23-Jun-2021

ବିନିକା (ହିମାଂଶୁ ଶେଖର ପୁଟେଲ) : ବିନିକା ଅଞ୍ଚଳରେ ଧାନବିକ୍ରି ସମସ୍ୟା କୁ ନେଇ ଜାରି ରହିଥିବା ଅଚଳାବସ୍ଥା, ଟୋକନ ଲେପସ ଯୋଗୁଁ  ଧାନବିକ୍ରି କରିବାରୁ ଚାଷୀ ବଞ୍ଚିତ,ଚାଷୀଙ୍କ ନାମ ପଞ୍ଜିକରଣରେ ତ୍ରୁଟି ଆଦି ଅନେକ ସମସ୍ୟାରେ କବଳିତ ଚାଷୀ ତାର କଷ୍ଟପାର୍ଜିତ ଧାନକୁ ବିକ୍ରି କରି ପାରୁନାହିଁ l ପୁଣି ମୌସୁମୀ ବର୍ଷା ଯୋଗୁଁ ଧାନ ଭିଜି ଗଜା ହେଲାଣି l ଫଳରେ ଚାଷୀଙ୍କ ଦୁଃଖ ଆହୁରି ବଡ଼ି ଯାଇଛି l ଚାଷୀଙ୍କ ସମସ୍ୟା ସମାଧାନ ନେଇ ଚାଷୀଙ୍କ ସହିତ ବିନିକା କଂଗ୍ରେସ ଦଳ ସ୍ଥାନୀୟ ତହସିଲ ଅଫିସ ସମ୍ଭୂଖରେ ଆଜି ଠାରୁ ଧାରଣା ଆରମ୍ଭ ହୋଇଛି l ପ୍ରଶାସନ ତରଫରୁ ତହସିଲଦାର ଅଲେଖ ଘୁଟା,ଯୋଗାଣ ଅଧିକାରୀ ରାଜକିଶୋର ସ୍ୱାଇଁ, ଏସଇଏସଓ ତ୍ରିନାଥ ଭୋଇ,ଥାନା ଅଧିକାରୀ ପବିତ୍ର ସାହୁ ଘଟଣାସ୍ଥଳକୁ ଆସି ଚାଷୀ ଓ କଂଗ୍ରେସ କର୍ମୀଙ୍କ ସହ ଆଲୋଚନା କରିଥିଲେ ହେଁ ଧାନ ସବୁ ନ ଉଠିଲେ ଆମ୍ବେ ଧାରଣା ରୁ ଉଠିବୁ ନାହିଁ ବୋଲି ଚାଷୀ ମାନେ ରୋକଠୋକ ପ୍ରଶାସନକୁ ଶୁଣାଇ ଦେଇଥିଲେ l ଫଳରେ ପ୍ରଶାସନିକ ଅଧିକାରୀ ମାନେ ଫେରି ଯାଇଥିଲେ l ଧାରଣାରେ କଂଗ୍ରେସ ନେତା ଗୌରିଶ୍ୟାମ ପଣ୍ଡା,ନରେନ୍ଦ୍ର ପଣ୍ଡା,ରବିନ୍ଦ୍ର ହୋତା,ରାଘବ ଦାସ,ସୁଧାଂଶୁ ପଣ୍ଡା, ଗୋବିନ୍ଦା ଝାଙ୍କର,ପ୍ରଦୀପ ସେଠୀ,ସୁମନ୍ତ ସାହୁ,ସପନେଶ୍ୱର ପୃଷ୍ଟି ପ୍ରମୁଖଙ୍କ ସମେତ ବହୁ ଚାଷୀ ଓ କଂଗ୍ରେସ କର୍ମୀ ଏହି ଧାରଣାରେ ସାମିଲ ହୋଇଛନ୍ତି l