07-Jul-2021

ନୟାଗଡ଼, (ପ୍ରଦୀପ କୁମାର ପଣ୍ଡା): ପ୍ରକୃତି ର ସୌନ୍ଦର୍ଯ୍ୟ କୁ ନଷ୍ଟ କରି ଚାଲିଛନ୍ତି ପଥର ମାଫିଆ ମାନେ | ବାରମ୍ବାର ଅଭିଯୋଗ ହେଉଥିବା ବେଳେ ମଧୁ ଚନ୍ଦ୍ରିକା ରେ ମାଫିଆ, ନେତା ଏବଂ ସରକାରୀ କର୍ମଚାରୀ | ନୟାଗଡ଼ ଜିଲ୍ଲା ଖଣ୍ଡପଡା ତହସିଲ ଅଞ୍ଚଳରେ ପଥର, ବାଲି ଆଦି ବିପୁଳ ପରିମାଣରେ ଚୋରା ଚାଲାଣ ହେଉଥିବା ନେଇ ସାଧାରଣରେ ଜୋର ଧରିଛି ଚର୍ଚ୍ଚା | ଗତକାଲି ରାତିରେ ଖଣ୍ଡପଡାଥାନା  ପୋଲିସ ପେଟ୍ରୋଲିଙ୍ଗ ସମୟରେ ଶାଳଝରିଆ ନିକଟସ୍ଥ ପୋଲ ପାଖରେ ଏକ ପଥର ବୋଝେଇ ଟ୍ରାକ୍ଟର କୁ ଜବତ କରାଯାଇଛି | ସେହି ଟ୍ରାକ୍ଟର ଟି ଖଣ୍ଡପଡା ଥାନା କୁ ଅଣାଯାଇଥିଲା | ଗଣମାଧ୍ୟମ ପ୍ରତିନିଧି ସେ ବିଷୟରେ ଖଣ୍ଡପଡା ଥାନା ଅଧିକାରୀ ବିଶ୍ୱଜିତ ରାଉତରାୟ ଙ୍କୁ ପଚାରିବା ରୁ ସେ କୌଣସି ଉତ୍ତର ଦେଇନଥିଲେ | କେବଳ କହିଥିଲେ *ନା କିଛିତ ହେଇନି* | ତେଣୁ ବୁଦ୍ଧିଜୀବୀ ମହଲ ରେ ଚର୍ଚ୍ଚା ହେଉଛି ଯେ ଶାସକ ଦଳ ର ଛତ୍ରଛାୟା କିମ୍ବା ନିର୍ଦେଶ ରେ ଏହି ପଥର, ବାଲି ମାଫିଆ ମାନେ ଖଣ୍ଡପଡା ଅଞ୍ଚଳ ରେ ରାଜ କରୁଛନ୍ତି ଏବଂ ସରକାରୀ ଅଧିକାରୀ ମାନେ *ଗାନ୍ଧାରୀ* ଅଭିନୟ କରୁଛନ୍ତି |  ଜବତ ଟ୍ରାକ୍ଟର ର ସମସ୍ତ କାଗଜ ପତ୍ର ଯଦି ଠିକ ଅଛି ତେବେ ତାକୁ ଥାନା କୁ ଅଣାଗଲା କାହିଁକି ଏବଂ ଚାଳକ ଖସି ଯାଇଥିଲା ନା ତାକୁ ଖସେଇ ଦିଆ ଯାଇଥିଲା ସେ ନେଇ ପ୍ରଶ୍ନବାଚୀ ସୃଷ୍ଟି ହେଇଛି ସାଧାରଣ ରେ |