23-Jun-2021

ବଲାଙ୍ଗିର (ପ୍ରେରଣା ଖବର)  ଆଜି ଦିନ ୧୧ଟା ସମୟରେ ବଲାଙ୍ଗୀର ସହରର ରାଜେନ୍ଦ୍ର ପଡ଼ା ନିବାସୀ ଶ୍ରୀ ପ୍ରମୋଦ ବାଗ କର୍କଟ ରୋଗାକ୍ରାନ୍ତ ଥିବା ହେତୁ ବଲାଙ୍ଗୀର ୟୁଥ୍ ଏକ୍ସନ କମିଟି ପକ୍ଷରୁ ଆର୍ଥିକ ସହାୟତା ପ୍ରଦାନ କରାଯାଇଥିଲା l    ସୂଚନାରୁ ପ୍ରକାଶ ଯେ, ବଲାଙ୍ଗୀର ସହରର ରାଜେନ୍ଦ୍ର ପଡ଼ାରେ ରୁହନ୍ତି ଶ୍ରୀ ପ୍ରମୋଦ ବାଗ(ବୟସ ୫୨) l ପ୍ରମୋଦ ପେଶାରେ ଜଣେ ଗାଡି ଡ୍ରାଇଭର ଅଟନ୍ତି । ପରିବାରରେ ତାଙ୍କର ସ୍ତ୍ରୀ, ପୁଅ (୧୭), ଝିଅ (୧୫) ବର୍ଷ ର ରୁହନ୍ତି । ଏମାନେ ସମସ୍ତେ ଶ୍ରୀ ବାଗ ଙ୍କ ଉପରେ ନିର୍ଭରଶୀଳ l ଦୀର୍ଘ ୬ ମାସ ତଳେ ତାଙ୍କର ଦେହ ଅସୁସ୍ଥ ହେଲା ପରେ  ଚିକିତ୍ସା କରିବାରୁ ଜଣାଗଲା ଯେ ପ୍ରମୋଦ କର୍କଟ ରୋଗରେ ଆକ୍ରାନ୍ତ ଅଟନ୍ତି l ତାଙ୍କ ପାଖରେ ଯାହା ପୁଞ୍ଜି ଥିଲା ତାହା ସେ ଚିକିତ୍ସାରେ ସାରି ଦେଇ ସାରିଛନ୍ତି l ତାଙ୍କର ଆଗକୁ ଚିକିତ୍ସା ପାଇଁ ଅର୍ଥ ସାଜିଛି ବାଧକ l ତେଣୁ ତାଙ୍କର ଚିକିତ୍ସା ପାଇଁଁ ଆଜି ବଲାଙ୍ଗୀର ୟୁଥ ଅକ୍ସନ କମିଟି ପକ୍ଷରୁ ୩ହଜାର ଟଙ୍କା ଆର୍ଥିକ ସହାୟତା

ଯୋଗାଇ ଦିଆଯାଇଛି । ତାଙ୍କର ଚିକିତ୍ସା ପାଇଁ ଜିଲ୍ଲା ପ୍ରଶାସନ ଏବଂ ଜନସାଧାରଣ ସମସ୍ତେ ସାହାଯ୍ୟ ସହଯୋଗ କରିବାକୁ ବଲାଙ୍ଗିର ୟୁଥ ଏକସନ୍ କମିଟିର ସଭାପତି ବିନୋଦ କାଲସାଏ ଅନୁରୋଧ କରିଛନ୍ତି ।

ଆଜିର ଏହି ସହାୟତା କାର୍ଯ୍ୟକ୍ରମରେ  ସଂଯୋଜକ ରିଲୁ ରଥ, ଅପ୍ରମିତ ପରିଚ୍ଛା ଓ ଶ୍ୟାମସୁନ୍ଦର ଗହିର ତାଙ୍କ‌ ଘରକୁ ଯାଇ ‌ସାହାଯ୍ୟ ସହଯୋଗ ଯୋଗେଇ ଦେଇଛନ୍ତି ।