06-Jul-2021

ବିନିକା (ହିମାଂଶୁ ଶେଖର ପୁଟେଲ) : ସୁବର୍ଣ୍ଣପୁର ଜିଲ୍ଲା ବିନିକା ବ୍ଲକରେ ଧାନବିକ୍ରି ଅବ୍ୟବସ୍ଥା,ଲେପ୍ସ ହୋଇଥିବା ଟୋକେନ ପୁନଃ ଜୀବିତ କରିବା,ଭାଗ ଚାଷୀଙ୍କ ଟୋକେନ ତୁରନ୍ତ ଦିଆଯିବା ଆଦି ସମସ୍ୟା ନେଇ ଚାଷୀ ଓ କଂଗ୍ରେସ କର୍ମୀଙ୍କ ତରଫରୁ ଧାରଣା,ବିକ୍ଷୋଭ ପ୍ରଦର୍ଶନ,ବିନିକା ବନ୍ଦ ପାଳନ,ରାସ୍ତାରୋକ ଆନ୍ଦୋଳନ କରିବା ସହ ତହସିଲ କାର୍ଯ୍ୟାଳୟ ସମ୍ମୁଖରେ ଜାରି ରହିଥିବା  ବିନିକା କଂଗ୍ରେସ ପକ୍ଷରୁ ଧାରଣା ଆଜି ୧୪ ଦିନରେ ପହଞ୍ଚିଥିବା ବେଳେ ଗତକାଲି ଜିଲ୍ଲା ପ୍ରଶାସନ ପକ୍ଷରୁ ସୋନପୁର ଉପ ଜିଲ୍ଲାପାଳ ନିହାର ରଞ୍ଜନ କଂହର ଆସି ଧାରଣାରତ ଚାଷୀ ଓ କଂଗ୍ରେସ କର୍ମୀଙ୍କ ସହ ପ୍ରାୟ ୨ଘଣ୍ଟା ଧରି  ଆଲୋଚନା କରିଥିଲେ। ତେବେ କୌଣସି ସମାଧାନ ବାହାରି ନ ଥିଲ। ଫଳରେ ଉତକ୍ତ

ଚାଷୀ ଓ କଂଗ୍ରେସ କର୍ମୀମାନେ ସବ ରେଜିଷ୍ଟର ଅଫିସକୁ ମଧ୍ୟ ତାଲା ପକାଇ ଦେଇଛନ୍ତି l ତେବେ ଧାନ ବିକ୍ରି ସମସ୍ୟା ସମାଧାନ ନ ହେବା ପର୍ଯ୍ୟନ୍ତ ତହସିଲ ଓ ରେଜିଷ୍ଟ୍ରି ଅଫିସ ସମ୍ପୂର୍ଣ ଅଚଳ ରହିବ ଏବଂ ଦାବି ପୂରଣ ହେବା ଯାଏ ଧାରଣା ବଳବତ୍ତର ରହିବ ବୋଲି ପ୍ରଶାସନକୁ ଚେତାବନୀ ଦେଇଛନ୍ତି ଆନ୍ଦୋଳନକାରୀ l