06-Jul-2021

ବିନିକା (ହିମାଂଶୁ ଶେଖର ପୁଟେଲ) : ୭୨ତମ ବନ ମହୋତ୍ସବ ସପ୍ତାହ ପାଳନ ଅବସରରେ ବିନିକା ସ୍ଥିତ ସିଦ୍ଧାର୍ଥ ଉଚ୍ଚ ମାଧ୍ୟମିକ ବିଦ୍ୟାଳୟ ଓ ଯୁବ ରେଡକ୍ରସ ବିଭାଗର ମିଳିତ ଆନୁକୁଲ୍ୟରେ ବୃକ୍ଷ ହିଁ ଜୀବନକୁ ପାଥେୟ କରି ଆଜି ବୃକ୍ଷ ରୋପଣ କାର୍ଯ୍ୟକ୍ରମ ଅନୁଷ୍ଠିତ ହୋଇଥିଲା l ପରିବେଶକୁ ସୁନ୍ଦର ଓ କୋଭିଡ ଭଳି ମହାମାରୀ ସମୟରେ ଅମ୍ଳଜାନର ମହତ୍ତ୍ୱ ଏବଂ ବୃକ୍ଷ ରୋପଣ ଦ୍ବାରା ଏହାକୁ କିପରି ପ୍ରତିହତ କରାଯିବ ସେନେଇ ବିଦ୍ୟାଳୟର ଅଧ୍ୟକ୍ଷା ରେଖା ପ୍ରଧାନ ଉପସ୍ଥିତ ପରିବେଶ ପ୍ରେମୀ ଓ କର୍ମଚାରୀଙ୍କୁ ସୂଚନା ଦେଇଥିଲେ l ପ୍ରାରମ୍ଭରେ ପୂର୍ବତନ ଅଧ୍ୟକ୍ଷ ସ୍ବର୍ଗତ ରଘୁନାଥ ବିଶୀଙ୍କୁ ମନେ ପକାଇବା ପାଇଁ ତାଙ୍କ ସ୍ମୁତି ଉଦ୍ଦେଶ୍ୟରେ ଯୁବ ରେଡକ୍ରସ ବିଭାଗ ପକ୍ଷରୁ ଏକ ନିମ୍ବ ଗଛକୁ ଅଧ୍ୟକ୍ଷା ରେଖା ପ୍ରଧାନ ରୋପଣ କରିଥିବା ବେଳେ, ପରିଚାଳନା କମିଟିର ପୂର୍ବତନ ସଭାପତି ସ୍ବର୍ଗତ ଦେବୀପ୍ରସାଦ ହୋତା ଙ୍କ ପାଇଁ ଜାତୀୟ ସେବା ଯୋଜନା ତରଫରୁ ଏକ ବୃକ୍ଷ ରୋପଣ କରାଯାଇଥିଲା। ପରେ  କଲେଜର ସମସ୍ତ ଷ୍ଟାଫ କଲେଜ ପରିସରର ବିଭିନ୍ନ ସ୍ଥାନରେ ଲିମ୍ବ,ଆମ୍ବ, ସଜନା,ଜାମୁକୋଳି,କୃଷ୍ଣଚୂଡ଼ା,ଦେବଦାରୁ,ପଣସ,ପିଜୁଳି,ଲେମ୍ବୁ,ଅଁଳା,କରଞ୍ଜ ଆଦି ଗଛ ଗୁଡ଼ିକ ରୋପଣ କରିଥିଲେ l ଅନୁଷ୍ଟିତ ବୃକ୍ଷ ରୋପଣ କାର୍ଯ୍ୟକ୍ରମରେ ଯୁବ ରେଡକ୍ରସ କାଉନସିଲର ବିଜୟ ସାହୁ, ପ୍ରୋଗ୍ରାମ ଅଫିସର ରୋହିତ ଧରୁଆ, ଅଧ୍ୟାପକ ସପ୍ତସାଗର ପ୍ରଧାନ,ଧନେଶ୍ଵର ସାହୁ,ପିତରଞ୍ଜନ ସାହୁ,ନୀଳମାଧବ ଛତ୍ର, ଝସକେତେନ ମେହେର,ମଧୁସ୍ମିତା ମେହେର,ମନିଷା ଷଡ଼ଙ୍ଗୀ,ନାରାୟଣ ଚୌଧୁରୀ,ଗରିବ ସାଲାମା,ସୁବାସ ତରିଆ,ଗରିବ ଥନlପତି,ବଳରାମ ପଟେଲ,ସନତ ଦାସ,ଆଶୀର୍ବାଦ ହୋତା,ବିଜୟ ପଣ୍ଡା ପ୍ରମୁଖ ଉପସ୍ଥିତ ରହି ଗୋଟିଏ ଲେଖାଏଁ ଗଛ ରୋପଣ କରିଥିଲେ l