07-Jul-2021

ବିନିକା (ହିମାଂଶୁ ଶେଖର ପୁଟେଲ) :  ବର୍ଷେ ନୁହେଁ କି ଦି ବର୍ଷ ନୁହେଁ ଦୀର୍ଘ ୬ବର୍ଷ ହେଲା ତିଳକ କୁମ୍ଭାରଙ୍କୁ ମିଳିନି ଇନ୍ଦିରା ଆବାସ ଘରର ବକେୟା ଟଙ୍କା l ଫଳରେ ତିଳକ ବାର ଦୁଆର ସୁଣ୍ଡି ପିଣ୍ଡା ହେକ ଭଳି ପଞ୍ଚାୟତ କର୍ତ୍ତୁପକ୍ଷ ଙ୍କ ଠାରୁ ଆରମ୍ଭ କରି ବ୍ଲକ ପ୍ରଶାସନ ପର୍ଯ୍ୟନ୍ତ ଗୁହାରି ପାଇଁ ଦୋୖ ଉଡୁ ଥିଲେ ମଧ୍ୟ କେହି ଶୁଣୁ ନ ଥିବାରୁ ହକ ଟଙ୍କା ପାଇବା ନେଇ ହତାଶ ହୋଇ ପଡିଥିବା ଦେଖିବାକୁ ମିଳିଛି l ଘଟଣା ଟି ହେଉଛି ବିନିକା ବ୍ଲକ ଅନ୍ତର୍ଗତ କୌଡ଼ିଆମୁଣ୍ଡ ଗ୍ରାମର l ଗତ ୨୦୧୪-୧୫ ଆର୍ଥିକ ବର୍ଷରେ ତିଳକ କୁମ୍ଭାର ବ୍ଲକ ପ୍ରଶାସନ ତରଫରୁ ଇନ୍ଦିରା ଆବାସ ଯୋଜନାରେ କାର୍ଯ୍ୟାଦେଶ ପାଇଁ ଘର ତିଆରି କରିଥିଲେ l ସେହି ସମୟରେ ଆବାସ ଘର ପାଇଁ ସର୍ବମୋଟ ୭୫ହଜାର ଅଟକଳ ଥିଲା l କାର୍ଯ୍ୟାଦେଶ ସଙ୍ଗେ ପ୍ରଥମ କିସ୍ତି ୧୫ହଜାର ଟଙ୍କା ମିଳିଥିଲା l ଘର ନିର୍ମାଣ ଆରମ୍ଭ ପରେ ତାରିଖ ୬/୬/୨୦୧୭ରେ ୨୦ହଜାର,୧୪/୬ରେ ୨୦ହଜାର,୧୭/୭ରେ ୧୦ହଜାର ବିଲ ମିଳିଥିବା ବେଳେ ଶେଷ କିସ୍ତି ୧୦ହଜାର ଟଙ୍କା ଅଦ୍ୟାବଧି ମିଳି ନ ଥିବା ତିଳକ କହିଛନ୍ତି l ସରକାର ଗରିବ ଅସହାୟ ଲୋକଙ୍କୁ ମାଗଣାରେ ଘର ନିର୍ମାଣ ପାଇଁ ଆର୍ଥିକ ସହଯୋଗ  ଦେଉଥିବା ବେଳେ କାହିଁକି ସେମାନଙ୍କ ବିଲ ଦେବାରେ ପ୍ରଶାସନ ହଇରାନ କରୁଛି ସେନେଇ ବିଭିନ୍ନ ମହଲରେ ପ୍ରଶ୍ନବାଚୀ ସୃଷ୍ଟି କରିଛି l ତିଳକ ଭଳି ଆହୁରି ଅନେକ ହିତାଧିକାରୀ ଆବାସ ଘର ନିର୍ମାଣ ଟଙ୍କା ପାଇବାରେ ନାହିଁ ନଥିବା ସମସ୍ୟାର ସମ୍ମୁଖୀନ ହେଉଥିବା ହିତାଧିକାରୀ ମହଲରୁ ଶୁଣିବାକୁ ମିଳୁଛି l ସଦ୍ୟ ଯୋଗଦେଇଥିବା ସୁବର୍ଣ୍ଣପୁର ଜିଲ୍ଲାପାଳ ଆବୋଲୀ ସୁନିଲ ନରୱେ ନେ ଉକ୍ତ ସମସ୍ୟା ପ୍ରତି ଦୃଷ୍ଟି ଦେଲେ ଆବାସ ଘର ପାଇଥିବା ବହୁ ଗରିବ ହିତାଧିକାରୀ ଉପକୃତ ହୋଇପାରିବେ ବୋଲି ହିତାଧିକାରୀ ମହଲରେ ଆଶା ପ୍ରକାଶ ପାଇଛି l