12-Jul-2021

ବଲାଙ୍ଗୀର (ପ୍ରେରଣା ଖବର) : ବଲାଙ୍ଗୀର ଡି ଏଫ୍ ଓ ସମୀର କୁମାର ଶତପଥୀଙ୍କ ବଦଳି ହୋଇଥିବା ବେଳେ ସେ ମଧ୍ୟ କିଛି ଫରେଷ୍ଟରଙ୍କୁ ଜିଲ୍ଲାର ବିଭିନ୍ନ ସ୍ଥାନକୁ ବଦଳି କରିଥିଲେ । ପ୍ରଥମେ ୧୪ ଜଣଙ୍କୁ ଡି ଏଫ୍ ଓ କାର୍ଯ୍ୟାଳୟ ପତ୍ର ସଂଖ୍ୟା- ୧୭୪/୧୧-୬-୨୦୨୧ ରେ ବଦଳି ଆଦେଶ ବାହାରିଥିଲା । ସେମାନେ ହେଲେ ନବ କିଶୋର ଦାସ, ପ୍ରିୟବ୍ରତ ନାଏକ, ଇନ୍ଦ୍ରମଣି ସାହୁ, ସତ୍ୟବାନ୍ ମାଝୀ, ମଧୁସୂଦନ ଗଡୁଆ, ତିର୍ଥବାସି ଦଳାଇ, ବିପିନ ସାହୁ, ରଞ୍ଜିତ ସିଂ ବାବୁ, ପିଙ୍କୁ ଭୋଇ, ଆଦିତ୍ୟ ନନ୍ଦ, ଆମ୍ବରିଶ ବୁଡେକ୍, ଭୁବନେଶ୍ୱର କୁମ୍ଭାର, ଜୟକୃଷ୍ଣ ଭୋଇ ଏବଂ ସୁଧୀର କୁମାର ଜେନା ।
   କାହା ଭୟରେ ଅଥବା ରାଜନୈତିକ ଚାପରେ ଭୟଭୀତ ହୋଇ ପତ୍ର ସଂଖ୍ୟା - ୧୭୭/୧୨-୭-୨୦୨୧ ରେ ସେ ନିଜେ କରିଥିବା ବଦଳି ଆଦେଶକୁ  ସ୍ଥଗିତ ରଖିଲେ । 
   କିଛିଦିନ ସ୍ଥଗିତ ରଖିବା ପରେ ପୁଣି ଆର ସି ସି ଏଫ୍ ଙ୍କ ଏପୃଭାଲରେ ଡି ଏଫ୍ ଓ ଙ୍କ କାର୍ଯ୍ୟାଳୟ ପତ୍ରସଂଖ୍ୟା ୨୨୦/୭-୭-୨୦୨୧ ରେ ବଦଳି କରାଯାଇଥିବା ଫରେଷ୍ଟର ମାନଙ୍କ ମଧ୍ୟରୁ କିଛି ଟାଣୁଆ , ବାହୁବଳୀ ଫରେଷ୍ଟରଙ୍କ ନାମ କାଟି ଅନ୍ୟମାନଙ୍କୁ ବଦଳି ଆଦେଶ ଦେଇଥିବା ଚର୍ଚ୍ଚା ହୁଏ । ପୂର୍ବରୁ ହୋଇଥିବା ୧୪ ଜଣଙ୍କ ବଦଳି ଆଦେଶରୁ ୬ ଜଣଙ୍କ ନାମ କାଟି ବାକି ୮ ଜଣଙ୍କୁ ବଦଳି କରାଯାଇଥିବା ଡି ଏଫ୍ ଓ ଙ୍କ ଚିଠି ରୁ ଜଣାପଡେ । ଯେଉ ୮ଜଣ ଙ୍କୁ ବଦଳି କଲେ  ସେମାନେ ହେଲେ ଇନ୍ଦ୍ରମଣି ସାହୁ , ସତ୍ୟବାନ୍ ମାଝୀ, ମଧୁସୂଦନ ଗଡୁଆ, ତିର୍ଥବାସି ଦଳାଇ, ଅମ୍ବରିଶ ବୁଡ଼େକ୍, ଭୁବନେଶ୍ୱର କୁମ୍ଭାର, ଜୟକୃଷ୍ଣ ଭୋଇ ଏବଂ ଗୁଣନିଧି ପରିଡ଼ା । ତେବେ ପାଟଣାଗଡ଼ ଫରେଷ୍ଟର ରାଞ୍ଜୀତ ସିଂ ବାବୁ ଅନେକ ଦୁର୍ନୀତି ରେ ଲିପ୍ତ ଥିଲେ ମଧ୍ୟ ତାଙ୍କୁ କେଉଁ କାରଣରୁ ବଦଳି କରାଗଲା ନାହିଁ ବୋଲି ଚର୍ଚ୍ଚା ହୁଏ । ଘୁଚେପାଳୀ ଠାରେ ରଞ୍ଜିତ ସିଂ ବାବୁଙ୍କ ଏକ ବେସରକାରୀ ନର୍ସରୀ ଥିବା ବେଳେ ବାଂଜୀ ଡୁଙ୍ଗୁରି ସଂରକ୍ଷିତ ଜଙ୍ଗଲରୁ ଶାଗୁଆନ ଗଛ କଟିଥିବା ଏବଂ ଧୁବଲପରା ଠାରେ ବାଲ୍ଟ ହିଲ ରେ ପ୍ଲାନଟେସନ଼ ହୋଇଥିବା ଚାରା ଦୁର୍ନୀତିକୁ ମଧ୍ୟ ଘଣ୍ଟ ଘୋଡାଇ ତାଙ୍କ ବଦଳି କୁ ବନ୍ଦ କରି ଦେଇଛନ୍ତି ଡି ଏଫ୍ ଓ ସମୀର କୁମାର ଶତପଥୀ । ଆମଦୋରୋ ଗ୍ରାମର ଫର୍ଣିଚର କାରଖାନା ଉପରେ ନିଜେ ଡି ଏଫ୍ ଓ ଚଢ଼ାଉ କରି ବହୁ ମୂଲ୍ୟବାନ କାଠ ସାମଗ୍ରୀ ଜବତ କରି ୟୁଡି କେସ କରିଥିଲେ । ପୂର୍ବରୁ ପାଟଣାଗଡ଼ ରେଞ୍ଜରେ ରଞ୍ଜିତ ସିଂ ବାବୁ ୫ ବର୍ଷ ଥିବା ବେଳେ କୌଣସି କାରଣ ବଶତଃ ତାଙ୍କୁ ଟିଟିଲାଗଡ଼ ବଦଳି କରାଯାଇଥିଲା । ପରେ ଡି ଏଫ୍ ଓ ଫରେଷ୍ଟର ବାବୁ ଙ୍କୁ ପୁଣି ପାଟଣାଗଡ଼କୁ ଆଣିଲେ । ଏବେ ଧଣ୍ଡାମୁଣ୍ଡା  ହୋଇଥିବା ବଦଳିକୁ ମଧ୍ୟ ଡି ଏଫ୍ ଓ ପ୍ରତ୍ୟାହାର କରିନେଇଥିଲେ । ଚର୍ଚ୍ଚା ହୁଏ ଫରେଷ୍ଟର ବାବୁ ଡି ଏଫ୍ ଓ ଙ୍କ କିଛି ଭିତିରି କଥା ଜାଣିଛନ୍ତି କି  ?  ଏଣୁ ଡି ଏଫ୍ ଓ ଭୟ କରୁଛନ୍ତି କି ? ଏଭଳି ଅନେକ ପ୍ରଶ୍ନ ସାଧାରଣରେ ଚର୍ଚ୍ଚା ହୁଏ । ଆଉ ମଧ୍ୟ ଚର୍ଚ୍ଚା ହୁଏ କୁଆଡେ ଫରେଷ୍ଟର ବାବୁ ଏକା ବଦଳି ହୋଇ ଯାଆନ୍ତି ନାହିଁ , ସାଙ୍ଗରେ ଅନ୍ୟ ଜଣେ ମଧ୍ୟ ବଦଳି ହୋଇ ଯାଆନ୍ତି । ଟିଟିଲାଗଡ଼ କୁ ମଧ୍ୟ ସେ ସଙ୍ଗରେ ବଦଳି ହୋଇଯାଇଥିଲେ ଏବଂ ପାଟଣାଗଡ଼ କୁ ମଧ୍ୟ ସାଙ୍ଗରେ ବଦଳି ହୋଇ ଆସିଲେ । ଫରେଷ୍ଟର ବାବୁ ସବୁବେଳେ ଚର୍ଚ୍ଚାରେ । ଚର୍ଚ୍ଚା ହୁଏ କୁଆଡେ ଫରେଷ୍ଟର ବାବୁ ପାଟଣାଗଡ଼ ର ଟାଣୁଆ ନେତାଙ୍କ ଖାସ ଲୋକ । ଏଣୁ ତାଙ୍କୁ ପାଟଣାଗଡ଼ରୁ ବଦଳି କରିବା ଏତେ ସହଜ ନୁହେଁ । ସେ ଯେତେ ଦୁର୍ନୀତି କଲେ ମଧ୍ୟ ଛାମୁ ଙ୍କ ଶରଣ ରେ । ଛାମୁ ଶରଣମ୍ ଗଛାମି ନୀତିରେ ସେ ଜଣେ ବାହୁବଳୀ ଫରେଷ୍ଟର । ଦେଖାଯାଉ ଆଗାମୀ ଦିନରେ ବାବୁ ଆଉ କେଉ କେଉଁ ଜଙ୍ଗଳିରାଜ୍ ଚଳାଉଛନ୍ତି ଦେଖିବାକୁ ବାକି ରହିଲା ।