06-Jul-2021

ବଲାଙ୍ଗୀର,(ସନ୍ତୋଷ କୁମାର ଠାକୁର) : ବଲାଙ୍ଗୀର ଜିଲ୍ଲାରେ ଧାନକିଣା,ବିଭିନ୍ନ ଯୋଜନାର ଚାଉଳ ବଣ୍ଟନରେ ବ୍ୟାପକ ଦୁର୍ନିତୀ ହେଉଛି । ଏହାର ମୁଖ୍ୟକାର୍ପଟଦାର ହେଉଛନ୍ତି ଜିଲ୍ଲା ଯୋଗାଣ ବିଭାଗରେ ପୁର୍ବରୁ ଅସ୍ଥାୟୀ ଡ୍ରାଇଭର ଭାବରେ କାମକରୁଥିବା ଟିକେଲାଲ ସାହୁ ଓ ତାର ଭାଇ କବି ସାହୁ । ଜିଲ୍ଲାରେ ସେମାନେ ଚାଉଳ ଯୋଗାଣର ଟାନ୍ସପୋର୍ଟିଂ ଦାୟିତ୍ବ ନେଇ କୋଟିକୋଟି ଟଙ୍କାର ଦୁର୍ନିତୀ କରି ୧୦୦କୋଟି ଟଙ୍କାର ମାଲିକ ପାଲଟିଯାଇଛନ୍ତି । ଟିକେଲାଲ ସାହୁ ଚାଉଳ ରିସାଇକ୍ଲିଂ କରି ଏକ ରାଇସମିଲ ମାଲିକ ହୋଇଯାଇଛି । ଜିଲ୍ଲାରେ ଚାଉଳ ଯୋଗାଣରେ ମାଫିଆରାଜ ଚାଲିଛି ଓ ଏହି ଦୁର୍ନିତୀକୁ ରୋକିବାକୁ ଟିକେଲାଲ ସାହୁ ଓ କବି ସାହୁକୁ ଗିରଫ କରିବାକୁ ଦାବିକରି ଆଜି କଣ୍ଟାବାଞି ନିର୍ବାଚନମଣ୍ଡଳିର କଂଗ୍ରେସ ପକ୍ଷରୁ ଜିଲ୍ଲାପାଳ କାର୍ଯ୍ୟାଳୟ ଘେରାଉକରି ମୁଖ୍ୟମନ୍ତ୍ରୀଙ୍କ ଉଦ୍ଦେଶ୍ୟରେ ଜିଲ୍ଲାପାଳଙ୍କୁ ଏକ ଦାବିପତ୍ର ପ୍ରଦାନ କରାଯାଇଥିଲା । ଜିଲ୍ଲାକଂଗ୍ରେସକମିଟିର ସଭାପତି ଦିଲିପ ବେହେରାଙ୍କ ନେତୃତ୍ବରେ ଅନୁଷ୍ଠିତ ଏହି ଘେରାଉରେ କଣ୍ଟାବାଞି ବିଧାୟକ ସନ୍ତୋସିଂ ସାକୁଜା ଯୋଗଦେଇ ଜିଲ୍ଲାରେ ମାଫିଆରାଜ ବନ୍ଦ କରିବାକୁ ଆହ୍ବାନ ଦେଇଥିଲେ । ଟିକେଲାଲର ମାଫିଆରାଜକୁ ବନ୍ଦ କରିବାକୁ ସରକାର କ୍ରାଇମବ୍ରାନ୍ଵ ତଦନ୍ତ କରାଇବାକୁ ବିଧାୟକ ଶ୍ରୀ ସାଲୁଜା ଦାବି କରିଛନ୍ତି । କବି ସାହୁ ନାମରେ ଯୋଗାଣ ବିଭାଗ,ଶିକ୍ଷା ବିଭାଗର ଏମଡିଏମ,ଆଇସିଡିଏସ ବିଭାଗର ଚାଉଳ ଟ୍ରାନ୍ସପୋର୍ଟିଂ ଦାୟିତ୍ବ ରହିଛି । ଗତ କିଛିଦିନ ତଳେ ମୁରିବାହାଲ ବ୍ଲଜରେ କବି ସାହୁର କଳାକାରନାମା ଧରାପଡିଥିଲା । ଏଫସିଆଇରୁ ଚାଉଳ ନଉଠାଇ ବମଳେଶ୍ବରୀ ରାଇସମିଲରୁ ନିମ୍ନମାନର ଚାଉଲ ନେଈ ଅଙ୍ଗନଓ୍ବାଡି ସେଣ୍ଟର ରେ ଦେଇଥିଲା । କିନ୍ତୁ ପ୍ରଶାସନ ସେ ଉପରେ କୌଣସି

ପଦକ୍ଷେପ ନେଲେନି । ତେଣୁ ପ୍ରଶାସନର ସହଯୋଗରେ ହିଁ କଳାବଜାରୀ ହେଉଥିବା କଂଗ୍ରେସ ଅଭିଯୋଗ କରିଛି । ଏହି ଘେରାଉ କାର୍ଯ୍ଯକ୍ରମରେ ଅନ୍ୟମାନଙ୍କ ମଧ୍ୟରେ ମୁରିବାହାଲ ବ୍ଲକ ଅଧ୍ୟକ୍ଷା ଅନୁ ଭୋଇ, ବଙ୍ଗୋମୁଣ୍ଡା ବ୍ଲକ ଅଧ୍ୟକ୍ଷ ଭୋଲା ବେହେରା, ଜିଲ୍ଲାକଂଗ୍ରେସର ଉପସଭାପତି ସନ୍ତକ ବହିଦାର, ମୁରିବାହାଲ ବ୍ଲକ କଂଗ୍ରେସ ସଭାପତି ପ୍ରଫୁଲ୍ଲ ବଘାର,ଟିଟିଲାଗଡର ତ୍ରୀନାଥ ରାଓ,ଅଙ୍କୁର ଅଗ୍ରଓ୍ବାଲ ପ୍ରମୁଖଙ୍କ ସହିତ ବହୁସଂଖ୍ୟାରେ କଂଗ୍ରେସକର୍ମି ଯୋଗଦେଇଥିଲେ ।