସହଯୋଗ କରିଥିଲେ । ସେହିପରୀ ଉଲୁଣ୍ଡା ଠାରେ ମଧ୍ୟ ରଥଯାତ୍ରା ଅନୁଷ୍ଠିତ ହୋଇଯାଇଛି ।