26-Jun-2021

ଗଞ୍ଜାମ କୋଦଳା(ଉମା ମହାରଣା) : କୋଭିଡ ଟୀକାକରଣ କେନ୍ଦ୍ରରେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ବା ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ କାହାର ପୋଷ୍ଟର ଲାଗିବ ସେ ନେଇ ରାଜ୍ୟ ରାଜନୀତି ଚଳଚଞ୍ଚଳ ହୋଇଛି। ଗତ କିଛି ଦିନ ଧରି ରାଜ୍ୟର ବିଭିନ୍ନ ଜିଲ୍ଲାର ଟିକାକରଣ କେନ୍ଦ୍ରରେ ପୋଷ୍ଟର ଚିରା ଖବର ଆସୁଥିବା ବେଳେ ଶୁକ୍ରବାର ଗଞ୍ଜାମ ଜିଲ୍ଲା କୋଦଳା କଲ୍ୟାଣ

ମଣ୍ଡପ ଠାରେ ଟୀକା ପ୍ରଦାନ କରାଯାଉଥିବା ବେଳେ ସେଠାରେ ବିଜେପି କର୍ମୀମାନେ ଧସେଇ ପଶି ନବୀନ ପଟ୍ଟନାୟକ ପୋଷ୍ଟର ଓ ଚିରକୁଟ କୁ ଦେଖି ଖୋଭ ପ୍ରକାଶ କରିଥିଲେ। ଏଥିସହ ଗୋକୁଳାନନ୍ଦ ମଲ୍ଲିକ କହିଛନ୍ତି ସେ ଏହିଠାରେ ବ୍ୟାପକ ଅବ୍ୟବସ୍ଥା ରହିଛି। ଯଦି ଏହା ବିଜେଡ଼ି ଦଳୀୟ କାର୍ଯ୍ୟକ୍ରମ ହୋଇଥାନ୍ତା ତାହାହେଲେ ଅତି ସୁରୁଖୁରୁରେ ଚଲାଇଥାଆନ୍ତେ।ଏହା ଏକ ପ୍ରଚାର ସର୍ବସ୍ବ ଓ ହୀନ ରାଜନୀତି ବୋଲି ସେ କହିଛନ୍ତି। କେନ୍ଦ୍ରରୁ ଟୀକା ଆସୁଥିଲେ ମଧ୍ୟ ବିଜେଡି 

ନିଜର ପ୍ରଚାରରେ ବ୍ୟସ୍ତ! ଏଥିରେ କୋଦଳା ନଗର ସଭାପତି ମଧୁସୂଦନ ଜେନାଙ୍କ ଅଧ୍ୟକ୍ଷତାରେ ଆଜି ଘୁମୁସର ଜିଲ୍ଲା ସଭାପତି ଗୋକୁଳାନନ୍ଦ ମଲ୍ଲିକ, ବିଧାୟକ ପାର୍ଥି ରଞ୍ଜନ ପୋଲାଈ, ଜିଲ୍ଲା ସମ୍ପାଦକ ସଞ୍ଜୟ ଘୋଷ, ବରିଷ୍ଠ ନେତା ରମାକାନ୍ତ ଦୋରା, ନଗର ଉପସଭାପତି ସନ୍ତୋଷ ମିଶ୍ର, ମନୋରଥ ଜେନା,ବିଭୁତି ଭୂଷଣ ରଥ,ସୋମନାଥ ବେହେରା ସମେତ ମନୋଜ ପଲେଇ ମୀନକେତନ ପାଣିଗ୍ରାହୀ ଆଦି ବହୁ ସଂଖ୍ୟକ ଯୋଗଦେଇଥିଲେ।