06-Jul-2021

ଟିଟିଲାଗଡ,(ପ୍ରେରଣା ଖବର): ଟିଟିଲାଗଡ଼ ଥାନା ଅନ୍ତର୍ଗତ  ଟିକ୍ରାପଡା ଗାଁରେ ଜଣେ ଦଶମ ଶ୍ରେଣୀର ଛାତ୍ରୀ ମ୍ୟାଟ୍ରିକ ପରୀକ୍ଷାରେ କମ ମାର୍କ ପାଇଥିବା ଯୋଗୁଁ ର aଯୋଗୁଁ ଆତ୍ମହତ୍ୟା କରିଥିବା ଅଭିଯୋଗ ହୋଇଛି । ଟିଟିଲାଗଡ ଥାନା ଅନ୍ତର୍ଗତ ଟିକ୍ରାପଡା ଗ୍ରାମର ଜଗଦିଶ ବିଭାରଙ୍କ ଝିଅ ଦୁଶୀଲା ବିଭାର ଚଳିତ ଦଶମ ଶ୍ରେଣୀରେ କମମାର୍କ ପାଇଥିବାରୁ ମାନସିକ ଭାରସାମ୍ୟ ହରାଇ ଆତ୍ମହତ୍ୟା କରିଥିବା ପରିବାର ଲୋକେ ପ୍ରକାଶ କରିଛନ୍ତି ।  ସେ ବେକରେ ଦଉଡି ଦେଇ ଆତ୍ମହତ୍ୟା କରିଥିବା ଦେଖିବାକୁ ପାଇ ଘର ଲୋକ ଟିଟିଲାଗଡ଼ ପୋଲିସକୁ ସୂଚନା ଦେଇଥିଲେ । ପୋଲିସ ଘଟଣା ସ୍ଥଳରେ ପହଞ୍ଚି ବେକରେ ଝୁଲୁଥିବା ଦୌଡ଼ି କୁ କାଟି ଦୁଶୀଲାଙ୍କ ମୃତଦେହ ଉଦ୍ଧାର କରି ଟିଟିଲାଗଡ଼ ମୁଖ୍ୟ ଡାକ୍ତରଖାନାକୁ ସ୍ଥାନାନ୍ତରିତ କରିଥିଲେ ।   ଡାକ୍ତର ଦୁଶୀଲାକୁ ମୃତ ଘୋଷଣା କରିବା ପରେ ପୋଲିସ ଶବ ବ୍ୟବଛେଦ ପାଇଁ ପଠେଇ ଅଧିକ ତଦନ୍ତ ଜାରି ରଖିଥିବା ସୂଚନା ମିଳିଛି  ।   ମହାମାରୀ କୋଭିଡ ୧୯ ର  ଭୟବହତାକୁ ଦୃଷ୍ଟି ରେ ରଖି  ବିନା ବୋର୍ଡ ପରୀକ୍ଷାରେ ପୂର୍ବ ପ୍ରିଟେଷ୍ଟ, ଟେଷ୍ଟ ପରୀକ୍ଷା ଅନୁଯାୟୀ ମାର୍କ ନିର୍ଧାରଣ କରିବା ଯୋଗୁଁ ଦୁଶୀଲା ମାତ୍ର ୨୫୮ ମାର୍କ ପାଇଥିବାରୁ ମାନସିକ ଭାରସାମ୍ୟ ହରାଇଥିବା ପରିବାର ଲୋକେ ପ୍ରକାଶ କରିଛନ୍ତି ।