07-Jul-2021

ପାଟଣାଗଡରେ(ପ୍ରେରଣା ଖବର) : ପାଟଣାଗଡ଼  ବନାଞ୍ଚଳ ବେଲପଡା ସେକ୍ସନ୍‌ ଦ୍ୱାରା ଆୟୋଜିତ ବନମହୋତ୍ସବରେ ଜିଲ୍ଲା ଆଦିବାସୀ କଲ୍ୟାଣ ସଂଘ ଓ ବେଲପଡା ଆଦିବାସୀ କର୍ମଚାରୀ ସଂଘ ର ବିପୁଳ କର୍ମକର୍ତ୍ତା ମାନେ ସକ୍ରିୟ  ଅଂଶଗ୍ରହଣ କରିଥିବା ଜଣାଯାଇଛି । ଉକ୍ତ କାର୍ଯ୍ୟକ୍ରମ ବୁଠି କୁରାଢି ସଂରକ୍ଷିତ ବାଞ୍ଜିଡୁଙ୍ଗୁରି ସେଣ୍ଟ୍ରାଲ ନର୍ସରୀ ଠାରେ ଅନୁଷ୍ଠିତ ହୋଇଥିଲା । ଏହି ବନ ମହୋତ୍ସବରେ ବେଲପଡା ତହସିଲଦାର ଶ୍ରୀମତୀ ପ୍ରଶାନ୍ତି ପ୍ରଧାନ ମୁଖ୍ୟ ଅତିଥି ଭାବେ ଯୋଗ ଦେଇଥିବାବେଳେ ସମ୍ମାନୀତ ଅତିଥି ଭାବେ ବେଲପଡା ବିଡିଓ ଭିକ୍ଟର ସୋରେନ, ଶିକ୍ଷା ଅଧିକାରୀ ବୈକୁଣ୍ଠ ଶବର, ଥାନା ଅଧିକାରୀ ବୁଲୁ ମୁଣ୍ଡା, ଓଡିଶା ଆଦିବାସୀ କଲ୍ୟାଣ ସଂଘର ମହାସଚିବ ନିରଞ୍ଜନ ବିଶି,ଏ ବି ଓ ଜଗବନ୍ଧୁ ମାଝୀ, କପାଣୀ ସରପଞ୍ଚ ହେମାଙ୍ଗିନି ଧରୁଆ ପ୍ରମୁଖ ଯୋଗଦେଇ ବୃକ୍ଷରୋପଣ କରିଥିଲେ । ଜଙ୍ଗଲବିଭାଗ ର  ପାଟଣାଗଡ ବନାଧିକାରୀ ରାଜକିଶୋର ଭୋଇ, ଫରେଷ୍ଟର ରଞ୍ଜିତ ସିଂ ବାବୁ ବନମହୋତ୍ସବକୁ ପରିଚାଳନା କରିଥିଲେ । ପ୍ରାକୃତିକ ଜଙ୍ଗଲ ସୁରକ୍ଷା ନୂତନ ଜଙ୍ଗଲ ,ପଥ ପାର୍ସୀକ ବନୀକରଣ ଜଙ୍ଗଲ ପୋଡି ନିରାକରଣ, ପରିବେଶ ସୁରକ୍ଷାପାଇଁ ଜଙ୍ଗଲ ସୁରକ୍ଷା ଅପରିହାର୍ଯ୍ୟ ଏବଂ ବୃକ୍ଷ ରୋପଣ ଏକମାତ୍ର ବିକଳ୍ପ ବୋଲି ମୁଖ୍ୟଅତିଥି ମାନେ ମତ ପ୍ରକାଶ କରିଥିଲେ । ଏହି ବନମହୋତ୍ସବରେ ଡମ୍ବରୁ ଧରୁଆ, ଗନ୍ଧର୍ବ ମାଝୀ,ଭୁପାଳ ସିଂ ବିଶ୍ୱାଳ,ଗୋପାଳ ନାଗ, ଧନୁଯ ମାଝୀ, ସୁରେଶ ମାଝୀ, ଦୁର୍ବାସା ମଲ୍ଲିକ, ଲିଲୁଧର ଭୋଇ, ଧବଳେଶ୍ୱର ରାଉତ, ରାଜେନ୍ଦ୍ର ଧରୁଆ, ଘନ ଭୋଇ ପ୍ରମୁଖ ଉପସ୍ଥିତ ଥିଲେ ।