24-Jun-2021

ସୋନପୁର (ମନୋରଞ୍ଜନ ତ୍ରିପାଠୀ): ତେଲନଦୀ ଓ ମହାନଦୀର ସଙ୍ଗମ ସ୍ଥଳରେ ଦୀର୍ଘ ବର୍ଷରୁ  ବସବାସ କରି ଜ଼ିଲ୍ଲା ପ୍ରଶାସନ ପକ୍ଷରୁ ସମସ୍ତ ସୁବିଧା ସୁଯୋଗ ପାଇ ଆସୁଥିବା ଲେପ୍ରୋସି କଲୋନୀ  (ରୋଗୀ ସେବାଶ୍ରମ) ଏବଂ ଲେପ୍ରl ଇଣ୍ଡିଆ ନିକଟସ୍ଥ  ବୃଦ୍ଧାଶ୍ରମକୁ ଆଜି ସୁବର୍ଣ୍ଣପୁର ମୁଖ୍ୟ ଡାକ୍ତରଖାନାର ଏ ଡ଼ି ଏମ ଓ (ଏଫଡବ୍ଲୁ ) ଶ୍ରୀ  ନବ କିଶୋର ବେହେରାଙ୍କ ନେତୃତ୍ୱରେ ଏକ ସ୍ୱତନ୍ତ୍ର ମେଡିକାଲ ଟିମ ପହଞ୍ଚି ରୋଗୀ ସେବାଶ୍ରମର ୧୪ ଜଣ ରୋଗୀଙ୍କୁ ପ୍ରଥମ ଡୋଜ  ଟୀକାକରଣ କରିଥିବା ବେଳେ ବୃଦ୍ଧାଆଶ୍ରମର ୧୮ ଜଣ ବୃଦ୍ଧ ବୃଦ୍ଧାଙ୍କୁ ଦ୍ଵିତୀୟ ଡୋଜ ଓ ଜଣଙ୍କୁ ପ୍ରଥମ ଡୋଜ ଟୀକା ପ୍ରଦାନ କରିଥିଲେ l

ଆଜିର ଏହି ସ୍ୱତନ୍ତ୍ର ଓ ଉଚ୍ଚସ୍ତରୀୟ ମେଡିକାଲ ଟିମ ଟିକାକରଣ  କାର୍ଯ୍ୟକ୍ରମରେ  ଏଡିଏମଓ ଶ୍ରୀ ବେହେରାଙ୍କ ସମେତ  ସ୍ୱାସ୍ଥ୍ୟ ପରିଦର୍ଶକ ପ୍ରମୋଦ କୁମାର ସାହୁ, ଗାଁ କଲ୍ୟାଣ ସମିତି ର  କୋଡ଼ିନେଟର  ହିତେଶ ତ୍ରିପାଠୀ, ଡାଟା ଏଣ୍ଟ୍ରି ଅପରେଟର ମାନସ ପାଣ୍ଡିଆ,  ଆର -ବି -ଏସ -କେ ର  ନୂତନ କୋଡ଼ିନେଟର  ଓ  ସେବିକା ଭାମାବତୀ ହାତୀ ପ୍ରମୁଖ ସକ୍ରିୟ ଅଂଶ ଗ୍ରହଣ କରିଥିଲେ l ଓ ଅନ୍ତେବାସୀ ମାନଙ୍କ ସ୍ୱାସ୍ଥ୍ୟବସ୍ଥାକୁ ଏକ ଘଣ୍ଟା ଯାଏ ନିରୀକ୍ଷଣ କରି  ସେମାନଙ୍କୁ  ଉତ୍ସାହିତ କରିଥିଲେ l ପରବର୍ତ୍ତୀ ପର୍ଯ୍ୟାୟ ରେ ସୋନପୁର ର ସ୍ୱଧlର ଗୃହ ର ଅନ୍ତେବାସୀଙ୍କୁ  ମଧ୍ୟ ଟୀକା କରଣ କରିବାକୁ ଆଜି ନିଷ୍ପତ୍ତି ହୋଇଥିବା ବେଳେ ସୁବର୍ଣ୍ଣପୁର ଜ଼ିଲ୍ଲାପାଳ ମୋନୀଷା ବାନାର୍ଜୀଙ୍କ ନିର୍ଦ୍ଧେଶ କ୍ରମେ  ଆଜି ବିଭିନ୍ନ ଆଶ୍ରମ ର ଅସହାୟ ରୋଗୀ ଓ  ବୃଦ୍ଧ ଅନ୍ତେବାସୀଙ୍କୁ କରାଯାଇଥିବା ଟୀକା କରଣ ଓ  ଏହି ମହତ ସେବା କୁ ସହର ର ବିଭିନ୍ନ ମହଲ ରେ ପ୍ରଶଂସା କରାଯାଇଛି l ସହରରେ ପ୍ରଥମେ ଟୀକାକରଣରେ ଦେଖାଦେଇଥିଵା ବିଭିନ୍ନ ସମସ୍ୟାରେ ବର୍ତମାନ ସମ୍ପୂର୍ଣ ସୁଧାର ଓ ବ୍ୟବସ୍ଥିତ ହୋଇ ଆସିଥିବା ଖବର  ଜନସାଧାରଣଙ୍କ ମଧ୍ୟରେ ଖୁସି ଦେଖା ଦେଇଛି l