12-Jul-2021

ନୟାଗଡ, (ପ୍ରଦୀପ କୁମାର ପଣ୍ଡା):  ନୟାଗଡ଼ ସଦରବ୍ଲକ ଅନ୍ତର୍ଗତ କ୍ରିଦାଶପୁର ପଞ୍ଚାୟତ ଗୋଡ଼ିପାଟଣା ଗ୍ରାମରେ ମା ମଙ୍ଗଳା ଗୋଷ୍ଠୀ କେନ୍ଦ୍ରକୁ ଆଜି ନୟାଗଡ଼ ବିଧାୟକ ତଥା ମନ୍ତ୍ରୀ ଡ. ଅରୁଣ କୁମାର ସାହୁ ଉଦଘାଟନ କରିଛନ୍ତି । ଗ୍ରାମବାସୀଙ୍କ ଉଦ୍ଦେଶ୍ୟରେ ନିର୍ମାଣ ଏହି ଗୋଷ୍ଠୀ କେନ୍ଦ୍ର ଉଦଘାଟନ କାର୍ଯ୍ୟକ୍ରମରେ ବିଜେଡି ନେତା ପୂର୍ଣ୍ଣଚନ୍ଦ୍ର ନାୟକ, ବ୍ଲକ ଉପାଧ୍ୟକ୍ଷ ସୁବାସ କହଁର, ସରପଞ୍ଚ ଅନ୍ତର୍ଯ୍ୟାମୀ ଦାଶ, ପୂର୍ବତନ ସରପଞ୍ଚ ଦୂତିବାମନ ବେହେରା ପ୍ରମୂଖ ଉପସ୍ଥିତ ରହିଥିଲେ । ସେହିଭଳି ଭାବେ ଡିମିରିପାଟଣା ଗ୍ରାମରେ ଡ଼. ସାହୁ  ଲୋକଙ୍କ ସମସ୍ୟା ଗୁଡିକ ବିଷୟରେ ଗ୍ରାମବାସୀଙ୍କ ସହ ଆଲୋଚନା

କରିଥିଲେ । କରୋନା କୁ ହରାଇବା ପାଇଁ ସରକାରୀ କଟକଣା ଗୁଡିକୁ ଠିକ ଭାବେ ଅନୁପାଳନ କରିବା ପାଇଁ ଗ୍ରାମବାସୀ ମାନଙ୍କୁ ବୁଝାଇଥିଲେ | ଗ୍ରାମରେ ହେବାକୁ ଥିବା ଉନ୍ନୟନ ମୂଳକ କାର୍ଯ୍ୟ ସଂମ୍ପର୍କରେ ଆଲୋଚନା କରାଯିବା ସହିତ ସରକାରୀ ଯୋଜନା ଗୁଡିକ କିପରି ଉପଯୁକ୍ତ ହିତାଧିକାରୀ ମାନେ ସୁବିଧାରେ ପାଇପାରିବେ ସେ ବିଷୟରେ ଉପସ୍ଥିତ ରାଜନୈତିକ କର୍ମୀ ମାନଙ୍କୁ ନିର୍ଦେଶ ଦେଇଥିଲେ |