01-Jul-2021

କଣ୍ଟାବାଞ୍ଜି,-ଆନନ୍ଦ କୁମାର ମୋଟେ) : ବଲାଙ୍ଗିର ଜିଲ୍ଲା କଣ୍ଟାବାଞ୍ଜି ପ୍ରେସ କ୍ଲବ ପକ୍ଷରୁ ଚଳିତ ମାସ ୭ ତାରିଖ ପ୍ରଥମ ବାର୍ଷିକ ଉତ୍ସବ ପ୍ରେସ କ୍ଲବ କାର୍ଯ୍ୟାଳୟରେ ଅନୁଷ୍ଠିତ ହେବ । ଏନେଇ ଏକ ପ୍ରସ୍ତୁତି ବୈଠକ ଅନୁଷ୍ଠିତ ହୋଇଯାଇଛି । ପ୍ରେସ କ୍ଲବ କାର୍ଯ୍ୟାଳୟ ଉଦଘାଟନ ଅବସରରେ ଯେମିତି ରକ୍ତଦାନ ଶିବିରର ଆୟୋଜନ ହୋଇଥିଲା । ଠିକ ସେହିପରି ଏକ ରକ୍ତଦାନ ଶିବିର ଆୟୋଜନ କରିବାର ସ୍ଥିର ହୋଇଯାଇଛି । ୨୦୨୦ ବର୍ଷ ରକ୍ତଦାନ ଶିବିରରେ ୧୨୮ ୟୁନିଟ ରକ୍ତ ସଂଗ୍ରହ ହୋଇଥିବା ବେଳେ ଚଳିତ ବର୍ଷ ରକ୍ତଦାନ ଶିବିରରେ ଅଧିକରୁ ଅଧିକ ଲୋକ ରକ୍ତଦାନ ଶିବିରରେ ସାମିଲ ହୋଇ ରକ୍ତଦାନ ଦାନ କରିବାକୁ ଆହ୍ୱାନ କରାଯାଇଛି । କଣ୍ଟାବାଞ୍ଜି ପ୍ରେସ କ୍ଲବ ଗଠନ କେବଳ ସାମ୍ବାଦିକ ମାନଙ୍କୁ ସୁରକ୍ଷା ପାଇଁ ତାହା ନୁହେଁ ଜନସେବା  କାର୍ଯ୍ୟ କରିବାକୁ ମଧ୍ୟ ଗଠନ କରାଯାଇଥିବା ପ୍ରେସ କ୍ଲବ ସଭାପତି ପ୍ରଭଜିତ ସିଂ ସାଲୁଜା କହିଛନ୍ତି । ପ୍ରେସ କ୍ଲବ ପକ୍ଷରୁ ଅନେକ ସମୟରେ ଜନସେବା କାର୍ଯ୍ୟ କରାଯାଇଥିବା ଦେଖାଯାଇଛି । ନିଶୁଲ୍ପ ଚକ୍ଷୁ ଚିକିତ୍ସା ଶିବିର , ବୃକ୍ଷ ରୋପଣ କାର୍ଯ୍ୟକ୍ରମ, ମାକ୍ସ ବଣ୍ଟନ, କୋଭିଡ ଟିକାକରଣ , କୋଭିଡ ସମୟରେ ମାଗଣା ଅକ୍ସିଜେନ ସେବା, ଅସହାୟ ଗରିବ ଲୋକଙ୍କୁ କରୋନା ସମୟରେ ରନ୍ଧ୍ୟା ଖାଦ୍ୟ ବଣ୍ଟନ ଭଲି ଅନେକ ସାମାଜିକ କାର୍ଯ୍ୟ କରିଥିବା ଦେଖାଯାଏ । ତେବେ ପ୍ରଥମ ବାର୍ଷିକ ଉତ୍ସବରେ ମୁଖ୍ୟ ଅତିଥି ଭାବେ ବଲାଙ୍ଗିର ସାଂସଦ କୁମାରି ସଂଗିତା ସିଂ ଦେଓ, ସମ୍ମାନିୟ ଅତିଥି ଭାବେ କଣ୍ଟାବାଞ୍ଜି ବିଧାୟକ ସନ୍ତୋଷ ସିଂ ସାଲୁଜା, ପୁର୍ବତନ ବିଧାୟକ ହାଜି ମହମ୍ମଦ ଆୟୁବ ଖାଁ, ବିଶିଷ୍ଟ ଅତିଥି ଭାବେ ଓଟିଭି ପଶ୍ଚିମ ଓଡିଶା ବ୍ୟୁରୋ ହେଡ ମନରଞ୍ଜନ ଯୋଷି, ଜିଲ୍ଲା ସାମ୍ବାଦିକ ସଂଘ ସଭାପତି ହରି ନାରାୟଣ ପୁଜାରି, ଜିଲ୍ଲା ସୁଚନା ଓ ଲୋକ ସମ୍ପର୍କ ଅଧିକାରି ଜୟଦେବ ପାଣିଗ୍ରାହୀ ପ୍ରମୂଖ ଉପସ୍ଥିତ ରହିବେ ବୋଲି ସ୍ୱୀକୃତି ପ୍ରଦାନ କରିଛନ୍ତି । ଆଜିର ଏହି ପ୍ରସ୍ତୁତି ବୈଠକରେ ପ୍ରେସ  କ୍ଲବ କାର୍ଯ୍ୟକାରି ସଭାପତି ସୁରଦାସ ବାଗ, ସଂପାଦକ ପୁଷ୍ପକେତୁ ବେହେରା, ଉପସଭାପତି ରଶ୍ମି ରଂଜନ ପୁଟେଲ, ମନୋଜ ଶର୍ମା, ସହସଂପାଦକ ଦିପକ କୁମାର ଦାସ ୟାଦବ, ଅନିଲ ତ୍ରିପାଠି, କୋଷାଧ୍ୟକ୍ଷ କମଳଜିତ ସିଂ ମଖୀଜା, ପରାମର୍ଶଦାତା ଆଶିଷ ଖଇତାନ, ଦୁର୍ଗାପ୍ରସାଦ ଗୁପ୍ତା, ଅଶୋକ କୁମାର ଖମାରି, କାର୍ଯ୍ୟକାରି ସଦସ୍ୟ ଆନନ୍ଦ ମୋଟେ, ସୁଶାନ୍ତ ବେହେରା, ରୋହନ ମହତ, ବିସିକେଶନ ମାଝି, ସୁବ୍ରତ ମହାକୁଡ, ଦିପକ ପାଣିଗ୍ରାହୀ, ଜଗମୋହନ ତାଣ୍ଡି, ବିକାଶ ଅଗ୍ରୱାଲ , ଆଇନ ପରାମର୍ଶଦାତା ବିବେକ ଶର୍ମା ପ୍ରମୁଖ ଉପସ୍ଥିତ ଥିଲେ ।