25-Jun-2021

ହିଞ୍ଜିଳିକାଟୁ,(ପ୍ରେରଣା ଖବର): ଗାଁ ଗହଳିରେ ଜମୁଛି ଜୁଆଖେଳ । ଜୁଆଡିଙ୍କୁ ସାବାଡ କରିବା ଲାଗି ପୋଲିସ ତରଫରୁ ପେଟ୍ରୋଲିଂ ବ୍ୟବସ୍ଥାକୁ କରାଯାଇଛି କଡାକଡି । ତଥାପି କମ୍ ସମୟରେ ଅଧିକ  ଟଙ୍କା ପାଇବା ଆଶାରେ ଲୁଚାଛପା ଚାଲୁଛି ବହୁ ଅଂଚଳରେ ଜୁଆଖେଳ । ପୂର୍ବରୁ ବିଭିନ୍ନ ଗ୍ରାମରେ ଅଚାନକ ଚଢାଉ କରି ପୋଲିସ ଜୁଆଡି ମାନଙ୍କୁ ବାନ୍ଧି ସାବାଡ କରିଥିବା ବେଳେ ପୁଣି ଗୁରୁବାର ସଂନ୍ଧ୍ୟାରେ ହିଞ୍ଜିଳି ଥାନା ପୋଲିସକୁ ମିଳିଛି ଏକ ସଫଳତା । ସୂଚନା ପ୍ରକାରେ ହିଞ୍ଜିଳି ଥାନା ବରପଲ୍ଲୀ  ନିକଟସ୍ଥ ଆମ୍ଭ ତୋଟାରେ ଏକ ଜୁଆଖେଳ ଚାଲୁଥିବା କୈାଣସି ଏକ ବିଶ୍ୱସ୍ଥ ସୁତ୍ରରୁ ଖବର ପାଇ  ଅଚାନକ ଚଢାଉ କରିଥିଲା ପୋଲିସ ଟିମ୍ । ଘଟଣା ସ୍ଥଳରୁ ୧୩ ଜୁଆଡିକୁ ବାନ୍ଧିବା ସହ ନଗଦ ୯୧ ହଜାର  ଟଙ୍କା ସମେତ ପୋଲିସ ୧୦ ବାଇକ ଜବତ କରିଛି । ଗିରଫ ଜୁଆଡି ମାନେ ହେଲେ ବ୍ରହ୍ମପୁର ସଦର ଥାନା ଛାଡାଙ୍କୁଲିର ଶୁକଦେବ ସାହୁ , ନିମଖଣ୍ଡିର ରଂଜନ କୁମାର ସାହୁ ,ହୁଗୁଳାପଟାର ନବୀନ ସ୍ୱାଇଁ ,ସନ୍ତୋଷ ସ୍ୱାଇଁ ,ନିମଖଣ୍ଡିର ଚନ୍ଦନ କୁମାର  ସାହୁ,ଭାବିନିପୁରର ସାନ୍ତୁନ୍ ମହାପାତ୍ର,ବ୍ରହ୍ମପୁର ଗେଟ୍ ବଜାର ଅଂଚଳର ବି ଅନିଲ କୁମାର  ରାଓ ,ବୈଦନାଥପୁର ଥାନା ଗୋଇଲୁଣ୍ଡି ଶ୍ରୀନଗର ସାହିର ବି ରାବଣ ରେଡ୍ଡି, ଲାଞ୍ଜିପଲ୍ଲୀ ରାମନଗର  ଅଂଚଳର ରବିଶଙ୍କର ନନ୍ଦ ,ପୁରୁଷୋତ୍ତମପୁର ଥାନା ଭାବନ୍ଧ ଗ୍ରାମର ଅଜୟ କୁମାର ତ୍ରୀପାଠୀ, କନକ ସାହିର ସ୍ୱରାଜ ପ୍ରଧାନ ,ଓ ଭାଟକୁମୁରଡା ଗ୍ରାମର ଜଗନ୍ନାଥ ସାହୁ । ଏନେଇ ହିଞ୍ଜିଳି ପୋଲିସ ୩୩୫/୨୧ ରେ ଏକ ମାମଲା ରୁଜୁ କରି ତଦନ୍ତ ଚଳାଇଛି । ଏଥିସହିତ ଚଢାଉରେ ଥାନା ଅଧିକାରୀଙ୍କ ନେତୃତ୍ୱରେ ଥାନା ଏସଆଇ ବାସୁଦେବ ଭୋଇ,ହାବିଲଦାର ପ୍ରମୋଦ କୁମାର ଗନ୍ତାୟତ , କନେଷ୍ଟବଳ ବସନ୍ତ  ଉପାଧାୟ,ସରୋଜ କୁମାର ରଣସିଂହ ,ଅନନ୍ତ ରଣସିଂହ,ପିଏସ ଦଳେଇ ଓ ଓପିଏଫ୍ ଫୋର୍ସ ଚଢାଉରେ ଅଂଶ ଗ୍ରହଣ କରିଥିଲେ । ଜୁଆଖେଳ ସଂମ୍ପର୍ଣ୍ଣ ମୁକ୍ତ କରିବା ଲାଗି ଜୋରଦାର ଚଢାଉ ଜାରି ରହିବ ବୋଲି ଆଇଆଇସି ସୂଚନା ଦେଇଛନ୍ତି ।