09-Jul-2021

କଳାହାଣ୍ଡି (ପ୍ରେରଣା ଖବର) : ପ୍ରସିଦ୍ଧ ଆର୍ବିକ କବି ତଥା ଲେଖକ ମହମ୍ମଦ ହେଲ୍ମୀ ଅଲ ରିଶା କବି ଭବାନୀ ଶଙ୍କର ନିଆଲଙ୍କ କବିତା ଆର୍ବିକ ଭାଷାରେ ଅନୁବାଦ କରିଛନ୍ତି l କବି ନିଆଲଙ୍କ କବିତା ଆର୍ବିକ ଭାଷାରେ ଅନୁଦିତ ହେବା ପରେ ଗୃହମନ୍ତ୍ରୀ ଦିବ୍ୟ ଶଙ୍କର ମିଶ୍ର,ରାଜ୍ୟସଭା ସାଂସଦ ସୁଜିତ କୁମାର,ପୂର୍ବତନ ମନ୍ତ୍ରୀ ପୁଷ୍ପେନ୍ଦ୍ର ସିଂହ ଦେଓ, ପୂର୍ବତନ ସାଂସଦ ପ୍ରତ୍ୟୁଷା ରାଜେଶ୍ୱରୀ ସିଂହ,ସାଂସଦ ରମେଶ ଚନ୍ଦ୍ର ମାଝୀ, ସାଂସଦ ମୁନ୍ନା ଖାନ ଏବଂ ରାଜ୍ୟ ତଥା ଜିଲ୍ଲା ବାହାରୁ ଅନେକ ବୁଦ୍ଧିଜୀବୀ ତାଙ୍କୁ ଶୁଭେଚ୍ଛା ଓ ଅଭିନନ୍ଦନ ଜଣାଇଥିଲେ l ସୂଚନା ଯୋଗ୍ୟ ଯେ ପୃଥିବୀର ବିଭିନ୍ନ ଭାଷା ମଧ୍ୟରୁ ଆର୍ବିକ ଭାଷା ଅନ୍ୟତମ l ଏହି ଭାଷା ବିଶ୍ୱର ୨୫ଟି ଦେଶରେ ବ୍ୟବହାର କରାଯାଉଛି l ଯଥା-ସାଉଦି ଆରାବୀୟା,ଚାଡ,ଆଲଜେରିଆ,କମରୋସ ,ଇରିଟ୍ରିଆ,ଜିବୁଟି,ଇଜିପ୍ଟ,ପାଲେଷ୍ଟାଇନ,ଲେବାନନ୍,ଇରାକ,ଜୋର୍ଡାନ,ଲେବୋନ୍,କୁଏତ,ମରିସାନିଆ,ମୋରୋକୋ,ଓମାନ,କତାର,ସୋମାଲିଆ,ସୁଦାନ,ସିରିଆ,ତାଞ୍ଜାନିଆ,ବ୍ରାହ୍ମୀନ,ଟ୍ୟୁନିସିଆ,ସଂଯୁକ୍ତ ଆରବ ଏମିରେଟ୍ସ,ୟେମେନ,ମେନହ୍ୱାଇଲ,ତୁର୍କୀ,ନାଇଜର,ଇରାନ,ସେନେଗାଲ ଏବଂ ମାଲି l ଦୀର୍ଘ ତିନି ଦଶନ୍ଧିରୁ ଉଭୟ ହିନ୍ଦୀ ଓ ଓଡ଼ିଆ କବିତାରେ ସକ୍ରିୟ ରହିବା ସହ ଏକାଧିକ ପୁସ୍ତକର ଲେଖକ ତଥା ମହୁରି ପତ୍ରିକାର ମୁଖ୍ୟ ସମ୍ପାଦକ କବି ଭବାନୀଶଙ୍କର ନିଆଲଙ୍କ କବିତା କ୍ରମାଗତ ଭାବେ ଇଂରାଜୀ, ଇଟାଲୀ, ସର୍ବିଆ, ରୁଷ, ଚୀନ,ଫ୍ରାନ୍ସ ପରେ ପୋଲିସ ଭାଷାରେ ଅନୂଦିତ ହେବା ଏକ ଗୌରବର ବିଷୟ। ଉକ୍ତ କବିତା ଗୁଡିକୁ ଇଂରାଜୀରେ ଅଧ୍ୟାପକ ବଙ୍କିମ ମୁଣ୍ଡ ଏବଂ ଗୋବିନ୍ଦ ସାହୁ,ଇଟାଲୀରେ କବି ଇମାନୁଏଲା ରିଜୋ,ସର୍ବିଆରେ ପ୍ରଖ୍ୟାତ କବି ତଥା ଅଧ୍ୟାପିକା ସୋଭା ସୋଭକା ସୋଭିକ,ଚୀନ ଭାଷାରେ କବି ଲାଉ ଫୁ, ରୁଷ ଭାଷାରେ ପ୍ରଖ୍ୟାତ ରୁଷ ଲେଖିକା ଏଲିନା ଡାନିସିନା ଏବଂ ଫ୍ରାନ୍ସ ଭାଷାରେ ଫ୍ରାନ୍ସସିୟ କବି ତଥା ଚୀନ ଭାଷା ଓ ସଂସ୍କୃତିର ବିଦ୍ୱାନ ଏଲିଜା ବେଥ ପ୍ଲେନାଟୋ କରିଥିବା ବେଳେ ପୋଲିସ ଭାଷାରେ ପ୍ରସିଦ୍ଧ ପୋଲାଣ୍ଡ କବି ଜିଜନିଉ ମାଇରୋସ୍ଲୋୱସ୍କି ଅନୁବାଦ କରିଛନ୍ତି । କବିଙ୍କ ଏହି ସଫଳତାରେ ରାଜ୍ୟର ବିଭିନ୍ନ ମହଳରୁ ଖୁସିର ଲହରୀ ଖେଳିଯାଇଛି ।